Bakı Şəhəri Nəsimi Rayon Məhkəməsi Qərardad — İş №2(006)-1991/2023

Azərbaycan Respublikası adından QƏRARDAD Bakı şəhəri İş № 2(006)-1991/2023 03.04.2023 BAKI ŞƏHƏRİ NƏSİMİ RAYON MƏHKƏMƏSİ Bakı şəhəri Nəsimi Rayon Məhkəməsinin hakimi Abidova Günay Çingiz qızı, İddiaçı cavabdehlər “Cavabdeh2” və Cavabdeh1 qarşı «maddi zərərin ödənilməsi» tələbinə dair iddia ərizəsinə baxaraq, MÜƏYYƏN ETDİM: İddiaçı avabdehlər “Cavabdeh2” və Cavabdeh1 qarşı «maddi zərərin ödənilməsi» tələbinə dair iddia ərizəsi ilə məhkəməyə müraciət etmişdir. İddia ərizəsini və ona əlavə edilmiş sənədləri nəzərdən keçirərək hesab edirəm ki, iddia ərizəsi və ona əlavə olunmuş sənədlər iddiaçıya geri qaytarılmalıdır. Belə ki, iddia ərizəsindən və ona əlavə edilmiş sənədlərdən görünür ki, iddiaçı ərazi aidiyyəti normalarına riayət etməmişdir. Azərbaycan Respublikası Mülki Prosessual Məcəlləsinin (bundan sonra – Mülki Prosessual Məcəllə) 151.1-ci maddəsinə əsasən, iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Mülki Prosessual Məcəllənin 152.1.3-cü maddəsinin tələbinə görə, əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə, hakim iddia ərizəsini və ona əlavə edilmiş sənədləri iddiaçıya geri qaytarır. Mülki Prosessual Məcəllənin 35.1-35.2-ci maddələrinə əsasən, qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Hüquqi şəxsə iddia hüquqi şəxsin ünvanının olduğu yerə görə verilir. İddia ərizəsində qeyd edilmişdir ki, Cavabdeh1 ünvanı ünvan 1formasiya Sistemi ilə bu məlumat təsdiqlənmişdir. “AZEMİS” Elektron Məhkəmə İnformasiya Sistemindən görünür ki, “Cavabdeh2” adlı şəxs mövcud deyildir. İddia ərizəsinə əlavə edilmiş AD seriyalı 88*920 nömrəli nəqliyyat vasitəsinin qeydiyyat şəhadətnaməsindən görünür ki, 99JC544 qeydiyyat nişanlı “X2 yük” markalı yəhərli dartıcı tipli nəqliyyat vasitəsinin sahibi "xxxx" Məhdud Məsuliyyətli Cəmiyyətidir. Həmin şəhadətnamədən və “AZEMİS” Elektron Məhkəmə İnformasiya Sistemindən görünür ki, "xxxx" Məhdud Məsuliyyətli Cəmiyyətinin hüquqi ünvanı Bakı şəhəri, Nərimanov rayonu, Koroğlu Rəhimov, ev 1*, mənzil 34-dür. İddia ərizəsinə əlavə edilmiş 99JC544 qeydiyyat nişanlı “X2 yük” markalı yəhərli dartıcı tipli nəqliyyat vasitəsinə dair Cavabdeh1 verilmiş yol vərəqəsinin üzərində "xxxx" MMC-yə məxsus ştamp müəyyən edilir. İddia ərizəsinə əlavə edilmiş Binəqədi Rayon Polis İdarəsinin avtonəqliyyat vasitəsi sahiblərinin mülki məsuliyyətinin icbari sığortası üzrə sığorta hadisəsi hesab edilə bilən halın təfərrüatları barədə xx.xx.2023-cü il tarixli arayışından görünür ki, yol-nəqliyyat hadisəsinin baş verməsində təqsiri olan şəxs 99JC544 dövlət qeydiyyat nişanlı “Mercedes Axor” markalı avtonəqliyyat vasitəsinin mülkiyyətçisi "xxxx" MMC, hadisə baş verdiyi anda sürücüsü Cavabdeh1 olmuşdur. Göründüyü kimi, hazırki iş üzrə cavabdeh qismində qeyd edilmiş “Cavabdeh2” adlı şəxs mövcud olmadığından, Cavabdeh1 Tovuz rayonunda qeydiyyatda olduğundan, "xxxx" Məhdud Məsuliyyətli Cəmiyyətinin hüquqi ünvanı isə Nərimanov rayonunda olduğundan, hazırki işə ərazi aidiyyəti üzrə Nəsimi Rayon Məhkəməsində baxılmasına əsas yoxdur. Mülki Prosessual Məcəllənin 114.1.3-cü maddəsinə əsasən, bu Məcəllə ilə nəzərdə tutulmuş əsaslarla ərizə geri qaytarılarsa, ödənilmiş dövlət rüsumu qaytarılır. İddia ərizəsinə əlavə edilmiş 2*.03.2023-cü il tarixli qəbzdən görünür ki, iddia ərizəsinin məhkəməyə verilməsinə görə İddiaçı tərəfindən 1*8 manat məbləğində dövlət rüsumu ödənilmişdir. Mülki Prosessual Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Hesab edirəm ki, işə ərazi aidiyyəti üzrə Bakı şəhəri Nəsimi Rayon Məhkəməsində baxılmalı olmadığından, iddia ərizəsi və ona əlavə edilmiş sənədlər iddiaçıya geri qaytarılmalı, ona qeyd olunan nöqsan aradan qaldırıldıqdan sonra aidiyyəti üzrə məhkəməyə yenidən müraciət etmək hüququ izah edilməlidir. Həmçinin, ödənilmiş dövlət rüsumu iddiaçıya geri qaytarılmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 35, 152, 263, 264, 26* və 268-ci maddələrini rəhbər tutaraq QƏRARA ALDİM: İddiaçı cavabdehlər “Cavabdeh2” və Cavabdeh1 qarşı «maddi zərərin ödənilməsi» tələbinə dair iddia ərizəsi və ona əlavə edilmiş sənədlər iddiaçıya geri qaytarılsın. İddiaçıya izah edilsin ki, göstərilən nöqsanlar aradan qaldırıldıqdan sonra yenidən, ümumi qaydada məhkəməyə müraciət etmək hüququ vardır. Dövlət büdcəsinə dövlət rüsumu kimi ödənilmiş 1*8 (bir yüz yetmiş səkkiz) manat məbləğində pul iddiaçıya geri qaytarılsın. Qərardaddan 10 (on) gün müddətində Bakı şəhəri Nəsimi Rayon Məhkəməsinə şikayət verilə bilər. Hakim: Günay Abidova