Bakı Şəhəri Yasamal Rayon Məhkəməsi Qərardad — İş №2(004)-5240/2021

Azərbaycan Respublikası adından QƏRARDAD Bakı şəhəri İş № 2(004)-5240/2021 04.08.2021 BAKI ŞƏHƏRİ YASAMAL RAYON MƏHKƏMƏSİ Hakim Babazadə Gülnar Vidadi qızının sədrliyi, Məhkəmə iclas katibi X2 oğlunun katibliyi ilə, İddiaçı BOKT "xxxx" QSC-nin Cavabdeh qarşı “borc” tələbinə dair iddia ərizəsinə və ona əlavə edilmiş sənədlərə baxaraq, məhkəmə MÜƏYYƏN ETDİ: İddiaçı BOKT "xxxx" QSC Cavabdeh qarşı “borc” tələbinə dair iddia ərizəsi ilə məhkəməyə müraciət edərək, BOKT “Embafinans" Qapalı Səhmdar Cəmiyyəti ilə Cavabdeh arasında bağlanmış 16 dekabr 2019-cu il tarixli 393-RKM-0541-19 saylı və 16 dekabr 2019-cu il tarixli 393-RKM-0542-19 saylı kredit müqavilələrinin ləvğ edilməsi və Cavabdeh 16 dekabr 2019-cu il tarixli, 393-RKM-0541-19 saylı kredit müqaviləsi üzrə əsas borcu əsas borcu 134.94 AZN (bir yüz otuz dörd manat 94 qəpik), faiz borcu 0.82 AZN (sıfır manat 82 qəpik), cərimə borcu 1.75 AZN (bir manat 75 qəpik), 16 dekabr 2019-cu il tarixli, 393-RKM-0542-19 saylı kredit müqaviləsi əsas borcu 1011 53 AZN (bir min on bir manat 53 qəpik), faiz borcu 6.07 AZN (altı manat 07 qəpik), cərimə borcu 11.17 AZN (on bir manat 17 qəpik), həmçinin iddia ərizəsinə görə ödənilmiş 30 40 (otuz manat 40 qəpik) manat dövlət rüsumunun, ümumilikdə 1196.68 (bir min yüz doxsan altı manat, 68 qəpik) manat borcun idddiaçı Bank Olmayan Kredit Təşkilatı “Embafinans" QSC-nin xeyrinə tutulması barədə qətnamə qəbul olunmasını məhkəmədən xahiş etmişdir. Məhkəmə iddia ərizəni və ona əlavə edilmiş sənədləri nəzərdən keçirərək hesab edir ki, iddia ərizəsi və ona əlavə edilmiş sənədlər geri qaytarılmalıdır. Belə ki, “AZEMİS” Elektron Məhkəmə İnformasiya Sistemindən şəxsiyyət vəsiqəsi məlumatlarının çıxarışından görünür ki, Cavabdeh Abşeron rayonu, Xırdalan şəhərində qeydiyyatdadır. Göründüyü kimi, cavabdehin qeydiyyat ünvanı Abşeron rayonudur. Azərbaycan Respublikası Mülki Prosessual Məcəlləsinin: 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir; 40.1-ci maddəsinə əsasən ərazi aidiyyəti qaydalarının pozulmasına yol verilmir; 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür; 152.1.3-cü maddəsinə əsasən əgər iş ərazi aidiyyəti üzrə həmin məhkəmədə baxılmalı deyildirsə hakim iddia ərizəsini və ona əlavə edilmiş sənədləri geri qaytarır; 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Məhkəmə qeyd edir ki, Cavabdeh qeydiyyat ünvanı Abşeron rayonu, Xırdalan şəhəri olduğundan, iddiaçı BOKT "xxxx" QSC-nin iddia tələbinə ərazi aidiyyəti baxımından Bakı şəhəri Yasamal Rayon Məhkəməsində baxıla bilməz. Beləliklə, məhkəmə hesab edir ki, iddiaçı BOKT "xxxx" QSC-nin Cavabdeh qarşı “borc” tələbinə dair iddia ərizəsi və ona əlavə edilmiş sənədlər geri qaytarılmalı, iddiaçıya aidiyyatı üzrə məhkəməyə müraciət etmək hüququnun olması izah olunmalıdır. Qeyd olunanlara əsasən, Azərbaycan Respublikası Mülki Prosessual Məcəlləsinin 263-264, 267-268 maddələrini rəhbər tutaraq, məhkəmə QƏRARA ALDİ: İddiaçı BOKT "xxxx" QSC-nin Cavabdeh qarşı “borc” tələbinə dair iddia ərizəsi əlavə olunan sənədlərlə birlikdə geri qaytarılsın. İddiaçı BOKT "xxxx" QSC-yə Abşeron Rayon Məhkəməsinə müraciət etmək hüququnun olması izah olunur. Qərardaddan rəsmi qaydada verildikdən sonra 10 (on) gün müddətində Bakı şəhər Yasamal Rayon Məhkəməsinə şikayət verilə bilər. Hakim: Gülnar Babazadə