Bakı Şəhəri Səbail Rayon Məhkəməsi Qətnamə — İş №2(009)-1449/2020

Azərbaycan Respublikası adından QƏTNAMƏ Bakı şəhəri İş № 2(009)-1449/2020 23.07.2020 BAKI ŞƏHƏRİ SƏBAİL RAYON MƏHKƏMƏSİ Hakim Abdullayev Şahin Zülfüqar oğlunun sədrliyi ilə İddiaçı «xxxxxxxxxxx» MMC-nin cavabdeh Əhmədova Şərəbanı (Şəbnəm) İlham qızına qarşı borc tələbinə dair mülki işə Səbail rayon Məhkəməsi binasında kiçik iddialara dair işlər üzrə sadələşdirilmiş icraat qaydasında baxaraq… MÜƏYYƏN ETDİ: İddiaçı «xxxxxxxxxxx» MMC cavabdeh Əhmədova Şərəbanı (Şəbnəm) İlham qızına qarşı kiçik iddialara dair işlər üzrə sadələşdirilmiş icraat qaydasında borc tələbinə dair iddia ərizəsi ilə məhkəməyə müraciət edərək göstərmişdir ki, cavabdeh “xxxxxxxxxxx” MMC ilə xx.xx.2018-ci il tarixli və xx.xx.2019-cu il tarixli müqavilələrinə əsasən İMEİ kodu **********27888 “Samsung J2” markalı telefon, İMEİ kodu **********42657 “Samsung J2” markalı telefon, İMEİ kodu **********13030 “Samsung Galaxy A30” markalı telefon almış və nəticədə 659 manat borc yaranmışdır. Cavabdeh müqavilələnin şərtlərini pozmuş və nəticədə xx.xx.2018-ci il tarixli müqaviləsinə əsasən alqı-satqı qiyməti 798 manat (19 ay x 42 manat + 0 manat ilkin ödəniş) olan İMEİ kodu **********27888 “Samsung J2” markalı telefon, İMEİ kodu **********42657 “Samsung J2” markalı telefon üçün 144 manat olmaqla, ondan 131 manat ödənilməmiş məbləğ, 13 manat cərimə, xx.xx.2019-cu il tarixli müqaviləsinə əsasən alqı-satqı qiyməti 588 manat (12 ay x 49 manat + 0 manat ilkin ödəniş) olan İMEİ kodu **********13030 “Samsung Galaxy A30” markalı telefon üçün 515 manat olmaqla, ondan 468 manat ödənilməmiş məbləğ, 47 manat cərimə miqdarında borc yaranmışdır. Cavabdehin cəmi ödədiyi məbləğ 787 manat təşkil edir. Göstərilənlərə əsasən iddiaçı 2 ədəd “Samsung J2” markalı telefon üçün 131 manat əsas borc, 13 manat cərimə, “Samsung Galaxy A30” markalı telefon üçün 468 manat əsas borc, 47 manat cərimə, ümumilikdə 659 manat borc, 30 manat dövlət rüsumu, cəmi 689 manat pulun cavabdehdən alınaraq iddiaçıya ödənilməsi barədə qətnamə çıxarılmasını xahiş etmişdir. Məhkəmə mülki-prosessual məcəllənin tələblərinə əsasən cavabdehə rəsmi qaydada bildiriş göndərmiş, lakin cavabdeh tərəfindən 10 gün müddətində iddiaya qarşı əsaslandırılmış etiraz məhkəmə icraatına daxil olmamışdır. Məhkəmə iş materiallarını araşdırıb hesab edir ki, iddia tələbi təmin edilməlidir. İş üzrə «xxxxxxxxxxx» MMC ilə X1 arasında bağlanılmış xx xxxxxx 2018-ci il tarixli müqaviləyə əsasən «xxxxxxxxxxx» MMC Cavabdeh 2 ədəd “Samsung J2” markalı mobil telefonu 19 ay müddətinə ödənilmək şərti ilə (ayda 42 manat) müvəqqəti sahibliyə vermişdir. Əşyanın alqısatqı qiyməti 798 manat təşkil edir. İş üzrə «xxxxxxxxxxx» MMC ilə X1 arasında bağlanılmış xx xxxxxxxx 2019-cu il tarixli müqaviləyə əsasən «xxxxxxxxxxx» MMC Cavabdeh “Samsung Galaxy A30” markalı mobil telefonu 12 ay müddətinə ödənilmək şərti ilə (ayda 49 manat) müvəqqəti sahibliyə vermişdir. Əşyanın alqı-satqı qiyməti 588 manat təşkil edir. İş üzrə «xxxxxxxxxxx» tərəfindən verilmiş xx.xx.2020-ci il tarixli maliyyə arayışına əsasən Əhmədova Şərəbanı (Şəbnəm) İlham qızının xx.xx.2018-ci il tarixli müqavilə üzrə 131 manat əsas, 13 manat cərimə, xx.xx.2019-cu il tarixli müqavilə üzrə 468 manat əsas, 47 manat cərimə, cəmi 659 manat borcu var. Məhkəmə verilmiş iddia tələbi ilə bağlı aşağıdakıları qeyd edir. AR Mülki Məcəlləsinin 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Göstərilən Məcəllənin 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Məhkəmə iclasında müəyyən edilmişdir ki, iddiaçı ilə cavabdeh Əhmədova Şərəbanı (Şəbnəm) İlham qızı arasında xx.xx.2018-ci il tarixdə və xx.xx.2019-cu il tarixdə müqavilələr bağlanılmış və həmin müqavilələrə əsasən alqı-satqı qiyməti 798 manat olan 2 ədəd “Samsung J2” markalı mobil telefon və alqı-satqı qiyməti 588 manat olan “Samsung Galaxy A30” markalı markalı mobil telefon pulu hissə-hissə ödənilməklə cavabdehə nisyə satılmışdır. Məhkəmə iclasında həmçinin müəyyən edilmişdir ki, iddiaçı tərəfindən müqavilələr ilə nəzərdə tutulmuş öhdəliklər yerinə yetirilsə də, yəni alınmış mobil telefonlar Cavabdeh təhvil verilsə də, cavabdeh tərəfindən hər ay ödənilməli olan pul məbləği ödənilməmişdir və bununla da müqavilələrin şərtləri pozulmuşdur. Məhkəmə hesab edir ki, cavabdeh müqavilələr üzrə üzərinə düşən öhdəliyi icra etmədiyindən, iddiaçı yaranmış borcun tutulması ilə bağlı məhkəmədə iddia qaldırmaqda haqlı olmuşdur. Bu səbəbdən məhkəmə hesab edir ki, iddia tələbi təmin edilməli və cavabdehdən xx.xx.2018ci il tarixli müqavilə üzrə ödənilməmiş qalmış 131 manat əsas borc, 13 manat cərimə, xx.xx.2019cu il tarixli müqavilə üzrə ödənilməmiş qalmış 468 manat əsas borc, 47 manat cərimə, cəmi 659 manat məbləğində pul tutulmalıdır. Məhkəmə həmçinin hesab edir ki, iddia tələbi dövlət rüsumunun tutulması hissəsində də təmin edilməlidir. Azərbaycan Respublikasının MPM-nın 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Şərh olunanları nəzərə alaraq və AR MPM-nin 216-220-ci maddələrini rəhbər tutaraq məhkəmə… QƏT ETDİ: İddia təmin edilsin. Əhmədova Şərəbanı (Şəbnəm) İlham qızından «xxxxxxxxxxx» MMC-nin xeyrinə xx.xx.2018ci il tarixli müqavilə üzrə öhdəliklərin yerinə yetirilməməsi ilə əlaqədar xx.xx.2020-ci il tarixə yaranmış 131 manat borc, 13 manat cərimə, xx.xx.2019-cu il tarixli müqavilə üzrə öhdəliklərin yerinə yetirilməməsi ilə əlaqədar xx.xx.2020-ci il tarixə yaranmış 468 manat borc, 47 manat cərimə, həmçinin ödənilmiş dövlət rüsumunun əvəzi kimi 30 manat, cəmi 689 (altı yüz səksən doqquz) manat məbləğində pul tutulsun. Qətnamədən onun tərəflərə rəsmi qaydada təqdim edildiyi gündən 1 (bir) ay müddətinə Bakı Şəhəri Səbail Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Hakim: Şahin Abdullayev