Bakı Şəhəri Sabunçu Rayon Məhkəməsi Qərardad — İş №2(008)-7795/2021

Azərbaycan Respublikası adından QƏRARDAD Bakı şəhəri İş № 2(008)-7795/2021 19.11.2021 BAKI ŞƏHƏRİ SABUNÇU RAYON MƏHKƏMƏSİ Mən, Bakı şəhəri Sabunçu Rayon Məhkəməsinin hakimi Cəfərli Nilufər Arif qızı, iddiaçı “Ferrum Kapital» QSC-nin Cavabdeh qarşı “borcun ödənilməsi” tələbinə dair kiçik iddialara dair işlər üzrə (sadələşdirilmiş icraat üzrə) ərizəsini və ona əlavə edilmiş sənədləri nəzərdən keçirib MÜƏYYƏN ETDİ: İddiaçı “Ferrum Kapital» QSC-nin Cavabdeh qarşı “borcun ödənilməsi” tələbinə dair məhkəməyə müraciət edərək Cavabdeh İddiaçı QSC-nin xeyrinə SRT006466 saylı, 07.03.2021-ci il tarixli Nisyə Alqı-satqı müqaviləsi üzrə 253 AZN borcun, 37.95 AZN cərimə borcunun, 20 AZN məbləğində ödənilmiş dövlət rüsumunun və 0.40 AZN dövlət rüsumunun ödənilməsi ilə bağlı xidmət haqqının tutulması barədə qətnamə qəbul edilməsini xahiş etmişdir. Məhkəmə araşdıraraq hesab edir ki, mülki iş ərazi aidiyyatı üzrə Sabirabad Rayon Məhkəməsinə göndərilməlidir. Belə ki, Azərbaycan Respublikası MPM-nin 31.1-ci maddəsinə əsasən aidiyyat qaydalarının pozulmasına yol verilmir. Azərbaycan Respublikası Mülki Prosessual Məcəlləsinin 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Azərbaycan Respublikası Mülki Prosessual Məcəlləsinin 44.2.2-ci maddəsinə əsasən iş həmin məhkəmədə baxıldığı zaman onun aidiyyət qaydalarının pozulması ilə icraata qəbul etdiyi aşkar olunarsa, məhkəmə mülki işi başqa məhkəmədə baxılmağa verir. Azərbaycan Respublikası Mülki Prosessual Məcəlləsinin 45.1-ci maddəsinə əsasən mübahisənin məhkəməyə aidiyyəti ilə əlaqədar məsələlər ərizənin məhkəmənin icraatına qəbul edilməsi və ya işin hakim tərəfindən baxılmağa hazırlanması mərhələsində, yaxud da işdə iştirak edən şəxsin əsaslandırılmış vəsatəti üzrə həll oluna bilər. Azərbaycan Respublikası Mülki Prosessual Məcəlləsinin 45.2-ci maddəsinə əsasən mübahisənin məhkəməyə aid olmaması və ya işin başqa məhkəməyə verilməsi məsələləri barədə hakim bu Məcəllənin 21-ci fəslinin qaydalarına uyğun olaraq qərardad çıxarır. Həmin qərardaddan işdə iştirak edən şəxslər tərəfindən qərardadın alındığı (verildiyi) andan 10 gün ərzində şikayət verilə bilər. Həmin Məcəllənin 45.3-cü maddəsinə əsasən işin bir məhkəmədən başqa məhkəməyə verilməsi həmin qərardadın şikayət verilmə müddəti başa çatdıqdan sonra icra edilir. Həmin Məcəllənin 45.4-cü maddəsinə əsasən bir məhkəmədən digərinə göndərilən iş, onun göndərildiyi məhkəmə tərəfindən baxılmağa qəbul edilməlidir. Məhkəmələr arasında ərazi aidiyyətinə dair mübahisələrə yol verilmir. Beləliklə məhkəmə hesab edir ki, kiçik iddia üzrə (sadələşdirilmiş icraat üzrə) icraat qaydasında olan ərizədə Cavabdeh qeydiyyat ünvanı ünvan 1hkəmə” İnformasiya Sistemindən əldə olunmuş məlumatdan görünür ki, cavabdehin ünvanı Sabirabad rayonu, Mikayıl Müşviq küçəsi, 24 ünvanıdır. Hazırki kiçik mübahisələr üzrə sadələşdirilmiş icraat qaydasında olan ərizəyə Bakı şəhəri Sabunçu rayon Məhkəməsində baxıla bilməz. Odur ki, kiçik mübahisələr üzrə sadələşdirilmiş icraat qaydasında olan ərizə üzrə cavabdeh Sabirabad rayonunda qeydiyyatda olduğundan mülki iş aidiyyəti üzrə baxılması üçün Sabirabad Rayon Məhkəməsinə göndərilməlidir. Bu əsaslarla və Azərbaycan Respublikası MPM-nin 31, 35, 44-45, 263-264, 268-ci maddələrini rəhbər tutaraq, məhkəmə QƏRARA ALDİ: İddiaçı “Ferrum Kapital» QSC-nin Cavabdeh qarşı “borcun ödənilməsi” tələbinə dair kiçik iddia üzrə (sadələşdirilmiş icraat üzrə) ərizəsi üzrə 2(008)-5592/2021 nömrəli mülki iş baxılması üçün Sabirabad Rayon Məhkəməsinə göndərilsin. Qərardaddan rəsmi qaydada verildiyi gündən 10 gün müddətində Bakı şəhəri Sabunçu rayon məhkəməsinə şikayət verilə bilər. Hakim imza Nilufər Cəfərli