Bakı Şəhəri Nizami Rayon Məhkəməsi Qərardad — İş №2(007)-257/2023

Azərbaycan Respublikası adından QƏRARDAD Bakı şəhəri İş № 2(007)-257/2023 27.01.2023 BAKI ŞƏHƏRİ NİZAMİ RAYON MƏHKƏMƏSİ Hаkim Yusifova Ülkər Bayram qzının sədrliyi, Məhkəmə iclas katibi X2 kаtibliyi ilə, İddiaçı Cavabdeh qarşı “vurulmuş ziyanın ödənilməsi” tələbinə dair iddia ərizəsi üzrə mülki işə açıq məhkəmə iclasında baxaraq, MÜƏYYƏN ЕTDİ: İddiaçı Cavabdeh qarşı “vurulmuş ziyanın ödənilməsi” tələbinə dair iddia ərizəsi ilə məhkəməyə müraciət etmişdir. İddiaçı iddia tələbini onunla əsaslandırmışdır ki, o, Nəsimi rayonu ərazisində 48 saylı MKİS-də işləyir. Təxminən 20 gün əvvəl Cavabdeh ona yaxınlaşaraq söhbət etməyə başlamışdır. O, ona hal-hazırda oteldə qaldığını, İsraildə yaşayan qardaşının ona pul göndərəcəyini bildirmişdir. Dediyinə görə, qardaşı ona ev alması üçün 67000 ABŞ dolları göndərir, özü isə pademiyadan əvvəl Türkiyədə işlədiyi üçün alacağı əmək haqqısı var. Lakin ona bildirmişdir ki, hal-hazırda qalmağa yeri və dolanmağa pulu yoxdur. O, həmin vaxt oğlu ilə birlikdə ünvan 1 ünvanında kirayə yaşayırdı. O, onunla qalmağı və guya xaricdən onun adına göndəriləcək pulları götürməsi üçün pula ehtiyacı olduğunu bildirmişdir. O, onun kirayəyə götürdüyü mənzildə yaşamağa başlamiş, hər gün ondan qaytaracağı şərti ilə müxtəlif məbləğlərdə, ümumilikdə 1000 (min) manat pul götürmüşdür. X1 da hərdən yanında banka apararaq bank işçiləri ilə danışıqlar aparmışdır. 10 gün olardı ki, onlarla qaldığı günlərin birində banka getmiş, yanında olan oğlunu siqarət dalınca göndərmiş, oğlu qayıtdıqda onu olduğu yerdə tapa bilməmişdir. Beləliklə, cavabdeh onu aldatmış, daha sonra o, onu heç yerdə tapa bilməmişdir. Beləliklə, cavabdeh tərəfindən ona məxsus pullar mənimsənilmiş, nəticədə onun tərəfindən ona 1000 (min) manat məbləğində ziyan dəymişdir. Qeyd olunanlara əsasən, Cavabdeh 1000 (min) manat pul məbləğininonun xeyrinə tutulmasını barədə qətnamə çıxarılmasını məhkəmədən xahiş etmişdir. Məhkəmə baxış iclasının vaxtı və yeri barədə müvafiq qaydada xəbərdar olunmuş tərəflər hazırki məhkəmə iclasına gəlməmişlər və işə onların iştirakı olmadan baxmağı xahiş etməmişlər. Məhkəmə iddia ərizəsini iş materialları ilə birlikdə nəzərdən keçirib hesab edir ki, ərizə baxılmamış saxlanılmalıdır. Belə ki, Azərbaycan Respublikası Mülki Prosessual Məcəlləsinin 259.0.6-cı maddəsinə əsasən, işə onların iştirakı olmadan baxmağı xahiş etməmiş tərəflər məhkəməyə gəlmədikdə iddia ərizəsi baxılmamış saxlanılır. Azərbaycan Respublikası Mülki Prosessual Məcəlləsinin 260.5-ci maddəsinə əsasən, məhkəmə iddiaçı və ya cavabdehin vəsatəti üzrə, onlar məhkəmə iclasında iştirak etməmələrinin və bu haqda məhkəməyə məlumat verməmələrinin üzürlü səbəblərdən baş verməsi haqqında sübutlar təqdim etdikdə, bu Məcəllənin 259.0.6 və 259.0.7-ci maddələrində göstərilən əsaslarla ərizənin baxılmamış saxlanması barəsində öz qərardadını ləğv edir. Belə olan halda, məhkəmə hesab edir ki, işə onların iştirakı olmadan baxmağı xahiş etməmiş tərəflər məhkəmə baxış iclasına gəlmədiklərindən, İddiaçı Cavabdeh qarşı “vurulmuş ziyanın ödənilməsi” tələbinə dair iddia ərizəsi baxılmamış saxlanılmalı, onların məhkəmə iclasında iştirak etməmələrinin və bu haqda məlumat verməmələrinin üzürlü səbəbdən baş verməsi haqqında sübutlar təqdim edərlərsə, ərizənin baxılmamış saxlanılması barədə qərardadın ləğv oluna bilməsi tərəflərə izah edilməlidir. Həmçinin iddia ərizəsi baxılmamış saxlanıldığından məhkəmə hesab edir ki, ödənilmiş dövlət rüsumu iddiaçıya büdcədən geri qaytarılmalıdır. İş materiallarına əlavə edilmiş 23372 nömrəli mədaxil qəbzindən ("xxxx" ASC, VÖEN: **********, əməliyyat İD:86337412, terminal nömrəsi: K0208012, GPP qəbzin nömrəsi: ********* büdcə səviyyə kodu: 142211, tarix: 27.09.22, saat: 10:10) görünür ki, İddiaçı hazırki iş üzrə iddia ərizəsi ilə məhkəməyə müraciət edərkən 30 manat məbləğində dövlət rüsumu ödəmişdir. Azərbaycan Respublikası Mülki Prosessual Məcəlləsinin: 114.1.5-ci maddəsinə əsasən bu Məcəllə ilə nəzərdə tutulmuş əsaslarla ərizə baxılmamış saxlanılarsa ödənilmiş dövlət rüsumu geri qaytarılır. 114.2-ci maddəsinə əsasən məhkəmə dövlət rüsumunun qaytarılması məsələsi barədə qərardad çıxarır, qərardadda dövlət rüsumunun tam və ya qismən qaytarılmasının əsasları göstərilir. “Dövlət rüsumu haqqında” Azərbaycan Respublikası Qanununun 5.1.2-ci maddəsinə əsasən ərizələr (şikayətlər) qaytarıldıqda və ya ərizə baxılmamış saxlanıldıqda, habelə notariat əməliyyatlarının icrasından imtina edildikdə dövlət rüsumu dövlət büdcəsindən qismən və ya tamamilə qaytarılır. Beləliklə məhkəmə belə qənaətə gəlir ki, İddiaçı Cavabdeh qarşı “vurulmuş ziyanın ödənilməsi” tələbinə dair iddia ərizəsi baxılmamış saxlanıldığından, ödənilmiş 30 manat məbləğində dövlət rüsumu iddiaçıya büdcədən geri qaytarılmalıdır. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 259-260, 263-264 və 266-268-ci maddələrini rəhbər tutaraq, məhkəmə QƏRАRА АLDİ: İddiaçı Cavabdeh qarşı “vurulmuş ziyanın ödənilməsi” tələbinə dair iddia ərizəsi bахılmаmış sахlаnılsın. İddia ərizəsinin verilməsinə görə İddiaçı tərəfindən ödənilmiş 30 manat ("xxxx" ASC, VÖEN: **********, əməliyyat İD:86337412, terminal nömrəsi: K0208012, GPP qəbzin nömrəsi: ********* büdcə səviyyə kodu: 142211, tarix:27.09.22, saat: 10:10) dövlət rüsumu dövlət büdcəsindən qaytarılsın Tərəflərə izah edilsin ki, onlar məhkəmə iclasında iştirak etməmələrinin və bu haqda məlumat verməmələrinin üzürlü səbəbdən baş verməsi haqqında sübutlar təqdim edərlərsə, Azərbaycan Respublikası Mülki Prosessual Məcəlləsinin 259.0.6-cı maddəsində göstərilən əsaslarla ərizənin baxılmamış saxlanılması barədə qərardad ləğv oluna bilər. Qərаrdаddаn 10 (оn) gün müddətində Bаkı Şəhəri Nizаmi Rаyоn Məhkəməsinə şikаyət vеrilə bilər. Hakim: Ülkər Yusifova