Bakı Şəhəri Yasamal Rayon Məhkəməsi Qərardad — İş №2(004)-4895/2020

Azərbaycan Respublikası adından QƏRARDAD Bakı şəhəri İş № 2(004)-4895/2020 25.09.2020 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal rayon Məhkəməsinin hakimi Hacıyev Vahid Məcid oğlu, İddiaçı MTK-nın cavabdehlər Azərbaycan Dövlət Mədəniyyət və İddiaçı Universiteti, Azərbaycan Respublikası Təhsil Nazirliyi, Bakı şəhəri İcra Hakimiyyəti və Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinə qarşı “daşınmaz əmlaka dair hüquqmüəyyənedici sənədlərinin etibarsız hesab edilməsi nəticəsində dəymiş maddi ziyanın, əldən çıxmış mənfəətin ödənilməsi” tələbinə dair iddia ərizəsinə və ona əlavə edilmiş sənədlərə baxaraq, MÜƏYYƏN ETDİM: İddiaçı MTK cavabdehlər Azərbaycan Dövlət Mədəniyyət və İddiaçı Universiteti, Azərbaycan Respublikası Təhsil Nazirliyi, Bakı şəhəri İcra Hakimiyyəti və Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinə qarşı “daşınmaz əmlaka dair hüquqmüəyyənedici sənədlərinin etibarsız hesab edilməsi nəticəsində dəymiş maddi ziyanın, əldən çıxmış mənfəətin ödənilməsi” tələbinə dair iddia ərizəsi ilə xx.xx.2020-ci il tarixdə Bakı şəhəri Yasamal rayon Məhkəməsinə müraciət edərək, iddiaçının mülkiyyətində olan daşınmaz əmlaka dair hüquqmüəyyənedici sənəd kimi sərəncam və hüquqverici sənəd kimi şəhadətnamənin etibarsız hesab edilməsi nəticəsində dəymiş 14.438.000 manat maddi ziyanın əvəzi, 24.225.000 manat əldən çıxmış mənfəət cavabdehlərdən tutularaq İddiaçı MTK-ya ödənilməsi barədə qətnamə çıxarılmasını xahiş etmişdir. İddia ərizəsini və ona əlavə edilmiş sənədləri nəzərdən keçirib müəyyən etdim ki, iddia ərizəsi Azərbaycan Respublikası MPM-in 149-cu maddəsinin tələblərinə riayət edilmədən verilmişdir. Belə ki, İddiaçı MTK və cavabdehlər Azərbaycan Dövlət Mədəniyyət və İddiaçı Universiteti, Azərbaycan Respublikası Təhsil Nazirliyi, Bakı şəhəri İcra Hakimiyyəti, Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti hüquqi şəxslərdir. Göründüyü kimi, yaranmış mübahisə iddiaçı olan hüquqi şəxs cavabdeh olan hüquqi şəxslər arasındadır. Bu səbəbdən hazırkı iddiaya kommersiya məhkəməsi tərəfindən baxılmalıdır. Azərbaycan Respublikası MPM-in 24.2-ci maddəsinə əsasən mübahisənin ümumi məhkəməyə və ya kommersiya məhkəməsinə aidiyyəti işdə iştirak edən şəxslərin subyektiv tərkibi, mübahisənin predmeti və hüquq münasibətlərinin xarakteri nəzərə alınmaqla, bu Məcəlləyə müvafiq olaraq müəyyən edilir Azərbaycan Respublikası MPM-in 26.1-ci maddəsinə əsasən sahibkarlıq fəaliyyətinin həyata keçirilməsi ilə əlaqədar olan mübahisələrə (kommersiya mübahisələrinə) dair işlərə mülki məhkəmə icraatı qaydasında kommersiya məhkəmələri baxır. Odur ki, iddiaçı hazırkı iddia ərizəsini aiddiyyət qaydalarının pozulması ilə verdiyinə görə, məhkəmə aidiyyatı üzrə Bakı şəhəri Yasamal rayon Məhkəməsinin icraatına qəbul edilə və baxıla bilməz. İddia ərizəsi və ona əlavə edilmiş sənədlər iddiaçıya qaytarılmalı, iddiaçı qeyd olunan nöqsanları aradan qaldırmaqla, məhkəmə aidiyyatı üzrə Bakı Kommersiya Məhkəməsinə müraciət edə bilər. Azərbaycan Respublikası MPM-in 35.2-ci maddəsinə əsasən Hüquqi şəxsə iddia hüquqi şəxsin ünvanının olduğu yerə görə verilir. Hüquqi şəxsin törəmə müəssisəsinin fəaliyyətindən əmələ gələn iddialar müəssisənin ünvanının olduğu yerə görə verilir. Azərbaycan Respublikası MPM-in 31.1-ci maddəsinə əsasən aidiyyət qaydalarının pozulmasına yol verilmir. Azərbaycan Respublikası MPM-in 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Qeyd olunanlara əsasən və Azərbaycan Respublikası MPM-in 24.2, 26.1, 35.2, 151.1, 152, 152.1.1, 263-264-cü maddəsini rəhbər tutaraq, QƏRARA ALDİM: İddiaçı MTK-nın cavabdehlər Azərbaycan Dövlət Mədəniyyət və İddiaçı Universiteti, Azərbaycan Respublikası Təhsil Nazirliyi, Bakı şəhəri İcra Hakimiyyəti və Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinə qarşı “daşınmaz əmlaka dair hüquqmüəyyənedici sənədlərinin etibarsız hesab edilməsi nəticəsində dəymiş maddi ziyanın, əldən çıxmış mənfəətin ödənilməsi” tələbinə dair iddia ərizəsi və ona əlavə edilmiş sənədlər icraata qəbul edilmədən geri qaytarılsın. Qərardaddan 10 gün müddətində Bakı şəhəri Yasamal rayon Məhkəməsinə şikayət verilə bilər. Məhkəmənin hakimi:Vahid Hacıyev