Bakı Şəhəri Səbail Rayon Məhkəməsi Qətnamə — İş №2(009)-2148/2021

Azərbaycan Respublikası adından QƏTNAMƏ Bakı şəhəri İş № 2(009)-2148/2021 21.09.2021 BAKI ŞƏHƏRİ SƏBAİL RAYON MƏHKƏMƏSİ Bakı şəhəri Səbail Rayon Məhkəməsinin hakimi Rəna Nazim qızı Qafarovanın sədrliyi, Məhkəmə iclas katibi Pərvin Kamandar oğlu Paşazadənin katibliyi, İddiaçının nümayəndəsi X1 iştirakı ilə, İddiaçı ASC-nin (ləğv prosesindədir) – cavabdeh İsmayılova (Tağı-zadə) Humay Məzahir qızına qarşı “borcun tutulması” tələbinə dair iddiası üzrə mülki işə məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: İddiaçı ASC (ləğv prosesindədir) – cavabdeh İsmayılova (Tağı-zadə) Humay Məzahir qızına qarşı “borcun tutulması” tələbinə dair iddia ərizəsi ilə məhkəməyə müraciət edərək, 404.03 (dörd yüz dörd manat üç qəpik) manat əsas borc, 836.32 (səkkiz yüz otuz altı manat otuz iki qəpik) manat cərimə borcu, kredit müqaviləsi bitəndən sonra hesablanmış 63.42 (altmış üç manat qırx iki qəpik) manat faiz borcu olmaqla, cəmi 1303.77 (bir min üç yüz üç manat yetmiş yeddi qəpik) manat borc və iş üzrə ödənilmiş 30 (otuz) manat dövlət rüsumunun cavabdeh İsmayılova (Tağı-zadə) Humay Məzahir qızından tutularaq, ləğv prosesində olan İddiaçı ASC-yə ödənilməsi barədə qətnamə çıxarılmasını xahiş etmişdir. İddia tələbi onunla əsaslandırılmışdır ki, "xxxx" Açıq Səhmdar Cəmiyyətinin Binəqədi filialı ilə cavabdeh İsmayılova (Tağı-zadə) Humay Məzahir qızı arasında bağlanmış 30 iyul 2015-ci il tarixli Na 5477 saylı kredit xartın verilməsi və istifadəsi müqaviləsinə əsasən cavabdehə 36 (otuz altı) ay müddətinə 800 səkkiz yüz) manat məbləğində kredit xətti açılmışdır. Kredit müqaviləsinə əsasən İsmayılova (Tağı-zadə) Humay Məzahir qızı müəyyən edilmiş müddətdə kredit məbləğini və ona hesablanacaq cərimələri ödəmək barədə öhdəlik götürsə də, o, bu öhdəliyi yerinə yetirməmişdir. 21.06.2021-ci il tarixə İsmayılova (Tağı-Zadə) Humay Məzahir qızının kredit üzrə 404.03 (dörd yüz dörd manat üç qəpik) manat əsas borc, 836.32 (səkkiz yüz otuz altı manat otuz iki qəpik) manat cərimə borcu, kredit müqaviləsi bitəndən sonra hesablanmış 63.42 (altmış üç manat qırx iki qəpik) manat faiz borcu olmaqla, cəmi 1303.77 (bir min üç yüz üç manat yetmiş yeddi qəpik) manat borcu vardır. Kredit müqaviləsinin 3.1, 3.4 və 3.5-ci bəndlərinə əsasən borcalan bu müqavilə üzrə kreditin qaytarılması və faizlərin ödənilməsi öhdəliklərini yerinə yetirmədikdə və ya yerinə yetirə bilmədikdə, kreditin bütün məbləğinin, kreditdən istifadəyə görə faizlərin və müqavilədə nəzərdə tutulmuş cərimələrin ödənilməsini tələb etməyə Bankın hüququ vardır. Kredit müqaviləsinin şərtlərinin kobud şəkildə pozulması ilə əlaqədar Bank tərəfindən cavabdehə borcun ödənilməsi barədə dəfələrlə şifahi müraciətlər olunmasına və **********818 saylı 22.12.2020-ci il tarixli bildiriş məktubunun göndərilməsinə baxmayaraq, cavabdeh Banka heç bir cavab verməmiş və kredit borcunun Banka qaytarılmasını təmin etməmişdir. Bank, tərəflər arasında bağlanmış müqavilənin şərtlərinə əsasən üzərinə düşən öhdəlikləri tam yerinə yetirsə də, cavabdeh həmin müqavilə üzrə üzərinə düşən öhdəlikləri yerinə yetirməmişdir. Borcun gecikdirilməsini təsdiq edən maliyyə arayışından göründüyü kimi cavadeh tərəfindən ödəniş cədvəlinin pozulması Bank lisenziyasının ləğvindən əvvəl, yəni Bankın fəaliyyət göstərdiyi dövrə təsadüf edir. Halbuki, cavabdeh ona verilmiş borc məbləğini ödəniş cədvəlinə uyğun olaraq axtında qaytarsaydı, Bank öz fəaliyyətində həmin pul vəsaitindən istifadə edərək mənfəət götürə bilərdi. Məhkəmə iclasında iştirak edən iddiaçının nümayəndəsi X2 iddia tələbini müdafiə edərək, təmin edilməsini xahiş etmişdir. Məhkəmə iclasının vaxtı və yeri barədə xəbərdar edilmiş cavabdeh İsmayılova (Tağızadə) Humay Məzahir qızı məhkəmə iclasında iştirak etməmiş və bunun səbəbləri barədə məhkəməyə məlumat verməmişdir. Məhkəmə MPM-in 185.5-ci maddəsinə əsasən mülki işə cavabdeh İsmayılova (Tağı-zadə) Humay Məzahir qızının iştirakı olmadan baxılmasını mümkün hesab etmişdir. Məhkəmə iş materiallarını araşdırıb, iddiaçının nümayəndəsinin izahatını dinləyib hesab edir ki, iddia tələbi qismən təmin edilməlidir. Belə ki, iş materiallarında olan İddiaçı ASC ilə İsmayılova (Tağı-zadə) Humay Məzahir qızı arasında bağlanmış 30.07.2015-ci il tarixli, 5477 saylı kredit kartın verilməsi və istifadəsi müqaviləsindən görünür ki, İddiaçı ASC İsmayılova (Tağı-zadə) Humay Məzahir qızına 36 ay müddətinə 800 manat məbləğində kredit xətti açmışdır. İş materiallarında olan 30.06.2021-ci il tarixli maliyyə arayışından görünür ki, borclu İsmayılova (Tağı-zadə) Humay Məzahir qızının kredit müqaviləsi üzrə 21.06.2021-ci il tarixinə 404.03 (dörd yüz dörd manat üç qəpik) manat əsas borc, 836.32 (səkkiz yüz otuz altı manat otuz iki qəpik) manat cərimə borcu, kredit müqaviləsi bitəndən sonra hesablanmış 63.42 (altmış üç manat qırx iki qəpik) manat faiz borcu olmaqla, cəmi 1303.77 (bir min üç yüz üç manat yetmiş yeddi qəpik) manat məbləğində kredit borcu vardır. İş materiallarında olan 22.06.2021-ci il tarixli xəbərdarlıqdan görünür ki, cavabdeh Banka olan borcunu ödəməyəcəyi təqdirdə məhkəməyə müraciət olunacağı haqqında xəbərdar olunmuşdur. İş materialları ilə müəyyən olunur ki, İddiaçı ASC ilə İsmayılova (Tağı-zadə) Humay Məzahir qızı arasında bağlanmış 30.07.2015-ci il tarixli, 5477 saylı kredit kartın verilməsi və istifadəsi müqaviləsinə əsasən İddiaçı ASC İsmayılova (Tağı-zadə) Humay Məzahir qızına 36 ay müddətinə 800 manat məbləğində kredit açır. Lakin cavabdeh öz üzərinə götürdüyü kredit öhdəliklərini lazımınca icra etməmiş və bunun nəticəsində cavabdehin 21.06.2021-ci il tarixinə 404.03 (dörd yüz dörd manat üç qəpik) manat əsas borc, 836.32 (səkkiz yüz otuz altı manat otuz iki qəpik) manat cərimə borcu, kredit müqaviləsi bitəndən sonra hesablanmış 63.42 (altmış üç manat qırx iki qəpik) manat faiz borcu olmaqla, cəmi 1303.77 (bir min üç yüz üç manat yetmiş yeddi qəpik) manat məbləğində borcu vardır. Məhkəmə qeyd edir ki, Azərbaycan Respublikası Mülki Məcəlləsinin 739.1-ci maddəsinə əsasən, borc müqaviləsinə görə, iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda olan eyni növlü əşyalar şəklində borc verənə qaytarmağı öhdəsinə götürür. Borc müqaviləsinin predmeti hər hansı pul məbləği olduqda, o, kredit müqaviləsi adlandırılır. Müstəqil peşə fəaliyyəti şəklində pul borc verməklə məşğul olan şəxslər əlavə olaraq peşəkarlıq qaydasında kreditlər verilməsi haqqında müddəaları gözləməlidirlər. (MM-739.2.) Mülki Məcəllənin 442-ci maddəsinə əsasən, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 445-ci maddəsinə əsasən, icranı gecikdirmiş borclu gecikdirmə nəticəsində vurduğu zərər üçün kreditor qarşısında məsuliyyət daşıyır. Öhdəliyin onun icrası üçün müəyyənləşdirilmiş müddətdə icra edilməməsi borclunun icranı gecikdirməsi sayılır. Əgər borclu icra müddəti çatdıqdan sonra kreditorun xatırlatmasına baxmayaraq öhdəliyi icra etməzsə, o icranı xatırlatma üzrə gecikdirmiş sayılır. Mülki Məcəllənin 449.4-cü maddəsinə görə özgə vəsaitindən istifadə üçün faizlər, əgər Müqavilədə faizlərin hesablanması üçün daha qısa müddət müəyyənləşdirilməyibsə, həmin vəsait məbləğinin kreditora ödənildiyi günə qədər tutulur. Göstərilən normaları hazırki iş üzrə tətbiq edərək məhkəmə qeyd edir ki, cavabdeh İsmayılova (Tağı-zadə) Humay Məzahir qızı İddiaçı ASC ilə kredit müqaviləsi bağlayaraq, üzərinə götürülmüş öhdəlikləri icra etmədiyinə görə, yəni müqavilə şərtlərinə əsasən ödənişlərini vaxtında aparmadığı üçün öhdəliyin icrasını gecikdirmişdir və bu səbəbdən Bank qarşısında məsuliyyət-cavabdehlik daşıyır. Belə olan halda Bankın məhkəmə qaydasında cavabdeh İsmayılova (Tağı-zadə) Humay Məzahir qızından 404.03 (dörd yüz dörd manat üç qəpik) manat əsas borcun və kredit müqaviləsi bitəndən sonra hesablanmış 63.42 (altmış üç manat qırx iki qəpik) manat faiz borcunun ödənilməsini tələb etməsi tam əsaslıdır. Odur ki, iddiaçı əsas borcun və gecikdirilmiş vaxt üçün hesablanan faiz borcunun ödənilməsini tələb etməkdə haqlıdır. Məhkəmə iddia ərizəsinin “836.32 (səkkiz yüz otuz altı manat otuz iki qəpik) manat cərimə borcunun tutulması” hissəsinə münasibət bildirərək aşağıdakıları qeyd edir: Azərbaycan Respublikası Mülki Məcəlləsinin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Məhkəmə işin hallarını, kredit müqaviləsindən irəli gələn 404.03 (dörd yüz dörd manat üç qəpik) manat məbləğində əsas borcunun müəyyən olunduğunu nəzərə alaraq, borclunun ödənişi gecikdirməsinə görə hesablanmış “836.32 (səkkiz yüz otuz altı manat otuz iki qəpik) manat cərimə (dəbbə) məbləğini tənasübsüz surətdə yüksək məbləğ hesab edir və həmin dəbbə pulunun azaldılaraq 40 (qırx) manat məbləğində müəyyən edilməsinin cavabdehin mənafeyi baxımından daha məqsədəuyğun olması nəticəsinə gəlir. Azərbaycan Respublikası MPM-in 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Hazırkı iş üzrə çəkilmiş məhkəmə xərcləri Azərbaycan Respublikası Mülki Prosessual Məcəlləsinin 119.1-ci maddəsi ilə müəyyən edilmiş qaydada ödənilmiş iddia tələbinin məbləğinə münasib olaraq işdə iştirak edən şəxslərə aid edilməli olduğundan, iddia tələbi isə qismən təmin olduğundan hazırkı iddianın qaldırılması ilə əlaqədar iddiaçı tərəfindən dövlət büdcəsinə ödənilmiş 30 (otuz) manat məbləğində dövlət rüsumunun 10 (on) manat hissəsi cavabdeh İsmayılova (Tağı-zadə) Humay Məzahir qızı ndan tutularaq iddiaçıya ödənilməli, 20 (iyirmi) manat hissəsi iddiaçıya aid edilməlidir. Beləliklə, məhkəmə iş üzrə toplanmış və tədqiq olunmuş sübutlara obyektiv, qərəzsiz və məcmu halda hüquqi qiymət verərək hesab edir ki, iddia qismən təmin edilməli, cavabdeh İsmayılova (Tağı-zadə) Humay Məzahir qızından iddiaçı ləğv prosesində olan İddiaçı ASC-nin xeyrinə 404.03 (dörd yüz dörd manat üç qəpik) manat əsas borc, 63.42 (altmış üç manat qırx iki qəpik) manat gecikdirilmiş vaxt üçün hesablanan faiz borcu, 40 (qırx) manat cərimə borcu, olmaqla, ümumilikdə 507.45 (beş yüz yeddi manat qırx beş qəpik) manat məbləğində borc və ödənilmiş 30 (otuz) manat məbləğində dövlət rüsumunun 10 (on) manat hissəsi tutulmalı, dövlət rüsumunun 20 (iyirmi) manat hissəsi iddiaçıya aid edilməli, iddia qalan hissədə rədd edilməlidir. Məhkəmə qeyd edir ki, Azərbaycan Respublikası MPM-in 14.2, 77.1, 88 və 217.4-cü maddələrinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Hər bir tərəf öz tələblərinin və etirazlarının əsası kimi istinad etdiyi halları sübut etməlidir. Məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Heç bir sübutun məhkəmə üçün qabaqcadan müəyyən edilmiş qüvvəsi yoxdur. Məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Göstərilənləri nəzərə alaraq və Azərbaycan Respublikası Mülki Prosessual Məcəlləsinin 119, 216-220, 222.2, 360-cı maddələrini rəhbər tutaraq məhkəmə QƏT ETDİ: İddia qismən təmin edilsin. Cavabdeh İsmayılova (Tağı-zadə) Humay Məzahir qızından iddiaçı ləğv prosesində olan İddiaçı ASC-nin xeyrinə 404,03 (dörd yüz dörd manat üç qəpik) manat əsas borc, 63,42 (altmış üç manat qırx iki qəpik) manat gecikdirilmiş vaxt üçün hesablanan faiz borcu, 40 (qırx) manat cərimə borcu olmaqla, ümumilikdə 507,45 (beş yüz yeddi manat qırx beş qəpik) manat məbləğində borc və ödənilmiş 30 (otuz) manat məbləğində dövlət rüsumunun 10 (on) manat hissəsi tutulsun. İddia qalan hissədə rədd edilsin. Qətnamədən rəsmi qaydada verildiyi gündən 1 (bir) ay müddətində Bakı şəhəri Səbail Rayon Məhkəməsi vasitəsi ilə Bakı Apellyasiya Məhkəməsinin mülki kollegiyasına apellyasiya şikayəti verilə bilər. Sədrlik edən: Rəna Qafarova