Bakı Şəhəri Səbail Rayon Məhkəməsi Qərardad — İş №2(009)-183/2025

Azərbaycan Respublikası adından QƏRARDAD Bakı şəhəri İş № 2(009)-183/2025 03.11.2025 BAKI ŞƏHƏRİ SƏBAİL RAYON MƏHKƏMƏSİ Bakı şəhəri Səbail Rayon Məhkəməsinin hakimi Rəna Nazim qızı Qafarovanın sədrliyi, Məhkəmə iclas katibi Pərvin Kamandar oğlu Paşazadənin katibliyi, İddiaçının (qarşılıqlı iddia üzrə cavabdehin) nümayəndəsi Nümayəndə, Cavabdehin (qarşılıqlı iddia üzrə iddiaçının) nümayəndəsi və vəkili Vəkil iştirakı ilə, İddiaçı Cavabdeh MMC-yə qarşı “istehlakçıya dəymiş zərərin əvəzinin ödənilməsi” tələbinə dair, iddiaçı Cavabdeh MMC-nin cavabdeh İddiaçı qarşı “pul” tələbinə dair mülki işə məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: İddiaçı Cavabdeh MMC-yə qarşı “istehlakçıya dəymiş zərərin əvəzinin ödənilməsi” tələbinə dair iddia ərizəsi ilə məhkəməyə müraciət edərək, Cavabdeh MMC (VÖEN: **********) ilə aralarında bağlanan 03 iyun 2024-cü il tarixli avtomatik qapı və günəş qırıcı sistemin quraşdırılması üçün şirkətə nağd şəkildə ödədiyi 6500 manat məbləğin ona geri qaytarılması və Cavabdeh MMC tərəfindən ona dəymiş mənəvi zərərin 10000 manat dəyərində qiymətləndirilərək ona ödəməsi barədə qətnamə qəbul edilməsini xahiş etmişdir. İddiaçı Cavabdeh MMC cavabdeh İddiaçı qarşı “pul” tələbinə dair qarşılıqlı iddia ərizəsi ilə məhkəməyə müraciət edərək, icraçı tərəfindən görülmüş işin sifarişçi tərəfindən ödənilməmiş hissəsi olaraq 2767.84 manat və sonradan verilmiş sifariş üzrə malın zədələnməsi ilə vurulmuş ziyana və əldən çıxmış faydaya görə 2500 manat, vəkilin xidmət haqqı üçün 325 manat olmaqla 5592.84 manat və dövlət rüsumu 76 manat məbləğində pul vəsaitinin cavabdeh İddiaçı tərəfindən tutularaq iddiaçı Cavabdeh MMC-yə ödənilməsi barədə qətnamə qəbul edilməsini xahiş etmişdir. İddiaçının (qarşılıqlı iddia üzrə cavabdehin) nümayəndəsi Nümayəndə ərizə ilə məhkəməyə müraciət edərək, iddianın geri qaytarılmasını xahiş etmişdir. Cavabdehin (qarşılıqlı iddia üzrə iddiaçının) nümayəndəsi və vəkili Vəkil ərizə ilə məhkəməyə müraciət edərək, qarşılıqlı iddianın geri qaytarılmasını xahiş etmişdir. Məhkəmə iş materiallarını araşdıraraq hesab edir ki, iddiaçının (qarşılıqlı iddia üzrə cavabdehin) nümayəndəsi Nümayəndə və cavabdehin (qarşılıqlı iddia üzrə iddiaçının) nümayəndəsi və vəkili Vəkil ərizənin və ona əlavə edilmiş sənədlərin geri qaytarılmasını xahiş etdiyindən, iddia ərizəsi və qarşılıqlı iddia ərizəsi əlavə edilmiş sənədlərlə geri qaytarılmalıdır. Belə ki, Azərbaycan Respublikası MPM-in 170.1-ci maddəsinə əsasən, işin məhkəmə baxışına hazırlanması zamanı iddiaçının vəsatəti ilə ərizə qaytarıla bilər. Eyni zamanda «Dövlət rüsumu haqqında» Azərbaycan Respublikasının Qanununun 5.1.2-ci maddəsinin tələbinə əsasən ərizələr (şikayətlər) qaytarıldıqda və ya ərizə baxılmamış saxlanıldıqda, ödənilmiş dövlət rüsumu dövlət büdcəsindən qismən və ya tamamilə qaytarılır. Şərh olunanlara əsasən və Azərbaycan Respublikası MPM-in 170, 267-268-ci maddələrini rəhbər tutaraq, məhkəmə QƏRARA ALDİ: İddiaçı Cavabdeh MMC-yə qarşı “istehlakçıya dəymiş zərərin əvəzinin ödənilməsi” tələbinə dair iddia ərizəsi və ona əlavə edilmiş sənədlər geri qaytarılsın. İddiaçı Cavabdeh MMC-nin cavabdeh İddiaçı qarşı “pul” tələbinə dair qarşılıqlı iddia ərizəsi və ona əlavə edilmiş sənədlər geri qaytarılsın. Məhkəməyə müraciət etmək üçün cavabdehin (qarşılıqlı iddia üzrə iddiaçının) nümayəndəsi və vəkili Vəkil tərəfindən ödənilmiş 76 (yetmiş altı) manat məbləğində dövlət rüsumu (xx.xx.2024cü il tarixli ********** saylı qəbz) ona geri qaytarılsın. Qərardaddan rəsmi qaydada verildikdən sonra 10 (on) gün müddətində (elektron kabinet vasitəsilə MPM-nin 2 saylı əlavəsinə uyğun) Bakı şəhəri Səbail Rayon Məhkəməsinə şikayət verilə bilər. Sədrlik edən: Rəna Qafarova