Bakı Şəhəri Suraxanı Rayon Məhkəməsi Qərardad — İş №2(010)-1263/2021

Azərbaycan Respublikası adından QƏRARDAD Bakı şəhəri İş № 2(010)-1263/2021 04.03.2021 BAKI ŞƏHƏRİ SURAXANI RAYON MƏHKƏMƏSİ Hakim Məmmədov Tural Nurulla oğlunun sədrliyi, Məhkəmə iclasının katibi Məhərrəmov Orxan Kazım oğlunun katibliyi X2, cavabdehlər Cavabdeh1 və Cavabdeh2 Rafiq qızının iştirakı ilə, X1 cavabdehlər Cavabdeh1 və Cavabdeh2 Rafiq qızına qarşı mirasın qəbulu faktının müəyyən edilməsi, miras əmlaka pay hüququnun tanınması və vərəsəlik haqqında şəhadətnamənin verilməsi tələbinə dair iddia ərizəsi üzrə mülki işə məhkəmənin inzibati binasında, açıq məhkəmə iclasında baxaraq, Müəyyən etdi: X2 məhkəmədə iddia qaldıraraq, Bakı şəhəri, Suraxan rayonu, Qaracuxur qəsbəsi,E.Ayvazov küçəsi (keçmiş məhəllə 4048/49, ev 1 mən 170) ünvanda yerləşən mərhum atası X5 məxsus olan mənzilə dair mirasın onun tərəfindən qəbul edilməsi faktının müəyyən edilməsi, həmin mənzilə 3/1 pay hüququnun tanınması və vərəsəlik haqqında şəhadətnamənin verilməsi barədə qətnamə çıxarılmasını xahiş etmişdir. Məhkəmə iclasında X2 iddia ərizəsinin baxılmamış saxlanılmasını və sənədlərin əslini geri qaytarılmasını xahiş etdi. Məhkəmə iclasında cavabdehlər Cavabdeh1 və Cavabdeh2 Rafiq qızı məhkəməyə yazılı ərizə təqdim edərək, işin baxılmasını tələb etməyərək, onun baxılmamış saxlanılmasına etiraz etmədilər. Üçüncü şəxs 24 saylı notariat ofisinə məhkəmə iclasının yeri və vaxtı barədə lazımi qaydada məlumat verilməsinə baxmayaraq, nümayəndəsi məhkəmə iclasına gəlməmiş və bunun səbəbləri barədə məlumat verməmişdir. Azərbaycan Respublikası MPM-nin 259.0.11-ci maddəsinin tələbinə görə, iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə, məhkəmə ərizəni baxılmamış saxlayır. Həmin Məcəllənin 260.1-ci maddəsinin tələbinə görə, iddianın baxılmamış saxlanması haqqında məhkəmə qərardad çıxarır. Həmin Məcəllənin 260.4-cü maddəsinin tələbinə görə isə, iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət edə bilər. Həmin Məcəllənin 263.1-ci maddəsinin tələbinə görə, iş mahiyyəti üzrə həll edilmədikdə məhkəmə aktları qərardad formasında çıxarılır. Göstərilənlərə əsasən və Azərbaycan Respublikası MPM-nın qeyd edilən maddələrini rəhbər tutaraq, məhkəmə Qərara aldı: X1 cavabdehlər Cavabdeh1 və Cavabdeh2 Rafiq qızına qarşı mirasın qəbulu faktının müəyyən edilməsi, miras əmlaka pay hüququnun tanınması və vərəsəlik haqqında şəhadətnamənin verilməsi tələbinə dair iddia ərizəsi baxılmamış saxlanılsın. İzah olunsun ki, iddianın baxılmamış saxlanılması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət edə bilər. Qərardaddan, onun surəti tərəfə rəsmi qaydada verildikdən sonra 10 (on) gün müddətində qərardadı qəbul etmiş məhkəməyə şikayət verilə bilər. Sədrlik edən Tural Məmmədov