Bakı Şəhəri Nərimanov Rayon Məhkəməsi Qərardad — İş №2(005)-925/2022

Azərbaycan Respublikası adından QƏRARDAD Bakı şəhəri İş № 2(005)-925/2022 13.01.2022 BAKI ŞƏHƏRİ NƏRİMANOV RAYON MƏHKƏMƏSİ Hakim Əsədova Gültəkin Akif qızının sədrliyi, Məhkəmə iclas katibi İbrahimova Ramilə Namiq qızının katibliyi ilə, İddiaçı Cavabdeh qarşı “pul məbləğinin indeksassiyası” tələbinə dair iddia ərizəsinin mümkünlüyü məsələsinə baxaraq, məhkəmə MÜƏYYƏN ETDİ: İddiaçı Cavabdeh qarşı “pul məbləğinin indeksassiyası” tələbinə dair iddia ərizəsi ilə məhkəməyə müraciət edərək, Bakı Ağır Cinayətlər Məhkəməsinin 1(101)-77/2013 saylı, 20.10.2014-cü il tarixli hökmü ilə ona dəymiş və ödənilməsinə hökm verilmiş 56182 manat məbləğində maddi ziyanın yeddi il müddətinə ödənilmədiyini, bu səbəbdən ona dəymiş əlavə maddi ziyanın həcmini nəzərə alaraq, illik beş faiz olmaqla hesablanması və indeksassiya olunmaqla 19663 (ön doqquz min altı yüz altmış üç) manat məbləğində pul vəsaitinin Cavabdeh tutularaq ona ödənilməsi haqqında qətnamə qəbul edilməsini xahiş etmişdir. Məhkəmə İddiaçı iddia ərizəsinin mümkünlüyü məsələsinə baxıb iş materiallarını araşdırıb hesab edir ki, iddia ərizəsinin icraata qəbul edilməsindən imtina edilməli və iddia ərizəsi əlavə olunmuş sənədlərlə birlikdə geri qaytarılmalıdır. Belə ki, Azərbaycan Respublikası Mülki-Prosessual Məcəlləsinin 153.2-ci və 153.2.1-ci maddələrinə əsasən ərizəyə məhkəmə qaydasında baxılmalı deyildirsə hakim iddianın yolverilməzliyinə görə iddia ərizəsini qəbul etməkdən imtina edir. Həmin Məcəllənin 153.3-cü maddəsinə əsasən hakim ərizəni qəbul etməkdən imtina barədə əsaslandırılmış qərardad çıxarır. İşə məhkəmə qaydasında və ya mülki məhkəmə icraatı qaydasında baxılmalı deyildirsə, iddiaçının hansı orqana və ya məhkəməyə müraciət etməli olmasını orada göstərir. İddia ərizəsindən görünür ki, iddiaçı Bakı Ağır Cinayətlər Məhkəməsinin 1(101)-77/2013 saylı. 20.10.2014-cü il tarixli hökmü ilə ona dəymiş və ödənilməsinə hökm verilmiş 56182 manat məbləğində maddi ziyanın yeddi il müddətinə ödənilmədiyini, bu səbəbdən ona dəymiş əlavə maddi ziyanın həcmini nəzərə alaraq, illik beş faiz olmaqla hesablanması və indeksassiya olunmaqla 19663 (ön doqquz min altı yüz altmış üç) manat məbləğində pul vəsaitinin Cavabdeh tutularaq ona ödənilməsi barədə qətnamə qəbul edilməsini xahiş etmişdir. Məhkəmə qeyd edir ki, “ərizəyə məhkəmə qaydasında baxılmalı deyildirsə” müddəası özündə, mülki işin məhkəmədə deyil, qanunun tələbinə görə başqa orqanda, yaxud iş məhkəməyə aid olsa da, mülki mühakimə icraatı qaydasında deyil, başqa məhkəmə icraatı qaydasında (cinayət, inzibati və ya inzibati xətalara dair işlər üzrə icraat) baxılmalı olmasını, habelə qanunla xüsusi mübahisələndirmə qaydası müəyyən edilmiş aktların iddia icraatı qaydasında mübahisələndirilməsinin yolverilməzliyini ehtiva edir. Məhkəmə hesab edir ki, hökmlə müəyyən edilmiş ona dəymiş zərərin indeksassiya olunması ayrıca məhkəmə icraatının predmeti ola bilməz, həmin məsələyə Hökm və ya məhkəmənin digər yekun qərarlarının icrası qaydasında baxılmalıdır. (7 indeksi ilə) Beləliklə, məhkəmə hesab edir ki, hazırki məsələyə məhkəmədə baxılmalı olmadığından, İddiaçı Cavabdeh qarşı “pul məbləğinin indeksassiyası” tələbinə dair iddia ərizəsinin icraata qəbul edilməsindən imtina edilməli və iddia ərizəsi ona əlavə edilmiş sənədlərlə birlikdə geri qaytarılmalıdır. Qeyd olunanlara əsasən Azərbaycan Respublikası Mülki Prosessual Məcəlləsinin 263-264cü maddələrini rəhbər tutaraq, məhkəmə QƏRARA ALDİ: İddiaçı Cavabdeh qarşı “pul məbləğinin indeksassiyası” tələbinə dair iddia ərizəsinin icraata qəbul edilməsindən imtina edilsin. İddiaçı Cavabdeh qarşı “pul məbləğinin indeksassiyası” tələbinə dair iddia ərizəsi, ona əlavə edilmiş sənədlərlə birlikdə geri qaytarılsın. Qərardaddan rəsmi qaydada verildikdən sonra 10 (on) gün müddətində Bakı şəhəri Nərimanov Rayon Məhkəməsinə şikayət verilə bilər. Hakim: Gültəkin Əsədova