Bakı Şəhəri Səbail Rayon Məhkəməsi Qərardad — İş №2(009)-804/2022

Azərbaycan Respublikası adından QƏRARDAD Bakı şəhəri İş № 2(009)-804/2022 09.03.2022 BAKI ŞƏHƏRİ SƏBAİL RAYON MƏHKƏMƏSİ Hakim Abdullayev Şahin Zülfüqar oğlunun sədrliyi ilə İddiaçı Cavabdeh Əlibala oğluna qarşı alimentin artırılması tələbinə dair iddia ərizəsinə baxaraq… MÜƏYYƏN ETDİ: İddiaçı Cavabdeh Əlibala oğluna qarşı alimentin artırılması tələbinə dair iddia ərizə ilə məhkəməyə müraciət etmişdir. Hakim iş materiallarını araşdırıb hesab edir ki, iddia ərizəsi və ona əlavə edilmiş sənədlər aşağdakı əsaslara görə iddiaçıya geri qaytarılmalıdır. Hakim ilk növbədə qeyd edir ki, iddia ərizəsi iddiaçı tərəfindən imzalanmamışdır. AR MPM-nin 149.1-ci maddəsinə əsasən iddia ərizəsi məhkəməyə yazılı şəkildə verilir. O, iddiaçı və ya onun bunu imza etməyə səlahiyyəti olan nümayəndəsi tərəfindən imzalanır. İddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda hakim iddia ərizəsini və ona əlavə edilmiş sənədləri geri qaytarır (Maddə 152.1.2). Hakim həmçinin qeyd edir ki, iddaçı iddia ərizəsinə onun surətini cavabdehə təqdim edilməsi üçün əlavə etməmişdir. İddia ərizəsinə əlavə edilməli olan sənədlərin siyahısı AR MPM-in 150.1.-ci maddəsində təsbit olunmuşdur. Cavabdehin sayına görə iddia ərizəsinin surəti iddia ərizəsinə əlavə edilməlidir (Maddə 150.1.1). AR MPM-nin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə edilmiş sənədləri geri qaytarır. AR MPM-nin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. Beləliklə, hakim hesab edir ki, iddia ərizəsi imzalandığından və cavabdehin sayına görə iddia ərizəsinin sürətini iddia ərizəsinə əlavə edilmədiyindən sənədlərlə birlikdə geri qaytarılmalıdır. Şərh olunanlara əsasən və AR MPM-nin 152-ci maddəsini rəhbər tutaraq hakim… QƏRARA ALDİ: İddiaçı Cavabdeh Əlibala oğluna qarşı alimentin artırılması tələbinə dair iddia ərizəsi və ona əlavə edilmiş sənədlərlə birlikdə geri qaytarılsın. İddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan 10 gün müddətində Səbail rayon Məhkəməsinə şikayət verilə bilər. Hakim Şahin Abdullayev