Bakı Şəhəri Sabunçu Rayon Məhkəməsi Qərardad — İş №2(008)-2551/2021

Azərbaycan Respublikası adından QƏRARDAD Bakı şəhəri İş № 2(008)-2551/2021 22.02.2021 BAKI ŞƏHƏRİ SABUNÇU RAYON MƏHKƏMƏSİ Mən, Bakı Şəhəri Sabunçu Rayon Məhkəməsinin hakimi Əsədova Tahirə Əlif qızı, İddiaçı cavabdehlər Cavabdeh1 oğlu və Cavabdeh2 qarşı pul tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİM: İddiaçı cavabdehlər Cavabdeh1 oğlu və Cavabdeh2 qarşı iddia ərizəsi ilə məhkəməyə müraciət edərək Cavabdeh1 oğlu və onun həyat yoldaşı X2 onun xeyrinə 9500 manat pulun və 2500 manat həcmində maddi zərərin (ziyanın) alınması barədə qətnamə qəbul edilməsini xahiş etmişdir. İddia ərizəsini və ona əlavə olunmuş sənədləri nəzərdən keçirib hesab edirəm ki, iddia ərizəsi geri qaytarılmalıdır. Belə ki, iş materiallarında olan şəxsiyyət vəsiqəsinin məlumatlarından görünür ki, İddiaçı Lənkəran rayonu, Boladı kəndində, Cavabdeh1 oğlu isə İsmayıllı rayonu, Quşencə kəndində qeydiyyatdadırlar. İddiaçının iddia ərizəsində qeyd etdiyi Cavabdeh2 hansı ünvanda qeydiyyatda olması isə iş materiallarından görünmür. İddiaçı iddia ərizəsində cavabdehlərin ünvanını Sabunçu rayonu, Sabunçu qəsəbəsi, S.Hüseyn küçəsi, 87 qeyd etsə də, iddia ərizəsinə bu halı təsdiq edən hər hansı bir rəsmi sənəd əlavə etməmişdir. Eyni zamanda iddiaçı tərəfindən iddia ərizəsi forma və məzumununa riayət edilmədən verilmişdir. Belə ki, iddiaçı iddia ərizəsində cavabdeh qismində Cavabdeh2 göstərsə də pulun X2 tutulmasını xahiş etmişdir. Azərbaycan Respublikası MPM-nin: 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir; 152.1-ci maddəsinə əsasən hakim iddia ərizəsini və ona əlavə edilmiş sənədləri geri qaytarır: 152.1.1. iddia ərizəsi bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə; 152.1.3. əgər iş ərazi aidiyyəti üzrə həmin məhkəmədə baxılmalı deyildirsə; 152.2. iddia ərizəsinin qaytarılması haqqında hakim qərardad çıxarır; 152.3. iddia ərizəsinin qaytarılması haqqında qərardaddan şikayət verilə bilər. Qərardad ləğv edildikdə, iddia ərizəsi məhkəməyə müraciət edildiyi gündən verilmiş hesab edilir. 152.4. iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Beləliklə hesab edirəm ki, hazırda iddia ərizəsi qanunla müəyyən olunmuş qaydada ərazi aidiyyəti üzrə düzgün verilmədiyindən və iddia ərizəsi forma və məzumununa riayət edilmədən verildiyindən iddia ərizəsi əlavə olunmuş sənədlərlə birlikdə geri qaytarılmalıdır. Azərbaycan Respublikası MPM-nin 268.1-ci maddəsinə əsasən şikayət qərardad tərəfə rəsmi qaydada verildikdən sonra 10 gün müddətində verilir. Qeyd olunanlara əsasən və Azərbaycan Respublikası Mülki Prosessual Məcəlləsinin 152, 263-264, 267-268-ci maddələrini rəhbər tutaraq, QƏRARA ALDİ: İddia ərizəsi icraata qəbul edilmədən geri qaytarılsın. Şikayət qərardad tərəflərə rəsmi qaydada təqdim edildikdən sonra 10 gün müddətində verilə bilər. Hakim Tahirə Əsədova