Bakı Şəhəri Nizami Rayon Məhkəməsi Qərardad — İş №2(007)-1915/2025

Azərbaycan Respublikası adından QƏRARDAD Bakı şəhəri İş № 2(007)-1915/2025 18.04.2025 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami Rayon Məhkəməsinin hakimi Əhmədova Həqiqət Mülazim qızı, İddiaçı Cavabdeh qarşı “pul” tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİ: İddiaçı Cavabdeh qarşı “pul” tələbinə dair iddia ərizəsi ilə Bakı şəhəri Nizami Rayon Məhkəməsinə müraciət etmişdir. İddia ərizəsindən və ona əlavə edilmiş sənədlərdən görünür ki, iddiaçı müvafiq prosessual pozuntulara yol verməklə məhkəməyə müraciət etmişdir. Azərbaycan Respublikası Mülki Prosessual Məcəlləsinin: 149.2.3-cü maddəsinə əsasən, iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb iddia ərizəsində göstərilməlidir. 150.1.2-ci maddəsinə əsasən iddia ərizəsinə dövlət rüsumunun ödənilməsini təsdiq edən sənəd əlavə edilir. 152.1.1-ci maddəsinə əsasən, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə edilmiş sənədləri geri qaytarır. 152.1.5-ci maddəsinə əsasən, müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Məhkəmə ilk öncə qeyd edir ki, iddiaçı iddia ərizəsinə əlavə edilmiş sənədlərin siyahısında dövlət rüsumunun ödənilməsi barədə qəbzin olmasını qeyd etsə də, bununla bağlı və ya dövlət rüsumunun ödənilməsindən azad olunması barədə heç bir sübut əlavə etməmişdir. İddiaçı iddia tələbi üzrə cavabdehdən ümumilikdə 13000 manat vəsait tələb edir. Hansı ki, “Dövlət rüsumu haqqında” Azərbaycan Respublikasının Qanununun 8.1.3cü bəndinə əsasən iddia qiyməti 10.000 manatdan 100.000 manatadək olduqda 120 manat + 10.000 manatdan yuxarı olan iddia qiymətinin 0,3 faizi miqdarında dövlət rüsumu ödənilməlidir. Bundan əlavə məhkəmə bildirir ki, Bakı şəhəri Nizami Rayon Məhkəməsinin 2(007)-1268/2025 saylı, xx.xx.2025-ci il tarixli və 2(007)-3180/2024 saylı, xx.xx.2024-cü il tarixli qərardadları ilə İddiaçı tərəfindən iddia ərizəsinin verilməsi üçün 129 manat dövlət rüsumunun Bakı şəhəri Nizami Rayon Məhkəməsinə deyil, Göygöl Rayon Məhkəməsinə ödənilməsi və Göygöl Rayon Məhkəməsinə yanlışlıqla ödədiyi rüsumun geri qaytarılması barədə müraciətini təsdiq edən ərizəni əlavə etməməsi səbəbindən geri qaytarılmışdır. Eyni zamanda məhkəmə qeyd edir ki, iddiaçı iddia ərizəsində qeyd etdiyi hallara dair sübutlarını, yəni iddia ərizəsində qeyd etdiyi xx.xx.1995-ci ildə tərtib edilmiş Aktı, tikinti materiallarına çəkdiyi xərc olan 4000 manat ilə bağlı sənədlər, DƏDRX-nin 3 saylı Gəncə Ərazi İdarəsinin xx.xx.2022-ci il tarixli məktubu və iş üçün əhəmiyyətli olan digər sənədləri də iddia ərizəsinə əlavə etməmişdir. Belə olan halda, məhkəmə hesab edir ki, iddia ərizəsi və ona əlavə edilmiş sənədlər iddiaçıya qaytarılmalı, qeyd edilən nöqsanlar aradan qaldırıldıqdan sonra təkrarən, ümumi qaydada məhkəməyə müraciət etmək hüququnun olması iddiaçıya izah edilməlidir. Göstərilənlərə əsasən və Azərbaycan Respublikası MPM-nin 149-150, 152, 263-264, 267-268-ci maddələrini rəhbər tutaraq, QƏRARA ALDİ: İddiaçı Cavabdeh qarşı “pul” tələbinə dair iddia ərizəsi və ona əlavə edilmiş sənədlər geri qaytarılsın. Qərardaddan tərəfə rəsmi qaydada verildikdən sonra 10 gün müddətində “Elektron məhkəmə” informasiya sistemində yaradılan elektron kabinet vasitəsilə Bakı şəhəri Nizami Rayon Məhkəməsinə şikayət verilə bilər. Hakim: Həqiqət Əhmədova