Bakı Şəhəri Nizami Rayon Məhkəməsi Qərardad — İş №2(007)-1065/2024

Azərbaycan Respublikası adından QƏRARDAD Bakı şəhəri İş № 2(007)-1065/2024 05.02.2024 BAKI ŞƏHƏRİ NİZAMİ RAYON MƏHKƏMƏSİ Mən, Bakı Şəhəri Nizami Rayon Məhkəməsinin hakimi Əhmədov Rauf Tağı oğlu, İddiaçı Cavabdeh qarşı «pul» tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİM: İddiaçı Cavabdeh qarşı «pul» tələbinə dair iddia ərizəsi ilə Bakı şəhəri Nizami Rayon Məhkəməsinə müraciət etmişdir. İddia ərizəsinin məhkəmə icraatının mümkünlüyü məsələsi yoxlanılarkən müəyyən edilmişdir ki, ərizə verilərkən iddiaçı pozuntulara yol vermişdir. Azərbaycan Respublikası Mülki Prosessual Məcəlləsinin: 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. 152.1.3-cü maddəsinə əsasən əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə hakim iddia ərizəsini və ona əlavə edilmiş sənədləri geri qaytarır. 152.2.-ci maddəsinə əsasən iddia ərizəsinin qaytarılması haqqında hakim qərardad çıxarır. 152.3-cü maddəsinə əsasən iddia ərizəsinin qaytarılması haqqında qərardaddan şikayət verilə bilər. Qərardad ləğv edildikdə, iddia ərizəsi məhkəməyə müraciət edildiyi gündən verilmiş hesab edilir. İddia ərizəsinə və ona əlavə edilmiş sənədlərə nəzər yetirdikdə müəyyən olunur ki, iddiaçı cavabdehin yaşayış yerinin olmadığını qeyd etməklə, iş yeri kimi “Bakı şəhəri, Nizami rayonu, SOCAR-ın X1” ünvanını qeyd etmiş, cavabdehin ünvanını təsdiq edən sübutları (cavabdehin şəxsiyyət vəsiqəsi və ya MAPS şöbəsinin arayışı) iddia ərizəsinə əlavə etməmişdir. Hansı ki, iddia qanunvericiliyin tələbinə əsasən cavabdehin iş yeri üzrə deyil, aidiyyəti üzrə yaşayış yeri üzrə verilə bilər, göstərilən sənədlər əlavə edilmədiyi halda isə mülki işin aidiyyəti üzrə hazırkı məhkəməyə aid olmasını müəyyən etmək mümkün deyil. Bu yerdə məhkəmə vurğulayır ki, iddiaçı daha əvvəl də eyni tələblə, eyni cavabdehə qarşı iddia ərizəsi ilə məhkəməyə müraciət etmiş və məhkəmənin xx.xx.2024-cü il tarixli, 2(007)-815/2024 saylı qərardadı ilə, iddia ərizəsi müvafiq pozuntularla verildiyinə görə iddiaçıya geri qaytarılmışdır. Lakin, iddiaçı həmin qərardadda qeyd olunan nöqsanlardan sadəcə dövlət rüsumu ilə bağlı yol verdiyi pozuntunu aradan qaldırmış, yuxarıda qeyd olunan nöqsanı (cavabdehin yaşayış yerini təsdiq edən sübutu- MAPS arayışı və.s) isə aradan qaldırmadan təkrarən iddia ərizəsini məhkəməyə təqdim etmişdir. Azərbaycan Respublikası Mülki Prosessual Məcəlləsinin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Beləliklə, hesab edirəm ki, qeyd olunan nöqsana əsasən iddia ərizəsi ona əlavə edilmiş sənədlərlə geri qaytarılmalı, nöqsanı aradan qaldırdıqdan sonra ümumi qaydada aidiyyəti məhkəməyə müraciət etmək hüququ iddiaçıya izah edilməlidir. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 152, 263-264, 267-268-ci maddələrini rəhbər tutaraq, QƏRARA ALDİM: İddiaçı Cavabdeh qarşı «pul» tələbinə dair iddia ərizəsi və ona əlavə edilmiş sənədlər geri qaytarılsın. Qərardadda göstərilən nöqsanlar aradan qaldırıldıqdan sonra ümumi qaydada məhkəməyə müraciət etmək hüququ İddiaçı izah olunsun. Qərardaddan tərəfə rəsmi qaydada verildikdən sonra 10 gün müddətində Bakı şəhəri Nizami Rayon Məhkəməsinə şikayət verilə bilər. Sədrlik edən: Rauf Əhmədov