Bakı Şəhəri Yasamal Rayon Məhkəməsi Qətnamə — İş №2(004)-4545/2020

Azərbaycan Respublikası adından QƏTNAMƏ Bakı şəhəri İş № 2(004)-4545/2020 08.10.2020 BAKI ŞƏHƏRİ YASAMAL RAYON MƏHKƏMƏSİ Hakim Əyyubov Fərid İlham oğlunun sədrliyi ilə, İddiaçı ASC-nin Cavabdeh qarşı pul tələbinə dair iddia ərizəsinə kiçik iddialara dair işlər üzrə sadələşdirilmiş icraat qaydasında baxaraq, məhkəmə MÜƏYYƏN ETDİ: İddiaçı ASC iddia ərizəsi ilə məhkəməyə müraciət edərək, Cavabdeh iddiaçının xeyrinə xx.xx.2018-ci il tarixli 47-1***-******* saylı əvvəlcədən ödənilmiş kartın verilməsi və istifadəsi üzrə müqaviləyə əsasən 368,25 manat əsas, 64,46 manat faiz borcu, 29,27 manat cərimə borcu olmaqla, cəmi 461,98 manat borcun, xx.xx.2018-ci il tarixli 47-1***- ******* saylı əvvəlcədən ödənilmiş kartın verilməsi və istifadəsi üzrə müqaviləyə əsasən 535,93 manat əsas, 99,58 manat faiz borcu, 16,47 manat cərimə borcu olmaqla, cəmi 651,98 manat borcun və 30 manat ödənilmiş dövlət rüsumunun tutulması barədə qətnamə qəbul edilməsini xahiş etmişdir. Cavabdeh rəsmi qaydada bildiriş göndərilmiş, qanunvericiliklə müəyyən edilmiş müddət ərzində cavabdeh tərəfindən iddiaya qarşı etiraz daxil olmamışdır. İş materiallarında olan sübutlara əsasən məhkəmə tərəfindən müəyyən edilmişdir ki, “FİNtrend” X1 təşkilatı ilə Cavabdeh arasında xx.xx.2018-ci il tarixdə bağlanmış 47- 1***-******* saylı əvvəlcədən ödənilmiş kartın verilməsi və istifadəsi üzrə müqaviləyə əsasən BOKT müştəriyə illik 35 faizlə 24 ay müddətinə 909 manat məbləğində kredit verir, cavabdeh isə həmin məbləği müqavilənin ayrılmaz tərkib hissəsi olan ödəniş qrafiki əsasında ödəməyi öhdəsinə götürür.“FİNtrend” X1 təşkilatı ilə Cavabdeh arasında xx.xx.2018-ci il tarixli 47-1***-******* saylı əvvəlcədən ödənilmiş kartın verilməsi və istifadəsi üzrə müqaviləyə əsasən BOKT müştəriyə illik 35 faizlə 36 ay müddətinə 755 manat məbləğində kredit verir, cavabdeh isə həmin məbləği müqavilənin ayrılmaz tərkib hissəsi olan ödəniş qrafiki əsasında ödəməyi öhdəsinə götürür. “FİNtrend” X1 Təşkilatı ilə “xxxxxx” İKB ASC arasında bağlanmış tələbetmə hüququnun güzəşt olunmasına dair xx.xx.2018-ci il tarixli 004 saylı müqaviləyə xx.xx.2018-ci il tarixli vəxx.xx.2018-ci il tarixli hüquqların ötürülməsi barədə sazişlərə əsasən Cavabdeh ilə “FİNtrend” X1 Təşkilatı arasında bağlanmış əvvəlcədən ödənilmiş kartın verilməsi və istifadəsi üzrə müqavilələri üzrə borcu tələb etmək hüququ “xxxxxx” İKB ASC-yə ötürülmüşdür. Vergilər Nazirliyinin Milli Gəlirlər Baş İdarəsinin Hüquqi şəxslərin dövlət qeydiyyatı idarəsinin çıxarışından görünür ki, “xxxxxx” İKB ASC-nin adı dəyişdirilərək İddiaçı ASC edilmişdir. xx.xx.2020-ci il tarixli maliyyə arayışlarına əsasən cavabdehin xx.xx.2018-ci il tarixli 47-1***-******* saylı əvvəlcədən ödənilmiş kartın verilməsi və istifadəsi üzrə müqaviləyə əsasən 368,25 manat əsas, 64,46 manat faiz borcu, 29,27 manat cərimə borcu olmaqla, cəmi 461,98 manat borcu, xx.xx.2018-ci il tarixli 47-1***-******* saylı əvvəlcədən ödənilmiş kartın verilməsi və istifadəsi üzrə müqaviləyə əsasən 535,93 manat əsas, 99,58 manat faiz borcu, 16,47 manat cərimə borcu olmaqla, cəmi 651,98 manat borcu vardır. İddiaçı ASC-nin Cavabdeh ünvanladığı xəbərdarlıqlara əsasən məlum olur ki, iddiaçı tərəfindən borcun ödənilməsi barədə cavabdehə xəbərdarlıq edilmişdir. Məhkəmə iş materiallarını tədqiq edərək və iş üzrə sübutlara hüquqi qiymət verərək hesab edir ki, iddia təmin edilməli, xx.xx.2018-ci il tarixli 47-1***-******* saylı əvvəlcədən ödənilmiş kartın verilməsi və istifadəsi üzrə müqaviləyə əsasən 368,25 manat əsas, 64,46 manat faiz borcu, 29,27 manat cərimə borcu olmaqla, cəmi 461,98 manat borc, xx.xx.2018-ci il tarixli 47-1***-******* saylı əvvəlcədən ödənilmiş kartın verilməsi və istifadəsi üzrə müqaviləyə əsasən 535,93 manat əsas, 99,58 manat faiz borcu, 16,47 manat cərimə borcu olmaqla, cəmi 651,98 manat borc və 30 manat dövlət rüsumu Cavabdeh tutularaq İddiaçı ASC-yə ödənilməlidir. Mülki Məcəllənin 739.1-ci maddəsinə əsasən borc müqaviləsinə görə, iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda olan eyni növlü əşyalar şəklində borc verənə qaytarmağı öhdəsinə götürür. AR Mülki Məcəllənin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsində daxil olan öhdəliklərin icra edilmədiyi bütün hallar üçün cavabdehdir. Həmin maddənin 2-ci bəndinə əsasən borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır. Azərbaycan Respublikası MPM-nin 284-4-1-ci maddəsinə əsasən mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Həmin Məcəllənin 284-5.2-ci maddəsinə əsasən cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Həmin Məcəllənin 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Mülki Prosessual Məcəllənin 14.2-ci maddəsinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən isə hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Göstərilənlərə əsasən və Azərbaycan Respublikasının MPM-nin 216-220, 227, 358, 360 və 362-ci maddələrini rəhbər tutaraq, məhkəmə QƏT ETDİ: İddia tələbi təmin edilsin. xx.xx.2018-ci il tarixli 47-1***-******* saylı əvvəlcədən ödənilmiş kartın verilməsi və istifadəsi üzrə müqaviləyə əsasən 368,25 manat əsas, 64,46 manat faiz borcu, 29,27 manat cərimə borcu olmaqla, cəmi 461,98 (dörd yüz altmış bir manat 98 qəpik) manat borc, xx.xx.2018-ci il tarixli 47-1***-******* saylı əvvəlcədən ödənilmiş kartın verilməsi və istifadəsi üzrə müqaviləyə əsasən 535,93 manat əsas, 99,58 manat faiz borcu, 16,47 manat cərimə borcu olmaqla, cəmi 651,98 (altı yüz əlli bir manat 98 qəpik) manat borc və iş üzrə ödənilmiş 30 (otuz) manat dövlət rüsumu Cavabdeh tutularaq İddiaçı ASC-yə ödənilsin. Qətnamədən rəsmi qaydada verildiyi gündən 1 (bir) ay müddətində Bakı şəhəri Yasamal Rayon Məhkəməsi vasitəsi ilə Bakı Apelyasiya Məhkəməsinə apelyasiya şikayəti verilə bilər. Sədrlik edən: Fərid Əyyubov