Bakı Şəhəri Nərimanov Rayon Məhkəməsi Qərardad — İş №2(005)-2108/2023

Azərbaycan Respublikası adından QƏRARDAD Bakı şəhəri İş № 2(005)-2108/2023 04.05.2023 BAKI ŞƏHƏRİ NƏRİMANOV RAYON MƏHKƏMƏSİ Hakim Nuriyeva Səbinə Vidadi qızının sədrliyi, Məhkəmə iclas katibi Fətəlizadə Rufanə Xıdır qızının katibliyi, İddiaçı iştirakı ilə, İddiaçı Cavabdeh qarşı “alimentin artırılması” tələbinə dair iddia ərizəsi üzrə mülki işə məhkəmənin inzibati binasında baxaraq, məhkəmə MÜƏYYƏN ETDİ: İddiaçı Cavabdeh qarşı “alimentin artırılması” tələbinə dair iddia ərizə ilə məhkəməyə müraciət edərək, müvafiq qətnamə qəbul edilməsini xahiş etmişdir. Məhkəmə iclasında iddiaçı iddia tələbinin məzmununa uyğun izahat verərək iddia tələbinin təmin edilməsini məhkəmədən xahiş etdi. Məhkəmə iddiaçının izahatını dinləyib, iddia ərizəsi və ona əlavə olunmuş iş materiallarını araşdıraraq hesab edir ki, mülki iş baxılmamış saxlanılmalıdır. Belə ki, məhkəmə araşdırması zamanı mübahisə predmeti ailə münasibətlərindən irəli gələn iddia növü olması müəyyən edildiyindən tərəflərin məhkəməyə müraciət etməmişdən qabaq mediasiya sessiyasında iştirak etmələri tələb olunur. Keçirilmiş hazırlıq iclasında iştirak edən iddiaçı mediasiya sessiyasında iştirak etmələri barədə müvafiq sənədin mövcud olub-olmaması sualına iddiaçı hazırki tələbi üzrə mediasiya təşkilatına müraciət etmədiyini bildirmişdir. Belə olan halda yuxarıda qeyd olunan mübahisə predmeti bu kateqoriya işlərə dair qanunvericilik xüsusi qaydalar müəyyən etmişdir. Hazırda iddiaçı tərəfindən məhkəmədə qaldırdığı iddia üzrə qanunvericliklə müəyyən edilmiş müvafiq prosesual hərəkətləri həyata keçirmədən məhkəməyə müraciət etmişdir. X1 Azərbaycan Respublikası Qanunun 21.9. maddəsinə əsasən aşağıdakı tələblərin birinə əməl edilmədən məhkəməyə müraciət edildikdə müraciət məhkəmə tərəfindən baxılmamış saxlanılır: 21.9.1. bu Qanunun 28-ci və 29-cu maddələrində nəzərdə tutulmuş hallarda tərəf bu Qanunun 29.7-ci maddəsində nəzərdə tutulmuş müvafiq arayışı və ya protokolu məhkəməyə etdiyi müraciətinə əlavə etmədikdə; 21.9.2. tərəflər arasında “mediasiya prosesinin tətbiqi barədə müqavilə” bağlandığı halda bu Qanunun 32.2-ci maddəsində nəzərdə tutulmuş protokol məhkəməyə edilmiş müraciətə əlavə edilmədikdə; 21.9.3. tərəflər arasında mediasiyaya dair qeyd-şərt olduğu halda bu Qanunun 21.6cı maddəsində nəzərdə tutulmuş təklifin göndərilməsi ilə əlaqədar başlamış mediasiya prosesinə bu Qanunun 21.7-ci maddəsində müəyyən edilmiş qaydada xitam verilmədikdə; 21.9.4. bu Qanunun 21.8-ci maddəsində nəzərdə tutulmuş hallarda tərəf həmin maddədə nəzərdə tutulmuş arayışı məhkəməyə etdiyi müraciətə əlavə etmədikdə. Belə ki, Azərbaycan Respublikası Mülki-Prosessual Məcəlləsinin 259.0.13-cü maddəsinə əsasən “Mediasiya haqqında” Azərbaycan Respublikası Qanununun 21.9-cu maddəsində göstərilən hallarda hakim ərizəni baxılmamış saxlayır. Həmin Məcəllənin 260.6-cı maddəsinə əsasən, iddianın baxılmamış saxlanması haqqında məhkəmə qərardadından şikayət verilə bilər. Məhkəmə hesab edir ki, hazırda məhkəmə araşdırması zamanı iddiaçının mediasiya sessiyasında iştirak etmədiyi müəyyən edilmişdir. Qüvvədə olan qanunvericiliyə əsasən bu növ münasibətlərdə tərəflərin məhkəməyə müraciət etməzdən əvvəl mediasiya prosesində iştirak edərək, mübahisənin mediasiya yolu ilə həllini təmin etməlidirlər. Keçirilmiş mediasiya prosesi zamanı tərəflər razılığa gəlmədikləri halda onlar məhkəməyə müraciət edə bilərlər. Göstərilənlərə əsasən məhkəmə hesab edir ki, İddiaçı Cavabdeh qarşı “alimentin artırılması” tələbinə dair, mülki iş baxılmamış saxlanılmalıdır. Şərh olunanlara əsasən və Azərbaycan Respublikası Mülki Prosessual Məcəlləsinin 259, 263-264, 267,268-ci maddələrini rəhbər tutaraq, məhkəmə QƏRARA ALDİ: İddiaçı Cavabdeh qarşı “alimetin artırılması” tələbinə dair iddia ərizəsi baxılmamış saxlanılsın. Qərardad tərəfə rəsmi qaydada verildikdən sonra 10 (on) gün müddətində “Elektron məhkəmə” informasiya sistemində yaradılan elektron kabinet vasitəsilə Bakı Şəhəri Nərimanov Rayon Məhkəməsinə şikayət verilə bilər. Hakim: Səbinə Nuriyeva