Bakı Şəhəri Suraxanı Rayon Məhkəməsi Qərardad — İş №2(010)-1975/2023

Azərbaycan Respublikası adından QƏRARDAD Bakı şəhəri İş № 2(010)-1975/2023 03.04.2023 BAKI ŞƏHƏRİ SURAXANI RAYON MƏHKƏMƏSİ Bakı şəhəri, Suraxanı Rayon Məhkəməsinin hakimi Mirzəyeva Firuzə Fuad qızı İddiaçı Cavabdeh qarşı “alimentin artırılması” tələbinə dair iddia ərizəsinə baxaraq, M Ü Ə Y Y Ə N E T D İ M: İddiaçı Cavabdeh qarşı “alimentin artırılması” tələbinə dair iddia ərizəsi ilə məhkəməyə müraciət etmişdir. Hesab edirəm ki, iddia ərizəsi Azərbaycan Respublikası Mülki Prosessual Məcəlləsinin (MPM) tələblərinə riayət edilmədən verildiyindən, onun məhkəmə icraatı mümkün deyildir. Ona görə də iddia ərizəsi icraata qəbul edilməməli və ona əlavə edilmiş sənədlərlə birgə geri qaytarılmalıdır. Belə ki, iddia ərizəsinə əlavə edilmiş sənədlərlə müəyyən olunur ki, Cavabdeh ünvan 1 ünvanında qeydiyyatdadır. İddiaçı iddia ərizəsində öz yaşayış ünvanını ünvan 2 etsə də, buna dair məhkəməyə heç bir sübut təqdim etməmişdir. O, iddia ərizəsinə Bakı şəhəri, Yeni Günəşli qəsəbəsi “V” y/s ərazisində yerləşən Bakı şəhəri üzrə Təhsil İdarəsi P.İsmayılov adına 278 nömrəli tam orta məktəbin direktoru Məlahət Əliyeva tərəfindən 01 mart 2023-cü il tarixdə tərtib edilmiş arayışı əlavə etmişdir. Lakin təkrarən qeyd edirəm ki, bu kimi arayışlarla iddiaçının yaşayış yerinin müəyyən edilməsi qanunvericilikdə nəzərdə tutulmamışdır. Belə olan halda iddiaçı hazırki iddia tələbi ilə Bakı şəhər Suraxanı Rayon Məhkəməsinə müraciət etməklə ərazi aidiyyat qaydalarını pozmuşdur. Azərbaycan Respublikası Mülki Prosessual Məcəlləsinin 35.1-ci maddəsinə əsasən, qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 36.3-ci maddəsinə əsasən, alimentin alınması və atalığın müəyyən edilməsi haqqındakı iddialar iddiaçının yaşadığı yerə görə verilə bilər. Həmçinin qeyd olunur ki, Suraxanı rayon Məhkəməsinin 06 mart 2023-cü il tarixli 2(010)-1713/2023 nömrəli qərardadı ilə İddiaçı cavabdehlər Cavabdeh qarşı “alimentin artırılması” tələbinə dair iddia ərizəsi geri qaytarılmışdır. Eyni zamanda iddiaçıya izah edilmişdir ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Lakin iddiaçı qərardadda qeyd olunan nöqsanları aradan qaldırmadan, yenidən məhkəməyə müraciət etmişdir. Beləliklə də, yuxarıda təsvir olunanlardan görünür ki, İddiaçı Bakı şəhəri, Suraxanı rayonu ərazisində yaşaması müəyyən edilmədiyindən - həmin işə ərazi aidiyyəti üzrə Bakı şəhər Suraxanı Rayon Məhkəməsində baxılması mümkün deyildir. Azərbaycan Respublikası Mülki-Prosessual Məcəlləsinin 40.1-ci maddəsinə əsasən, ərazi aidiyyəti qaydalarının pozulmasına yol verilmir. Həmin Məcəllənin 152.1.3-cü maddəsinə əsasən, əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə, hakim iddia ərizəsini və ona əlavə edilmiş sənədləri geri qaytarır. Həmin Məcəllənin 152.4-cü maddəsinə əsasən, iddia ərizəsinin qaytarılması, nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənlərə əsasən və Azərbaycan Respublikası MPM-nin 152, 263, 264, 267 – 268-ci maddələrini rəhbər tutaraq, Q Ə R A R A A L D İ M: İddiaçı cavabdehlər Cavabdeh qarşı “alimentin artırılması” tələbinə dair iddia ərizəsi və ona əlavə edilmiş sənədlər geri qaytarılsın. İddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan 10 gün müddətində Suraxanı Rayon Məhkəməsinə şikayət verilə bilər. Hakim: Firuzə Mirzəyeva