Bakı Şəhəri Nizami Rayon Məhkəməsi Qərardad — İş №2(007)-3808/2021

Azərbaycan Respublikası adından QƏRARDAD Bakı şəhəri İş № 2(007)-3808/2021 07.10.2021 BAKI ŞƏHƏRİ NİZAMİ RAYON MƏHKƏMƏSİ Hakim Mirzəyev Fikrət Xasay oğlunun sədrliyi, Qurbanov Ramil Firdin oğlunun katibliyi, İddiaçı iştirakı ilə, İddiaçı Cavabdeh qarşı alimentin artırılması tələbinə dair mülki işə Bakı Şəhəri Nizami Rayon Məhkəməsinin inzibati binasında açıq məhkəmə iclasında baxaraq MÜƏYYƏN E T D İ: İddiaçı Cavabdeh qarşı alimentin artırılması tələbinə dair iddia ərizəsi ilə məhkəməyə müraciət etmişdir. Məhkəmə araşdırması zamanı müəyyən olundu ki,iddiaçı özü Sabunçu rayonunda, cavabdeh isə Suraxanı rayonunda qeydiyyatdadır. İddiaçı məhkəmə iclasında ərizə təqdim edərək işin ərazi aidiyyəti baxılmsı üçün Sabunçu Rayon Məhkəməsinə göndərilməsini xahiş etdi. Cavabdeh məhkəmə iclasının vaxtı və yeri barədə qanunla müəyyən olunan qaydada xəbərdar olunsa da, məhkəmə iclasına gəlməmişdir. Məhkəmə, Azərbaycan Respublikası MPM-nin 185.4-cü maddəsini rəhbər tutaraq işə iddiaçı Cavabdeh iştirakı olmadan baxılmasını mümkün hesab etmişdir. Məhkəmə təqdim edilmiş ərizəni iş materialları ilə birlikdə araşdırıb hesab edir ki, mülki iş ərazi aidiyyəti üzrə baxılması Masallı Rayon Məhkəməsinə göndərilməlidir. Azərbaycan Respublikası MPM-nin 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 36.3-cü maddəsinə əsasən alimentin alınması və atalığın müəyyən edilməsi haqqında iddialar iddiaçı tərəfindən özünün yaşadığı yerə görə də verilə bilər. Həmin Məcəllənin 45.1-ci maddəsinə əsasən mübahisənin məhkəməyə aidiyyəti ilə əlaqədar məsələlər ərizənin məhkəmənin icraatına qəbul edilməsi və ya işin hakim tərəfindən baxılmağa hazırlanması mərhələsində, yaxud da işdə iştirak edən şəxsin əsaslandırılmış vəsatəti üzrə həll oluna bilər. Azərbaycan Respublikası Mülki Prosessual Məcəlləsinin 45.2-ci maddəsinə əsasən mübahisənin məhkəməyə aid olmaması və ya işin başqa məhkəməyə verilməsi məsələləri barədə hakim bu Məcəllənin 21-ci fəslinin qaydalarına uyğun olaraq qərardad çıxarır. Həmin qərardaddan işdə iştirak edən şəxslər tərəfindən qərardadın alındığı (verildiyi) andan 10 gün ərzində şikayət verilə bilər. İşdə olan mərkəzləşdirilmiş portal məlumatlarından görünür ki, iddiaçı özü Sabunçu rayonunda, cavabdeh isə Suraxanı rayonunda qeydiyyatdadır. İddiaçı Nizami rayonu ərazisində yaşaması barədə məhkəməyə hər hansı bir sübut təqdim etməmişdir. Göründüyü kimi, işə Nizami Rayon Məhkəməsində baxılması üçün prosessual-hüquqi əsaslar mövcud deyil. Qeyd olunanlara əsasən məhkəmə hesab edir ki, ərazi aidiyyətinin dəyişdirilməsi barədə iddiaçının ərizəsi təmin olunmalı, mülki iş ərazi aidiyyatı üzrə baxılması üçün Bakı şəhəri Sabunçu Rayon Məhkəməsinə göndərilməlidir. Şərh olunanları və Azərbaycan Respublikası MPM-nin 35,45, 263-264, 268-ci maddələrini rəhbər tutaraq, QƏRARA ALDİ: İşin ərazi aidiyyətinin dəyişdirilməsi barədə iddiaçının ərizəsi təmin olunsun. İddiaçı Cavabdeh qarşı alimentin artırılması tələbinə dair 2(007)-3808/2021 saylı mülki iş ərazi aidiyyatı üzrə baxılması Bakı şəhəri Sabunçu Rayon Məhkəməsinə göndərilsin. Qərardaddan 10 gün müddətində Bakı Şəhəri Nizami Rayon Məhkəməsinə şikayət verilə bilər. Hakim: Fikrət Mirzəyev