Bakı Şəhəri Səbail Rayon Məhkəməsi Qərardad — İş №2(009)-1626/2020

Azərbaycan Respublikası adından QƏRARDAD Bakı şəhəri İş № 2(009)-1626/2020 30.07.2020 BAKI ŞƏHƏRİ SƏBAİL RAYON MƏHKƏMƏSİ Bakı şəhəri Səbail Rayon Məhkəməsinin hakimi X1, İddiaçı-nin - Cavabdeh qarşı “dəymiş zərərin ödənilməsi” tələbinə dair iddia ərizəsini və ona əlavə edilmiş sənədləri nəzərdən keçirərək MÜƏYYƏN ETDİM: İddiaçı - Cavabdeh qarşı “dəymiş zərərin ödənilməsi” tələbinə dair iddia ərizəsi ilə məhkəməyə müraciət edərək, Cavabdeh dəymiş zərərin əvəzi olaraq 5760 manat, təmir müddəti ərzində gündəlik 35 manat olmaqla pul vəsaitinin tutularaq iddiaçı "xxxxxxxxxx" MMC-yə ödənilməsi barədə qətnamə çıxarılmasını xahiş etmişdir. İddia ərizəsini və ona əlavə edilmiş sənədləri nəzərdən keçirib hesab edirəm ki, iddia ərizəsi geri qaytarılmalıdır. Azərbaycan Respublikası Mülki Prosessual Məcəlləsinin 151.1-ci maddəsinə əsasən ərizənin bu Məcəllənin tələblərinə riayət edilməklə verilməsi yoxlanılmalıdır. Ərizəni yoxlayaraq hesab edirəm ki, Azərbaycan Respublikası MPM-in 152.1.6-cı maddəsinə uyğun olaraq ərizə geri qaytarılmalıdır. Belə ki, iş materiallarında olan İddiaçı ilə Cavabdeh arasında bağlanmış avtomobilin icarəyə verilməsinə dair müqavilənin 3.5-ci maddəsinə əsasən nəqliyyat vasitəsini icarəyə götürən şəxs qəza törədərsə avtomobilin təmirdə qaldığı müddətdə gündəlik icarə haqqının 70% miqdarında pul vəsaiti ödəməlidir. İddiaçının iddia tələbindən görünür ki, o, dəymiş zərərin əvəzi olaraq 5760 manat tələb etməklə yanaşı, həmçinin müavilədə nəzərə tutulmuş qaydada təmir müddəti ərzində gündəlik 35 manat olmaqla pul vəsaitinin də tutularaq iddiaçı "xxxxxxxxxx" MMCyə ödənilməsini də tələb edir. Azərbaycan Respublikası Mülki Prosessual Məcəlləsinin 150.0 və 150.0.7-ci maddələrinin tələbinə əsasən, müqavilə ilə və ya həmin kateqoriya mübahisələr üçün qanunda bu nəzərdə tutulmuşsa, cavabdehlə mübahisənin məhkəməyə qədər və ya pretenziya qaydasında nizama salınmasına riayət edilməsini təsdiq edən sənəd iddia ərizəsinə əlavə edilməlidir. İddiaçı müqavilədə nəzərdə pul vəsaitinin ödənilməsi ilə bağlı cavabdehə pretenziya qaydasında müraciət etmədən və ya müraciət etməsinə dair sənədi iddia ərizəsinə əlavə etmədən iddia ərizəsi ilə məhkəməyə müraciət etmişdir. Bundan əlavə İddiaçı ilə Cavabdeh arasında bağlanmış avtomobilin icarəyə verilməsinə dair müqavilənin Azərbaycan dilinə tərcümə edilməklə təsdiq edilmiş surəti də iddia ərizəsinə əlavə edilməmişdir. Həmin Məcəllənin 152.1.6-cı maddəsinə əsasən müqavilə ilə və ya həmin kateqoriya işlər üçün qanunla nəzərdə tutulmuşsa, iddiaçı cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd təqdim etmədikdə ərizə və ona əlavə olunmuş sənədlər geri qaytarılır. Məhkəməyə daxil olmuş iddia ərizəsini nəzərdən keçirib hesab edir ki, iddia ərizəsində iddiaçının cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd təqdim edilmədiyindən, iddia ərizəsi geri qaytarılmalı və iddiaçıya Azərbaycan Respublikası Mülki Prosessual Məcəlləsinin 152.4-cü maddəsinin tələbləri izah olunmalıdır. Göstərilənlərə əsasən, Azərbaycan Respublikası MPM-nin 152, 263-264, 266-268 maddələrini rəhbər tutaraq QƏRARA ALDİ: İddiaçı-nin - Cavabdeh qarşı “dəymiş zərərin ödənilməsi” tələbinədair iddia ərizəsi geri qaytarılsın. İddiaçıya izah olunsun ki, qərardadda göstərilən nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququ vardır. Qərardaddan rəsmi qaydada verildikdən sonra 10 gün müddətində Bakı şəhəri Səbail Rayon Məhkəməsinə şikayət verilə bilər. Hakim: Rəna Qafarova