Bakı Şəhəri Nərimanov Rayon Məhkəməsi Qərardad — İş №2(005)-3145/2023

Azərbaycan Respublikası adından QƏRARDAD Bakı şəhəri İş № 2(005)-3145/2023 28.07.2023 BAKI ŞƏHƏRİ NƏRİMANOV RAYON MƏHKƏMƏSİ Hakim Əfəndizadə Mehriban Xalid qızının sədrliyi ilə, İddiaçı cavabdeh «Azər-ROSS İ K” Mənzil Tikinti Kooperativinə qarşı pul tələbinə dair iddia ərizəsinə və ona əlavə edilmiş sənədlərə baxaraq, məhkəmə MÜƏYYƏN ETDİ: İddiaçı cavabdeh «Azər-ROSS İ K” Mənzil Tikinti Kooperativinə qarşı pul tələbinə dair iddia ərizəsi ilə məhkəməyə müraciət etmişdir. Məhkəmə İddiaçı iddia ərizəsinin mümkünlüyü məsələsinə baxıb iş materiallarını araşdırıb hesab edir ki, iddia ərizəsi geri qaytarılmalıdır. Belə ki, iddia ərizəsinə müəyyən edilmiş qaydada və məbləğdə dövlət rüsumunun ödənilməsini təsdiq edən sənəd əlavə edilməmişdir. Məhkəmə hesab edir ki, iddiaçı iddia ərizəsinin verilməsinə görə dövlət rüsumunu ödəməkdən azad olmadığı halda dövlət rüsumunu ödəməmişdir və bu səbəbdən də iddia ərizəsi geri qaytarılmalıdır. Azərbaycan Respublikası Mülki Prosessual Məcəlləsinin 150.1.2-ci maddəsinə əsasən iddia ərizəsinə dövlət rüsumunun ödənilməsini təsdiq edən sənəd əlavə edilir. Azərbaycan Respublikası MPM-nin 152.1.5-ci maddələrinə əsasən hakim iddia ərizəsini və ona əlavə edilmiş sənədləri müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə geri qaytarmalıdır. Eyni zamanda iddia ərizəsi AR MPM-nin tələblərinə uyğun şəkildə tərtib edilməmişdir. Belə ki iddia tələbi aydın ifadə edilməmiş, pul dövriyyəsinin müəyyən edilməsi üçün məhkəmə tikinti ekspertiasının keçirilməsi barədə qərar qəbul edilməsi xahiş edilmişdir. Digər tərəfdən iddia ərizəsinin məzmunundan aydın olur ki, iddiaçının tələbi kommersiya fəaliyyəti ilə məşğul olan "xxxx" MMC-nin Cavabdeh MTK-dakı pul dövriyyəsinin müəyyənləşdirilməsi və onun 2%-nin iddiaçıya ödənilməsi ilə əlaqədardır. Məhkəmə hesab edir ki, həmin tələbə məhkəmə aiddiyyəti üzrə kommersiya məhkəməsi tərəfindən baxılmalıdır. Həmin Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh olunanlara əsasən Azərbaycan Respublikası MPM-nin 149-152, 263-264, 266- 269-ci maddələrini rəhbər tutaraq QƏRARA ALDİ: İddiaçı cavabdeh «Azər-ROSS İ K” Mənzil Tikinti Kooperativinə qarşı pul tələbinə dair iddia ərizəsi əlavə olunmuş sənədlərlə birlikdə geri qaytarılsın. İddiaçıya qərardadda göstərilən nöqsanlar aradan qaldırıldıqdan sonra təkrarən ümumi qaydada məhkəməyə müraciət etmək hüququ izah olunur. Qərardaddan 10 gün müddətində elektron məhkəmə informasiya sistemində yaradılmış elektron kabinetdən Bakı şəhəri Nərimanov Rayon Məhkəməsinə şikayət verilə bilər. Hakim Mehriban Əfəndizadə