Bakı Şəhəri Nizami Rayon Məhkəməsi Qərardad — İş №2(007)-4667/2021

Azərbaycan Respublikası adından QƏRARDAD Bakı şəhəri İş № 2(007)-4667/2021 25.11.2021 BAKI ŞƏHƏRİ NİZAMİ RAYON MƏHKƏMƏSİ Mən, Bakı Şəhəri Nizami Rayon Məhkəməsinin hakimi Mirzəyev Fikrət Xasay oğlu, İddiaçı cavabdehlər Cavabdeh1 və Cavabdeh2 qarşı pul tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİM : İddiaçı cavabdehlər Cavabdeh1 və Cavabdeh2 qarşı pul tələbinə dair iddia ərizəsi ilə məhkəməyə müraciət etmişdir. İddia ərizəsini və ona əlavə edilmiş sənədləri nəzərdən keçirərək hesab edirəm ki, ərizə geri qaytarılmalıdır. Belə ki, iddiaçı iş materiallarına 132 saylı qaynar xəttə “Məhkəmələrə” 254.40 manat dələt rüsumu haqqında rüsum ödəməsi barədə qəbz əlavə etsə də həmin məbləğdə dövlət rüsumunun Nizami Rayon məhkəməsinə ünvanlandığı hazırkı iddia ərizəsi ilə əlaqədar ödənilməsi barədə məlumat yoxdur. Belə ki, qəbzdə Nizami Rayon Məhkəməsinin adı keçmir. Bundan başqa,iddiaçının tələb etdiyi məbləğ 12000 manat borc və 20000 dəymiş zərər, cəmi 32000 manat təşkil edir.Belə olan halda iddiaçı 180 manat ödəməli olduğu halda təsdiq olunmayan qəbzə 254.40 ödədiyini göstərmişdir. Göründüyü kimi iddia ərizəsinə qanunla müəyyən olunan məbləğdə və qaydada dövlət rüsumu ödənilməsi barədə qəbz əlavə olunmamışdır. Azərbaycan Respublikası MPM-nin 108.1.1-ci maddəsinə əsasən iddia ərizələri verildikdə dövlət rüsumu ödənilir. Azərbaycan Respublikası MPM-nin 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə,hakim iddia ərizəsini və ona əlavə edilmiş sənədləri geri qaytarır. Beləliklə hesab edirəm ki, dövlət rüsumu ödənilmədiyindən hazırkı iddia ərizəsinin icraata qəbul edilməsi mümkün deyildir. Qeyd olunanlara əsasən və Azərbayçan Respublikası MPM-nin 152, 263-264 və 268- 269-çu maddələrini rəhbər tutaraq, QƏRARA ALDİM : İddiaçı cavabdehlər Cavabdeh1 və Cavabdeh2 qarşı pul tələbinə dair iddia ərizəsi və ona əlavə edilmiş sənədlər geri qaytarılsın. İddiaçıya izah edilsin ki, qərardadın təsviri hissəsində göstərilən nöqsanlar aradan qaldırıldıqdan sonra ümumi əsaslarla məhkəməyə yenidən müraciət edə bilər. Qərardaddan 10 gün müddətində Bakı şəhəri Nizami Rayon Məhkəməsinə şikayət verilə bilər. Sədrlik edən: Fikrət Mirzəyev