Bakı Şəhəri Yasamal Rayon Məhkəməsi Qərardad — İş №2(004)-6637/2021

Azərbaycan Respublikası adından QƏRARDAD Bakı şəhəri İş № 2(004)-6637/2021 04.10.2021 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Axundov Toğrul Bəhruz oğlu, İddiaçı cavabdehlər Cavabdeh1 BOKT QSC, Cavabdeh2 MMC və Cavabdeh3 ASC-yə qarşı öhdəliyə xitam verilməsi və ipoteka predmeti olan daşınar əmlakın ipoteka yüklülüyündən azad edilməsi tələbinə dair ərizəsinə məhkəmənin binasında baxaraq, MÜƏYYƏN ETDİM: İddiaçı cavabdehlər Cavabdeh1 BOKT QSC, Cavabdeh2 MMC və Cavabdeh3 ASC-yə qarşı öhdəliyə xitam verilməsi və ipoteka predmeti olan daşınar əmlakın ipoteka yüklülüyündən azad edilməsi tələbinə dair iddia ərizəsi ilə məhkəməyə müraciət edərək, 04.03.201-ci il tarixli, 1019 saylı kredit müqaviləsi üzrə öhdəliklərinə xitam verilərək əsas, faiz və dəbbə borcunun silinməsi; 04.03.201-ci il tarixli, 1019 saylı ipoteka müqaviləsi üzrə öhdəliklərinə xitam verilərək yüklü edilən **-KP-*** dövlət qeydiyyat nişanlı, VAZ 21074 minik markalı nəqliyyat vasitəsinin ipoteka üzrə yüklülüyündən azad edilməsi barədə qətnamə qəbul edilməsini xahiş etmişdir. Azərbaycan Respublikası MPM-nin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. İddiaçı məhkəməyə təqdim etdiyi ərizəni və mülki işin materiallarını tədqiq edərək hesab edirəm ki, Azərbaycan Respublikası MPM-nin 152.1.1 və 152.1.5-ci maddəsinə əsasən iddia ərizəsi və ona əlavə edilmiş sənədlər geri qaytarılmalıdır. Azərbaycan Respublikası MPM-nin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Belə ki, məhkəməyə təqdim edilmiş iddia ərizəsində cavabdehlər Cavabdeh1 BOKT QSC, Cavabdeh2 MMC və Cavabdeh3 ASC cavabdehlər siyahısında göstərilsə də, ərizənin əsaslandırıcı və xahiş etdim hissəsində iddia tələbinin Cavabdeh1 BOKT QSC-yə qarşı yönəldilməsi müəyyən edilsə də, digər cavabadehlərə qarşı tələbinin nədən ibarət olması göstərilməmişdir. Azərbaycan Respublikası MPM-nin 149.2-ci maddəsinə əsasən ərizədə aşağıdakılar göstərilməlidir: ərizənin verildiyi məhkəmənin adı; işdə iştirak edən şəxslərin adları, onların poçt ünvanları; iddiaçının və ya ərizəçinin tələbi, onların öz tələblərini əsaslandırdıqları hallar, iddia bir neçə cavabdehə verildikdə isə onların hər birinə qarşı yönələn tələb; müqavilə ilə və ya həmin kateqoriya işlər üçün qanunla bu, nəzərdə tutulmuşsa, cavabdehlə mübahisənin məhkəməyə qədər (pretenziya) qaydada nizama salınmasına riayət edilməsinə dair məlumat; ərizəyə əlavə edilən sənədlərin siyahısı. Məhkəmə eyni zamanda qeyd edir ki, iddiaçı cavabdehlə mübahisənin məhkəməyə qədər (pretenziya) nizama salınmasına da, riayət etməmişdir. Hesab edirəm ki, ərizənin forması Azərbaycan Respublikası MPM-nin 149.2-ci maddəsinin tələblərinə uyğun olmadığından və iddiaçı tərəfindən qanunvericliklə nəzərdə tutulmuş məhkəməyə qədər pretenziya qaydasına riayət edilmədiyinə görə iddia ərizəsi və ona əlavə edilmiş sənədlər geri qaytarılmalı, iddiaçıya nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququ izah olunmalıdır. Azərbaycan Respublikası MPM-nin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Göstərilənlərə əsasən və Azərbaycan Respublikası MPM-nin 152, 263, 264, 267, 268-ci maddələrini rəhbər tutaraq, QƏRARA ALDİM: İddiaçı cavabdehlər Cavabdeh1 BOKT QSC, Cavabdeh2 MMC və Cavabdeh3 ASC-yə qarşı öhdəliyə xitam verilməsi və ipoteka predmeti olan daşınar əmlakın ipoteka yüklülüyündən azad edilməsi tələbinə dair ərizəsi və ona əlavə edilmiş sənədlər geri qaytarılsın. İddiaçıya izah olunsun ki, ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan tərəfə rəsmi qaydada verildikdən sonra 10 gün müddətində Bakı şəhəri Yasamal Rayon Məhkəməsinə şikayət verilə bilər. Sədrlik edən: Toğrul Axundov