Bakı Şəhəri Sabunçu Rayon Məhkəməsi Qərardad — İş №2(008)-4696/2025 (13.06.2025)

Azərbaycan Respublikası adından QƏRARDAD Bakı şəhəri İş № 2(008)-4696/2025 13.06.2025 BAKI ŞƏHƏRİ SABUNÇU RAYON MƏHKƏMƏSİ Mən, Bakı şəhəri Sabunçu Rayon Məhkəməsinin hakimi Mahmudova Həqiqət Sahib qızı, İddiaçı cavabdehlər Cavabdeh1 və Cavabdeh2 qarşı borc tələbinə dair iddia ərizəsini və ona əlavə edilmiş sənədləri məhkəmə iclasından kənar ayrıca prosessual hərəkət kimi nəzərdən keçirərək, MÜƏYYƏN ETDİM: İddiaçı cavabdehlər Cavabdeh1 və Cavabdeh2 qarşı borc tələbinə dair iddia ərizəsi ilə Bakı şəhəri Sabunçu Rayon Məhkəməsinə müraciət edərək, onlardan müştərək qaydada 30.900 (otuz min doqquz yüz) manat borc məbləğinin və ödənilmiş 184 manat dövlət rüsumunun tutularaq xeyrinə ödənilməsi barədə qətnamə qəbul edilməsini xahiş etmişdir. İddia ərizəsi və ona əlavə olunmuş sənədləri nəzərdən keçirib hesab edirəm ki, iddia ərizəsi geri qaytarılmalıdır. Belə ki, Azərbaycan Respublikası Mülki-Prosessual Məcəlləsinin 35.1-ci maddəsinə əsasən, qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. “Elektron-məhkəmə informasiya sistemi”ndə mövcud olan şəxsiyyət vəsiqəsi məlumatlarına əsasən, cavabdeh Əkbərov X1 rayonu, Privolnoye kəndi ünvanında rəsmi qeydiyyatdadır. Belə olan halda, hazırkı iddia ərizəsinə Bakı şəhəri Sabunçu Rayon Məhkəməsi tərəfindən baxıla bilməz. Azərbaycan Respublikası Mülki-Prosessual Məcəlləsinin 152.1.3-ci maddəsinə əsasən, əgər iş ərazi aidiyyəti üzrə həmin məhkəmədə baxılmalı deyildirsə iddia ərizəsi və ona əlavə olunmuş sənədlər geri qaytarılmalıdır. Həmin Məcəllənin 149.2, 149.2.3-cü maddəsinə əsasən, iddia ərizəsində iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb göstərilməlidir. Lakin müəyyən olunur ki, iddia cavabdehlər Cavabdeh2 və Cavabdeh1 qarşı verilsə də, Cavabdeh2 yönələn tələb formal əsaslarla verilmişdir. Belə ki, iddia ərizəsinin məzmunundan müəyyən olunur ki, İddiaçı iddia predmeti olan 30.900 manat pul vəsaitini ayrı-ayrı vaxtlarda Cavabdeh1 verdiyini və pulu qaytarmadığına görə həmin şəxs barəsində polis bölməsinə şikayət ərizəsi ilə müraciət etdiyini, eləcə də, keçmiş rəfiqəsi olan Cavabdeh2 sözlərindən təsirləndiyinə və güvəndiyinə görə, Cavabdeh1 dəfələrlə borca pul verdiyini bildirmişdir. Buna görə də, hesab edir ki, borc məbləği Cavabdeh1 ilə yanaşı, Cavabdeh2 da tutulmalıdır. Göründüyü kimi, iddiaçı iddia predmeti olan pul vəsaitini Cavabdeh1 verdiyini bildirsə də, Cavabdeh2 formal olaraq cavabdeh kimi qeyd etmişdir. İddiaçının polis bölməsinə Cavabdeh1 barəsində şikayət ərizəsi ilə müraciət etməsi bu halı təsdiq edir. Azərbaycan Respublikasının Mülki Prosessual Məcəlləsinin 152.1, 152.1.1-ci maddəsinə əsasən, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Azərbaycan Respublikasının Mülki Prosessual Məcəlləsinin 114.1.3-cü maddəsinə əsasən, bu Məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu geri qaytarılır. Həmin Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qeyd olunanlara əsasən və Azərbaycan Respublikası Mülki-Prosessual Məcəlləsinin 152, 263-264 və 268-269-cu maddələrini rəhbər tutaraq, QƏRARA ALDİM: İddiaçı cavabdehlər Cavabdeh1 və Cavabdeh2 qarşı borc tələbinə dair iddia ərizəsi və ona əlavə edilmiş sənədlər geri qaytarılsın. xx.xx.2025-ci il tarixdə ********** saylı ödəniş qəbzinə əsasən, Bakı şəhəri Sabunçu Rayon Məhkəməsində iddia qaldırılması üçün ödənilmiş 184,60 (yüz səksən dörd manat, altmış qəpik) manat məbləğində dövlət rüsumu həmin ödənişi həyata keçirmiş İddiaçı büdcədən geri qaytarılsın. İddiaçıya göstərilən nöqsanlar aradan qaldırıldıqdan sonra yenidən ümumi qaydada ərazi aidiyyəti üzrə Cəlilabad Rayon Məhkəməsinə müraciət etmək hüququ izah edilsin. Qərardaddan rəsmi qaydada verildiyi gündən “Elektron məhkəmə” informasiya sistemində yaradılan elektron kabinet vasitəsilə 10 (on) gün müddətində Bakı şəhəri Sabunçu Rayon Məhkəməsinə şikayət verilə bilər. Hakim: Həqiqət Mahmudova

Bakı Şəhəri Sabunçu Rayon Məhkəməsi Qərardad — İş №2(008)-4696/2025

Eyni kateqoriyada digər qərarlar