Bakı Şəhəri Yasamal Rayon Məhkəməsi Qərardad — İş №2(004)-3780/2021

Azərbaycan Respublikası adından QƏRARDAD Bakı şəhəri İş № 2(004)-3780/2021 21.05.2021 BAKI ŞƏHƏRİ YASAMAL RAYON MƏHKƏMƏSİ Hakim Əyyubov Fərid İlham oğlunun sədrliyi ilə, İddiaçı Unibank KB ASC-nin cavabdehlər Cavabdeh1 və Cavabdeh2 qarşı pul tələbinə dair sadələdirilmiş icraat qaydasında verdiyi iddia ərizəsi üzə mülki işə baxaraq, Müəyyən etdi: İddiaçı Unibank KB ASC cavabdehlər Cavabdeh1 və Cavabdeh2 qarşı pul tələbinə dair kiçik iddia ərizəsi ilə məhkəmə müraciət etmişdir. Məhkəmə Unibank KB ASC-nin iddia ərizəsini və ona əlavə edilmiş sənədləri nəzərdən keçirərək hesab edir ki, kiçik iddia ərizəsinin qəbul olunmasından imtina olunmalıdır. Belə ki, iddiaçı məhkəməyə kiçik iddialara dair sadələşdirilmiş icraat barədə ərizə təqdim edərək cavabdehlər Cavabdeh1 və Cavabdeh2 1365, 94 manat əsas, 177,21 manat faiz cəmi 1543,15 manat borcun və dövlət rüsumunun ödənilməsi barədə qətnamə qəbul edilməsini xahiş etmişdir. İddiaçı tərəfindən Cavabdeh2 poçt ünvanı ünvan 1i göstərilmişdir. Mülki Prosessual Məcəllənin 284-5.2-ci maddəsinə əsasən cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Lakin cavabdeh Cavabdeh2 iddia ərizəsində göstərilən ünvanına bildirişin çatdırılması qeyrimümkün olduğundan iddia ərizəsi üzrə mülki işə sadələşdirilmiş icraat qaydasında baxılması qeyri-mümkündür. Mülki Məcəllənin 284-4.1.1. maddəsinə əsasən bu Məcəllənin 153.2-ci maddəsində nəzərdə tutulmuş hallar müəyyən edilmişdirsə, 284-4.1.4ci maddəsinə əsasən ərizənin əsaslandığı tələbetmə hüququ barədə mübahisə vardırsa məhkəmə kiçik iddialara dair işlərə sadələşdirilmiş qaydada baxılması ilə əlaqədar ərizənin qəbul olunmasından imtina edir. Şərh olunanlara əsaslanaraq və Azərbaycan Respublikası MPM-nin 152, 263, 264, 268-ci maddələrini rəhbər tutaraq, Qərara aldı: İddiaçı Unibank KB ASC-nin cavabdehlər Cavabdeh1 və Cavabdeh2 qarşı pul tələbinə dair sadələdirilmiş icraat qaydasında verdiyi iddia ərizəsinin qəbul olunmasından imtina edilsin. İddiaçı Unibank KB ASC-yə iddia icraatı qaydasında məhkəməyə müraciət etmək hüququ izah edilsin. Qərardaddan rəsmi qaydada verildikdən sonra 10 (on) gün müddətində Bakı şəhəri Yasamal Rayon Məhkəməsinə şikayət verilə bilər. Hakim: Fərid Əyyubov