Bakı Şəhəri Səbail Rayon Məhkəməsi Qətnamə — İş №2(009)-1784/2020

Azərbaycan Respublikası adından QƏTNAMƏ Bakı şəhəri İş № 2(009)-1784/2020 14.10.2020 BAKI ŞƏHƏRİ SƏBAİL RAYON MƏHKƏMƏSİ Hakim İlkin Şahin oğlu Rüstəmlinin sədrliyi, Deputat Süleyman oğlu Tomayevin katibliyi, İddiaçının nümayəndəsi X1 iştirakı ilə İddiaçı MMC-nin Cavabdeh qarşı «maddi zərərin ödənilməsi» tələbinə dair iddiası üzrə mülki işə Bakı şəhərində açıq məhkəmə iclasında baxaraq MÜƏYYƏN ETDİ: İddiaçı MMC Cavabdeh qarşı «maddi zərərin ödənilməsi» tələbinə dair iddia ərizəsi ilə məhkəməyə müraciət edərək Cavabdeh 594,49 manat zərərin, inzibati tənbeh qərarlarına görə Cəmiyyətin maliyyə şöbəsi tərəfindən ödənilmiş 128 manat və ödədiyi 30,40 manat dövlət rüsumunun alınıb ona verilməsi barədə qətnamə çıxarılmasını xahiş etmişdir. İddiaçı iddia ərizəsini onunla əsaslandırmışdır ki, cavabdeh ilə xx.xx.2018-ci il tarixdə əmək müqaviləsi və X2 haqqında müqavilə bağlanmışdır. O, avtobus sürücüsü vəzifəsinə qəbul edilmiş və xx.xx.2020-ci il tarixədək öz ərizəsi əsasında tutduğu vəzifədən azad edilmişdir. Cavabdeh xidməti vəzifəsini yerinə yetirən zaman müvafiz vəzifə təlimatları üzrə öhdəlikləri bir neçə dəfə pozmuş və o cümlədən inzibati xətalara yol verərək yol-nəqliyyat hadisələri törətmiş, nəticədə isə Cəmiyyətin əmlakına maddi ziyan vurmuşdur. Belə ki, həmin yol-nəqliyyat hadisələri nəticəsində icraə etdiyi avtobusların hər birinə müvafiq olaraq 485 və 9529,49 manat maddi ziyan vurmuşdur. Bundan başqa cavabdeh inzibati xətalara dair barəsində qəbul edilmiş inzibati tənbeh qərarlarına görə Cəmiyyətin maliyyə şöbəsi tərəfindən ödənilmiş 128 manat məbləğində cərimənin əvəzini də ödəməkdən boyun qaçırır. Cavabdehə bununla bağlı dəfələrlə müraciət edilsə də, heç bir ödəniş həyata keçirilməmişdir. Göstərilənlərə əsasən iddianın təmin olunması xahiş olunur. Məhkəmə iclasında iştirak etmiş iddiaçının nümayəndəsi iddia ərizəsini müdafiə edərək, iddia ərizəsinə uyğun məzmunda izahat verərək, iddianın təmin olunması barədə qətnamə çıxarılmasını xahiş etmişdir. Məhkəmə tərəfindən cavabdehə məhkəmə iclasının vaxtı və yeri barədə bildiriş göndərilmiş, lakin o, məhkəmə iclasına gəlməmiş, bunun səbəbləri barədə məhkəməyə məlumat verməmişdir. Məhkəmə Az. Resp. MPM-nın 185.5-ci maddəsinə əsaslanaraq işə cavabdehin iştirakı olmadan baxılmasını mümkün hesab edir. Məhkəmə iş üzrə təqdim olunmuş sübutları yoxlayıb, iddia ərizəsinin dəlillərini nəzərə alaraq hesab edir ki, iddia aşağıda göstərilənlərə əsasən təmin olunmalıdır. Belə ki, iş materiallarında olan: xx.xx.2018-ci il tarixli əmək müqaviləsinin surətindən görünür ki, Cavabdeh İddiaçı MMC-də sürücü vəzifəsinə işə qəbul edilmişdir. İşəgötürən ilə işçi arasında X2 haqqında xx.xx.2018-ci il tarixli Müqavilə bağlanmışdır. xx.xx.2020-ci il tarixli əmrin surətindən görünür ki, Cavabdeh həmin tarixdə öz xahişi ilə işdən azad edilmişdir. “ASAN ödəniş” sistemindən çıxarışdan görünür ki, törətdiyi yol-nəqliyyat hadisəsinə görə 128 manat məbləğində MMC tərəfindən cavabdehin əvəzinə cərimə ödənilmişdir. Cavabdeh tərəfindən verilmiş xx.xx.2019-cu il və xx.xx.2020-ci il tarixli izahatlarında cavabdeh xx.xx.2019-cu il və xx.xx.2020-ci il tarixlərdə törətdiyi yol-nəqliyyat hadisəsi nəticəsində idarə etdiyi avtobusa dəymiş zərəri etiraf etmiş və özünün həmin zərərə görə məsuliyyət daşıdığını bildirmişdir. Beləliklə məhkəmə iclasında müəyyən olunmuşdur ki, cavabdeh iddiaçı MMC-də işə qəbul olunmuşdur. İşlədiyi dövrdə yol-nəqliyyat hadisələri törətmiş və eyni zamanda barəsində tərtib olunan inzibati protokollar üzrə cərimələri ödəməkdən yayınmışdır. Həmin cərimələr MMC tərəfindən ödənilmişdir. İddiaçıya dəymiş maddi ziyan və ödənilmiş inzibati cərimələrin əvəzi iddiaçı tərəfindən ondan tələb olunsa da heç bir ödəniş həyata keçirilməmişdir. Azərbaycan Respublikası Əmək Məcəlləsinin: 191.1-ci maddəsinə əsasən əmək münasibətləri prosesində əmək müqaviləsi üzrə işəgötürən və işçi öhdəliklərini yerinə yetirərkən birinin digərinə vurduğu ziyana görə bu Məcəllədə və müvafiq normativ hüquqi aktlarda göstərilmiş qaydada qarşılıqlı maddi məsuliyyət daşıyırlar. 194.1-ci maddəsinə əsasən ziyan vurmaqda təqsirli olan tərəf cinayət məsuliyyətinə, habelə inzibati və digər məsuliyyətə cəlb edilməsindən asılı olmayaraq müəyyən edilmiş qaydada maddi ziyanın məbləğini ödəməyə borcludur. Mülki Məcəllənin 1096.1-ci maddəsinə əsasən mülki hüquq pozuntusu (delikt) hüquqla və ya qanunla müdafiə edilən başqa şəxsə (zərərçəkənə) birbaşa ziyan və ya zərər vurulmasına gətirib çıxaran təqsirli, hüquqa zidd (mülki qanunvericiliyin normalarını pozan) əməldir (hərəkət və ya hərəkətsizlikdir). 1097.1-ci maddəsinə əsasən mülki hüquq pozuntusu (delikt) nəticəsində fiziki şəxsin şəxsiyyətinə və ya əmlakına vurulmuş zərərin, habelə hüquqi şəxsin əmlakına və işgüzar nüfuzuna vurulmuş zərərin əvəzi zərərvuran tərəfindən tam həcmdə ödənilməlidir. Qeyd olunan maddi hüquq normalarına və işin hallarına əsaslanaraq məhkəmə hesab edir ki, cavabdeh iddiaçıya vurmuş olduğu zərəri ödəmədiyindən, 594,49 manat pul vəsaiti, habelə cavabdehin əvəzindən iddiaçı tərəfindən ödənilmiş 128 manat məbləğində inzibati cərimənin əvəzi cavabdehdən alınaraq İddiaçı MMC-yə ödənilməlidir. Hazırkı iş üzrə çəkilmiş məhkəmə xərcləri MPM-nın 119.1-ci maddəsi ilə müəyyən edilmiş qaydada ödənilmiş iddia tələbinin məbləğinə münasib olaraq işdə iştirak edən şəxslərə aid edilməli, hazırki iddia tələbi təmin olduğundan hazırkı iddianın qaldırılması ilə əlaqədar iddiaçı tərəfindən dövlət büdcəsinə ödənilmiş 30 (otuz) manat dövlət rüsumunun əvəzi cavabdehdən iddiaçının xeyrinə tutulmalıdır. Azərbaycan Respublikası MPM-nın 14.2, 77.1 və 88-ci maddələrinə əsasən məhkəmə yalnız tərəflərin təqdim etdikləri sübutları araş dırmalı və onlardan istifadə etməlidir. Hər bir tərəf öz tələblərinin və etirazlarının əsası kimi istinad etdiyi halları sübut etməlidir. Məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Şərh olunanlara əsaslanaraq və Azərbaycan Respublikası MPM-nın 216-220-ci, 360-cı maddələrini rəhbər tutaraq, məhkəmə QƏT ETDİ: İddia təmin edilsin. Ümumilikdə 722,49 manat məbləğində pul vəsaiti və iddianın qaldırılması ilə bağlı ödənilmiş 30,40 manat məbləğində dövlət rüsumu İddiaçı MMC-nin xeyrinə Cavabdeh tutulsun. Qətnamədən rəsmi qaydada verildiyi (alındığı) gündən bir ay müddətinə Bakı şəhəri Səbail Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. HAKİM: İLKİN RÜSTƏMLİ