Bakı Şəhəri Nərimanov Rayon Məhkəməsi Qərardad — İş №2(005)-3279/2020

Azərbaycan Respublikası adından QƏRARDAD Bakı şəhəri İş № 2(005)-3279/2020 11.09.2020 BAKI ŞƏHƏRİ NƏRİMANOV RAYON MƏHKƏMƏSİ Mən hakim Ədilova Solmaz İmran qızı, iddiaçı “xxxx” MMC-nin Cavabdeh qarşı “maddi ziyanın ödənilməsi” tələbinə dair iddia ərizəsinə və ona əlavə edilmiş sənədlərə baxaraq, MÜƏYYƏN ETDİM: İddiaçı “xxxx” MMC Cavabdeh qarşı “maddi ziyanın ödənilməsi” tələbinə dair iddia ərizəsi ilə məhkəməyə müraciət etmişdir. İddia ərizəsini və ona əlavə edilmiş sənədləri nəzərdən keçirərək hesab edirəm ki, iddia ərizəsi geri qaytarılmalıdır. Belə ki, Azərbaycan Respublikası MPM-nin 152.1.3-cü maddəsinə əsasən əgər iş ərazi aidiyyəti üzrə həmin məhkəmədə baxılmalı deyildirsə məhkəmə iddia ərizəsini və ona əlavə edilmiş sənədləri geri qaytarır. İddia ərizəsindən göründüyü kimi, cavabdeh X1 qeydiyyat ünvanı ünvan 1 Məhkəmə tərəfindən müəyyən edilmişdir ki, bəhs edilən ünvan Bakı Şəhəri Nərimanov Rayon Məhkəməsinin inzibati ərazisinə deyil. Bundan başqa iddiaçı ərizədə qeyd etmişdir ki, xxxx ilə Cavabdeh arasında bağlanmış müqavilənin 7.3-cü bəndinə əsasən tərəflər arasındakı mübahisələr üçün iddiaçının olduğu yer üzrə, yəni Bakı Şəhəri Nərimanov Rayon Məhkəməsində baxılacaqdır. Qeyd olunan müqavilə tədqiq edilən zaman həmin müqavilədə belə bir müddəanın mövcudluğu müəyyən edilməmişdir. Habelə, sözügedən müqavilənin 6.3-cü bəndində isə mübahisələrin həllində tərəflər arasında 7 gün ərzində qarşılıqlı razılıq əldə olunmazsa, həmin mübahisələrin Azərbaycan Respublikasının qanunvericiliyinə uyğun olaraq aidiyyəti məhkəmədə həll edilməsi əks olunmuşdur. Odur ki, hazırki mübahisə üzrə aidiyyəti məhkəmə Bakı Şəhəri Nərimanov Rayon Məhkəməsi hesab edilə bilməz. Azərbaycan Respublikası MPM-nin: 31.1-ci maddəsinə əsasən aidiyyət qaydalarının pozulmasına yol verilmir. 35.1-ci maddəsinə görə qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. 152.2-ci maddəsinə görə iddia ərizəsinin qaytarılması haqqında hakim qərardad çıxarır. 152.3-cü maddəsinə görə iddia ərizəsinin qaytarılması haqqında qərardaddan şikayət verilə bilər. 152.4-cü maddəsinə görə iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Göstərilənlərə əsasən hesab edirəm ki, iddiaçı cavabdehin qeydiyyat ünvanı üzrə aidiyyəti məhkəməyə müraciət edə bilər. İddiaçının hazırki mülki iş üzrə - Bakı Şəhəri Nərimanov Rayon Məhkəməsinə iddia tələbi ilə müraciət etməsi yolverilməzdir. Ona görə də iddia ərizəsi iddiaçıya geri qaytarılmalı və ona izah edilməlidir ki, o, qeyd olunan çatışmazlıqları aradan qaldırdıqdan sonra aidiyyət qaydalarına riayət etməklə müvafiq iddia ərizəsi ilə Şəki Rayon Məhkəməsinə müraciət edə bilər. Şərh olunanlara əsasən və Azərbaycan Respublikası MPM-in 149.2.5, 150.0.5, 152.1, 268-269-cu maddələrini rəhbər tutaraq, məhkəmə QƏRARA ALDİM: İddiaçı “xxxx” MMC-nin cavabdeh X2 qarşı “maddi ziyanın ödənilməsi” tələbinə dair iddia ərizəsi və ona əlavə edilmiş sənədlər geri qaytarılsın. İddiaçılara izah edilsin ki, ərizə ilə aidiyyət qaydalarına riayət etməklə Şəki Rayon Məhkəməsinə müraciət edə bilər. Qərardadın surəti təqdim edildiyi və ya alındığı gündən 10 gün müddətində Bakı Şəhəri Nərimanov Rayon Məhkəməsinə şikayət verilə bilər. Hakim Solmaz Ədilova