Bakı Şəhəri Nərimanov Rayon Məhkəməsi Qərardad — İş №2(005)-3242/2020

Azərbaycan Respublikası adından QƏRARDAD Bakı şəhəri İş № 2(005)-3242/2020 15.09.2020 BAKI ŞƏHƏRİ NƏRİMANOV RAYON MƏHKƏMƏSİ Hakim Quliyev Vüqar Şahbaz oğlunun sədrliyi ilə, İddiaçı Cavabdeh qarşı “cinayət əməlinin törədilməsi nəticəsində vurulmuş maddi zərərin əvəzinin ödənilməsi” tələbinə dair iddia ərizəsinə və ona əlavə edilmiş sənədlərə baxaraq, məhkəmə MÜƏYYƏN ETDİ: İddiaçı Cavabdeh qarşı “cinayət əməlinin törədilməsi nəticəsində vurulmuş maddi zərərin əvəzinin ödənilməsi” tələbinə dair iddia ərizəsi verərək, cavabdehdən ona vurulmuş 172.440 AZN (bir yüz yetmiş iki min dörd yüz qırx) manat zərərin ona ödənilməsi üçün cavabdehə məxsus Quba rayonu, Təngaltı kəndində yerlləşən 1,50 ha ehtiyat fondu (sahibkarlıq) torpaq sahıəsinə və Cəlilabad rayonu Ocaqlı kəndində 4 nəfər ailə üzvləri ilə ümumi birgə adına olan 0,25 ha həyətyanı torpaq sahəsinə yönəldiməsi barədə qətnamə çıxarılmasını xahiş etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, iddia ərizəsi iddianın yolverilməzliyinə görə qəbul edilməkdən imtina edilməlidir. Belə ki, ərizəyə əlavə olunmuş Bakı Ağır Cinayətlər Məhkəməsinin 1(101)-171/2020 saylı xx xxxx 2020-ci il tarixli hökmündən göründüyü kimi İddiaçı mülki iddiası tam təmin edilmiş, Cavabdeh 172.440 AZN (bir yüz yetmiş iki min dörd yüz qırx) manat tutularaq İddiaçı ödənilməsi hökm edilmişdir. Bununla belə hazırki iddia tələbindən görünür olur ki, iddiaçı yenidən eyni iddia ilə məhkəməyə müraciət etmiş və əlavə olaraq zərərin ona ödənilməsi üçün cavabdehə məxsus Quba rayonu, Təngaltı kəndində yerlləşən 1,50 ha ehtiyat fondu (sahibkarlıq) torpaq sahəsinə və Cəlilabad rayonu Ocaqlı kəndində 4 nəfər ailə üzvləri ilə ümumi birgə adına olan 0,25 ha həyətyanı torpaq sahəsinə yönəldiməsini xahiş etmişdir. Məhkəmə qeyd edir ki hazırki iddia ərizəsində göstərilən əmlaka tutmanın yönəldilməsi əsas tələbdən asılı olan törəmə tələb kimi çıxış etməkdədir. Digər tərəfdən “İcra haqqında” Azərbaycan Respublikası Qanununun 45.6-cı maddəsinə əsasən tələbkarın tələblərinin təmin edilməsi üçün borclunun yetərli pul vəsaitləri olmadıqda, Azərbaycan Respublikasının qanunvericiliyinə uyğun olaraq tələbin yönəldilə bilmədiyi əmlak istisna olmaqla, tələb borcluya məxsus olan digər əmlaka yönəldilir. Qanunun mənasından göründüyü kimi tələbin əmlaklara yönəldilməsi icra mərhələsinə aid olan məsələ olduğundan və Bakı Ağır Cinayətlər Məhkəməsinin 1(101)-171/2020 saylı xx xxxx 2020-ci il tarixli hökmü ilə əsas iddia tələbinə hüquqi qiymət verildiyindən hazırki iddiada iddianın təmin ediləcəyi halda əmlaklara yönəldilməsi barədə iddianın qəbul edilməsinin yolverilməsini də istisna edir. Azərbaycan Respublikası MPM-in 153.2.2-ci maddəsinə əsasən eyni tərəflər arasında, eyni predmet barəsində və eyni əsaslar üzrə mübahisəyə dair məhkəmənin qanuni qüvvəyə minmiş qətnaməsi və ya iddiaçının iddiadan imtina etməsi ilə əlaqədar iş üzrə icraata xitam edilməsi və ya tərəflərin barışıq sazişinin təsdiq edilməsi haqqında məhkəmənin qərardadı olarsa hakim iddianın yolverilməzliyinə görə iddia ərizəsini qəbul etməkdən imtina edir. Azərbaycan Respublikası MPM-nin: 153.3-cü madəsinə görə hakim ərizəni qəbul etməkdən imtina barədə əsaslandırılmış qərardad çıxarır. İşə məhkəmə qaydasında baxılmalı deyildirsə, iddiaçının hansı orqana müraciət etməli olmasını orada göstərir. 153.4-cü maddəsinə görə ərizəni qəbul etməkdən imtina haqqında qərardad ərizəyə əlavə olunmuş bütün sənədlərlə birlikdə ərizəçiyə rəsmi qaydada verilməlidir. Qeyd olunanlara əsasən məhkəmə hesab edir ki, İddiaçı iddia ərizəsi və ona əlavə edilmiş sənədlərin qəbulundan imtina edilməlidir. Şərh olunanlara əsasən və Azərbaycan Respublikası MPM-in 153, 263-264-cü maddələrini rəhbər tutaraq, məhkəmə QƏRARA ALDİ: İddiaçı “cinayət əməlinin törədilməsi nəticəsində vurulmuş maddi zərərin əvəzinin ödənilməsi” tələbinə dair iddia ərizəsi iddianın yolverilməzliyinə görə qəbul etməkdən imtina edilsin. İddia ərizəsi və ona əlavə edilmiş sənədlər iddiaçıya geri qaytarılsın. Qərardadın surəti təqdim edildiyi və ya alındığı gündən 10 gün müddətində Bakı şəhəri Nərimanov Rayon Məhkəməsinə şikayət verilə bilər. Hakim Vüqar Quliyev