Bakı Şəhəri Nəsimi Rayon Məhkəməsi Qərardad — İş №2(006)-3317/2022

Azərbaycan Respublikası adından QƏRARDAD Bakı şəhəri İş № 2(006)-3317/2022 01.09.2022 BAKI ŞƏHƏRİ NƏSİMİ RAYON MƏHKƏMƏSİ Nəsimi Rayon Məhkəməsinin hakimi Tağıyeva Natavan Tağı qızının sədrliyi, məhkəmə iclasının katibi Quluzadə Sevil Zakir qızının katibliyi ilə, İddiaçı cavabdeh “X1” ASC-yə qarşı “kreditin tutulmasının zaminlik müqaviləsinə yönəldilməsi” tələbinə dair iddia ərizəsi üzrə mülki işə açıq hazırlıq məhkəmə iclasında baxaraq, müəyyənetdi: İddiaçı cavabdeh “X1” ASC-yə qarşı “kreditin tutulmasının zaminlik müqaviləsinə yönəldilməsi” tələbinə dair iddia ərizəsi ilə məhkəməyə müraciət edərək, cavabdeh “X1” ASC-nin hesabına tərəfindən ödənilmiş 1704.59 manatdan ona aidiyyatı olmayan kredit müqaviləsinə köçürülmüş 788.84 manatın mərhum Tahir Mustafayevlə ”X1” ASC arasında bağlanmış kredit müqaviləsi üzrə zaminlik müqaviləsinə əsasən zamin olduğu kreditə yönəldilməsi barədə qətnamə qəbul edilməsini xahiş etmişdir. İddiaçı 01 sentyabr 2022-ci il tarixdə məhkəməyə teleqram ünvanlayaraq, icraatda olan İddiaçı cavabdeh “X1” ASC-yə qarşı “kreditin tutulmasının zaminlik müqaviləsinə yönəldilməsi” tələbinə dair 2(006)-3317/2022 saylı mülki iş üzrə cavabdehlə arasında olan razılaşmaya görə iddia ərizəsi və ona əlavə edilmiş sənədlərin ona geri qaytarılmasını xahiş etmişdir. Azərbaycan Respublikası Mülki-Prosessual Məcəlləsinin 259.0.11-ci maddəsinə əsasən, iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə hakim ərizəni baxılmamış saxlayır. Bu Məcəllənin 254, 255, 261.0.1—261.0.3 və 261.0.6—261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Məhkəmə hesab edir ki, İddiaçı cavabdeh “X1” ASC-yə qarşı “kreditin tutulmasının zaminlik müqaviləsinə yönəldilməsi” tələbinə dair iddia baxılmamış saxlanılmalı və iddia ərizəsi ona əlavə edilmiş sənədlərlə iddiaçıya geri qaytarılsın. Şərh olunanlara əsasən və Azərbaycan Respublikası Mülki-Prosessual Məcəlləsinin 259.0.11, 260, 263-264 -cü maddələrini rəhbər tutaraq, məhkəmə qəraraaldı: İddiaçı cavabdeh “X1” ASC-yə qarşı “kreditin tutulmasının zaminlik müqaviləsinə yönəldilməsi” tələbinə dair iddia ərizəsi baxılmamış saxlanılsın. İddia ərizəsi ona əlavə edilmiş sənədlərlə iddiaçıya geri qaytarılsın. İddiaçı tərəfindən dövlət büdcəsinə dövlət rüsumu kimi ödənilmiş 31 manat məbləğində pul ona geri qaytarılsın. Qərardaddan onun rəsmi qaydada verildiyi gündən 10 (on) gün müddətində Bakı şəhəri Nəsimi Rayon Məhkəməsinə şikayət verilə bilər. Hakim: Natavan Tağıyeva