Bakı Şəhəri Sabunçu Rayon Məhkəməsi Qərardad — İş №2(008)-7309/2021

Azərbaycan Respublikası adından QƏRARDAD Bakı şəhəri İş № 2(008)-7309/2021 21.10.2021 BAKI ŞƏHƏRİ SABUNÇU RAYON MƏHKƏMƏSİ Hakim Əsədova Tahirə Əlif qızının sədrliyi ilə, Məhkəmə iclas katibi X1, İddiaçı İddiaçı ASC-nin nümayəndəsi X2 iştirakları ilə, İddiaçı İddiaçı ASC-nin Cavabdehlər Cavabdeh2 və Cavabdeh1 qarşı borcun tutulması tələbinə dair iddiası üzrə mülki işə açıq məhkəmə iclasında baxaraq, MÜƏYYƏN ETDİM: İddiaçı ASC cavabdehlər Cavabdeh2 və Cavabdeh1 qarşı iddia qalıdararaq müştərək qaydada 20.12.2019-cu il tarixli kredit müqaviləsi üzrə banka 2342,51 manat əsas, 7,09 manata faiz və 1,86 manat cərimə borcu, ümumilikdə cəmi 2352,46 manat borcun və 30 manat dövlət rüsumunun tutulması, 20.12.2019-cu il tarixli kredit müqaviləsinin ləğv edilməsi barədə qətnamə çıxarılmasını xahiş etmişdir. Cavabdehlər məhkəmə iclasının vaxtı və yeri barədə lazımi qaydada xəbərdar edilməsinə baxmayaraq məhkəmə iclasına gəlməmişdilər. Azərbaycan Respublikası Mülki Prosessual Məcəllənin 185.5-ci maddəsinə əsasən, məhkəmə iclasının vaxtı və yeri haqqında lazımi qaydada xəbərdar edilmiş cavabdehin gəlməməsinin səbəbləri haqqında məlumat olmadıqda və ya məhkəmə gəlməməyin səbəblərini üzrsüz hesab etdikdə, yaxud məhkəmə cavabdehin icraatı qəsdən yubandırdığını aşkar etdikdə, işə baxmağa haqlıdır. Bu halda qətnamə çəkişmə şəraitində qəbul edilmiş kimi qiymətləndirilərək cavabdehə apellyasiya qaydasında şikayət etmək hüququ verilir. Məhkəmə həmin maddənin tələblərini rəhbər tutaraq cavabdehlərin iştirakı olmadan işə baxılmasını mümkün hesab edir. Məhkəmədə iştirak edən İddiaçı ASC-nin nümayəndəsi X4 oğlu iddianın təmin edilməsini xahiş etdi. Məhkəmə iddiaçı tərəfi dinləyib, iş materiallarını nəzərdən keçirib hesab edir ki, iddia ərizəsi baxılmamış saxlanılmalıdır. Belə ki, İddiaçı ASC ilə Cavabdeh2 arasında 20.12.2019-cu il tarixli beş illik kredit müqaviləsi bağlanmışdır. İddia qaldırılan dövrə cavabdehin həmin müqavilə üzrə 2342,51 manat əsas, 7,09 manata faiz və 1,86 manat cərimə borcu, ümumilikdə cəmi 2352,46 manat təşkil edir. Azərbaycan Respublikasının Mülki Məcəllənin 423.2-ci maddəsinə əsasən müqavilənin dəyişdirilməsi və ya ləğv edilməsi tələbini tərəf məhkəməyə yalnız müqaviləni dəyişdirmək və ya ləğv etmək təklifindən digər tərəfin imtinasını aldıqda və ya təklifdə göstərilmiş müddətdə, müddət göstərilmədikdə isə otuz gün müddətində ondan cavab almadıqda irəli sürə bilər. Belə bir təklif cavabdehə göndərilməmişdir. Azərbaycan Respublikasının MPM-nin 259.0.1-ci maddəsinə əsasən məhkəməyə müraciət etmiş iddiaçı mübahisənin qabaqcadan məhkəmədən kənar (pretenziya qaydasında) həll edilməsi barəsində müəyyən kateqoriyadan olan işlər üçün qanunla müəyyən edilmiş, yaxud tərəflər arasında müqavilə ilə nəzərdə tutulmuş qaydaya əməl etməmişsə və bu qaydanı tətbiq etmək imkanı itirilməmişsə məhkəmə ərizəni baxılmamış saxlayır. Odur ki, məhkəmə hesab edir ki, hazırki iddia baxılmamış saxlanılmalıdır. Azərbaycan Respublikasının MPM-nin: 263.2-ci maddəsinə əsasən məhkəmə iş üzrə icraatı dayandırdıqda, icraata xitam verdikdə, iddianı baxılmamış saxladıqda, habelə bu Məcəllə ilə nəzərdə tutulmuş digər hallarda qərardad çıxarır; 268.1-ci maddəsinə əsasən şikayət qərardad tərəfə rəsmi qaydada verildikdən sonra 10 gün müddətində verilir. Qeyd olunanlara əsaslanaraq və Azərbaycan Respublikası MPM-nin 259, 263-264, 268-ci maddələrini rəhbər tutaraq, məhkəmə QƏRARA ALDİ: İddiaçı İddiaçı ASC-nin cavabdehlər Cavabdeh2 və Cavabdeh1 qarşı 20.12.2019cu il tarixli kredit müqaviləsi üzrə banka 2342,51 manat əsas, 7,09 manata faiz və 1,86 manat cərimə borcu, ümumilikdə cəmi 2352,46 manat borcun tutulması və 20.12.2019-cu il tarixli kredit müqaviləsinin ləğv edilməsi barədə tələbinə dair iddia ərizəsi baxılmamış saxlanılsın, iddia ərizəsi və ona əlavə edilmiş sənədlər geri qaytarılsın. Qərardaddan 10 (on) gün müddətində Sabunçu rayon məhkəməsinə şikayət verilə bilər. Hakim Tahirə Əsədova