Bakı Şəhəri Suraxanı Rayon Məhkəməsi Qətnamə — İş №2(010)-2373/2020

Azərbaycan Respublikası adından QƏTNAMƏ Bakı şəhəri İş № 2(010)-2373/2020 04.09.2020 BAKI ŞƏHƏRİ SURAXANI RAYON MƏHKƏMƏSİ Hakim Talıbova Leyla Oruc qızının sədrliyi, Mahmudov Ruslan Elxan oğlunun katibliyi, İddiaçı “xxxxxxxx (Azərbaycan)” ASC-nin etibarnamə üzrə nümayəndəsi X1 iştirakı ilə, İddiaçı “xxxxxxxx (Azərbaycan)” ASC-nin Cavabdeh qarşı borc tələbinə dair mülki işə açıq məhkəmə iclasında baxaraq, məhkəmə MÜƏYYƏN ETDİ: “xxxxxxxx (Azərbaycan)” X4 iddia ərizəsi ilə məhkəməyə müraciət edərək “xxxxxxxx (Azərbaycan)” X4 ilə Cavabdeh arasında bağlanmış xx.xx.2019-cu il tarixli 139669-1- 14309/2 saylı kredit müqaviləsinə əsasən xx.xx.2020-ci il tarixə Banka borclu olduğu əsas borc üzrə 9278.96 manat, faiz borcu üzrə 58.77 manat, cəmi 9337.73 manat pul məbləğinin, “xxxxxxxx (Azərbaycan)” X4 ilə Cavabdeh arasında bağlanmış xx.xx.2019-cu il tarixli 139669-1-13269/1 saylı kredit müqaviləsinə əsasən xx.xx.2020-ci il tarixə Banka borclu olduğu əsas borc üzrə 1089.19 manat, faiz borcu üzrə 6.90 manat, cəmi 1096.09 manat pul məbləğinin və məhkəməyə müraciət etmək üçün ödənilmiş 30 manat dövlət rüsumunun Cavabdeh tutularaq xxxxxxxx (Azərbaycan)” X3 ödənilməsi barədə qətnamə çıxarılmasını məhkəmədən xahiş etmişdir. İddiaçı “xxxxxxxx (Azərbaycan)” ASC-nin nümayəndəsi X2 məhkəmə iclasında iddia tələbini müdafiə edərək bildirmişdir ki, xxxxxxxx (Azərbaycan) X4 ilə Cavabdeh arasında bağlanmış xx.xx.2019-cu il tarixli 139669-1-14309/2 saylı “Nağd pul krediti müqaviləsi”nə əsasən Cavabdeh istehlak məqsədilə illik 1 faiz hesablanması şərti ilə 60 ay müddətinə 9278.96 manat məbləğində kredit verilmişdir. Lakin borclu şəxs Cavabdeh öz üzərinə götürdüyü kredit öhdəlikləri xx.xx.2020-ci il tarixdən icra etməmiş və nəticəsində cavabdehin Banka əsas borc üzrə 9278.96 manat, faiz borcu üzrə 58.77 manat, cəmi 9337.73 manat məbləğində borcu qalmışdır. Bundan başqa xxxxxxxx (Azərbaycan) X4 ilə Cavabdeh arasında bağlanmış xx.xx.2014-cü il tarixli 139669-1-13269/1 saylı “Nağd pul krediti müqaviləsi”nə əsasən Cavabdeh istehlak məqsədilə illik 1 faiz hesablanması şərti ilə 60 ay müddətinə 1089.19 manat məbləğində kredit verilmişdir. Lakin borclu şəxs Cavabdeh öz üzərinə götürdüyü kredit öhdəlikləri xx.xx.2020-ci il tarixdən icra etməmiş və nəticəsində cavabdehin Banka əsas borc üzrə 1089.19 manat, faiz borcu üzrə 6.90 manat, cəmi 1096.09 manat məbləğində borcu qalmışdır. Tərəflər arasında bağlanmış kredit müqaviləsinin tələbinə əsasən bu müqavilə ilə üzərinə götürdüyü öhdəlikləri vaxtında və lazımınca icra etmək və onların pozulmasına yol verməmək “Kredit alan”ın vəzifəsidir. Qeyd olunanlara əsasən məhkəmədən iddianın təmin olunmasını məhkəmədən xahiş etmişdir. Cavabdeh məhkəmə iclasının vaxtı və yeri barədə lazımi qaydada xəbərdar edilməsinə baxmayaraq məhkəmə iclasına gəlməmiş, gəlməməsinin səbəbləri barədə məhkəməyə heç bir məlumat verməmişdir. Azərbaycan Respublikası Mülki Prosessual Məcəllənin 185.5-ci maddəsinə əsasən, məhkəmə iclasının vaxtı və yeri haqqında lazımi qaydada xəbərdar edilmiş cavabdehin gəlməməsinin səbəbləri haqqında məlumat olmadıqda və ya məhkəmə gəlməməyin səbəblərini üzrsüz hesab etdikdə, yaxud məhkəmə cavabdehin icraatı qəsdən yubandırdığını aşkar etdikdə, işə baxmağa haqlıdır. Bu halda qətnamə çəkişmə şəraitində qəbul edilmiş kimi qiymətləndirilərək cavabdehə apelyasiya qaydasında şikayət etmək hüququ verilir. Məhkəmə işə cavabdehin iştirakı olmadan baxılmasını mümkün hesab etmişdir. Məhkəmə iddiaçının nümayəndəsinin izahatını dinləyib, iş materiallarını araşdıraraq belə nəticəyə gəlir ki, iddia təmin edilməlidir. Belə ki, iş materiallarına əlavə edilmiş xx.xx.2019-cu il tarixli 139669-1-13269/1 saylı nağd pul krediti müqaviləsindən görünür ki, Cavabdeh kredit borcu Azərbaycan Respublikası Prezidentinin “Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında” Fərmanı ilə əlaqədar restrukturizasiya olunaraq borclunun banka qalan 1089.19 manat məbləğində borcu illik 1% faiz ödəmək şərtilə 60 ay müddətinə bölünmüşdür. İş materiallarına əlavə edilmiş xx.xx.2019-cu il tarixli 139669-CNS-14309/2 saylı nağd pul krediti müqaviləsindən görünür ki, Cavabdeh kredit borcu Azərbaycan Respublikası Prezidentinin “Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında” Fərmanı ilə əlaqədar restrukturizasiya olunaraq borclunun banka qalan 9278.96 manat məbləğində borcu illik 1% faiz ödəmək şərtilə 60 ay müddətinə bölünmüşdür. İş materiallarına əlavə edilmiş xx.xx.2014-cü il tarixli kassa məxaric orderindən görünür ki, Cavabdeh 9750 ABŞ dolları məbləğində pul vəsaitini «xxxxxxxx» (Azərbaycan) ASC-dən təhvil almışdır. İş materiallarına əlavə edilmiş xx.xx.2014-cü il tarixli arayışdan görünür ki, Cavabdeh xx.xx.2011-ci il tarixindən “X5 İnvestisiya Korporasiyası” ASC-nin işçisidir və Nəqliyyat Departamentində sürücü vəzifəsində çalışır. Aylıq əmək haqqı 598,00 manat (beş yüz doxsan səkkiz manat) təşkil edir. İş materiallarına əlavə edilmiş arayışdan görünür ki, Cavabdeh İddiaçı-yə 139669- CNS-14309/2 saylı, xx.xx.2019-cü il tarixli "Nağd pul krediti müqaviləsi" üzrə xx.xx.2020-ci il tarixinə əsas borc üzrə əsas borc üzrə 9278.96 manat, faiz borcu üzrə 58.77 manat, cəmi 9337.73 manat borcu vardır. İş materiallarına əlavə edilmiş arayışdan görünür ki, Cavabdeh İddiaçı-yə 139669-1- 13269/1 saylı, xx.xx.2019-cü il tarixli "Nağd pul krediti müqaviləsi" üzrə xx.xx.2020-ci il tarixinə əsas borc üzrə əsas borc üzrə 1089.19 manat, faiz borcu üzrə 6.90 manat, cəmi 1096.09 manat borcu vardır. Azərbaycan Respublikası MPM-nin 14.2-ci maddəsində qeyd edilir ki,məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə görə hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 78.1-ci maddəsinə görə sübutlar işdə iştirak edən şəxslər tərəfindən birinci instansiya məhkəməsinə təqdim edilir. Həmin Məcəllənin 88-ci maddəsinə görə məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Azərbaycan Respublikası Mülki Məcəlləsinin 739.1-ci maddəsinə əsasən, borc müqaviləsinə görə iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda olan eyni növlü əşyalar şəklində borc verənə qaytarmağı öhdəsinə götürür. Azərbaycan Respublikası Mülki Məcəlləsinin 739.2-ci maddəsinə əsasən, borc müqaviləsinin predmeti hər hansı pul məbləği olduqda, o, kredit müqaviləsi adlandırılır. Azərbaycan Respublikası Mülki Məcəlləsinin 385.1-ci maddəsinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin məcəllənin 442-ci maddəsində göstərilir ki, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və ya xidmətlərdə qusürlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi ) başa düşülür. Həmin məcəllənin 445.2.1-ci maddəsinə əsasən öhdəliyin onun icrası üçün müəyyənləşdirilmiş müddətdə icra edilməməsi borclunun icranı gecikdirməsi sayılır. Azərbaycan Respublikası Mülki Prosessual Məcəlləsinin 107-ci maddəsinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Həmin Məcəllənin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Məhkəmə tərəfindən müəyyən edilmişdir ki, iddiaçı “xxxxxxxx (Azərbaycan)” ASC ilə Cavabdeh arasında bağlanmış xx.xx.2019-cu il tarixli 139669-1-13269/1 saylı kredit müqaviləsinə əsasən Cavabdeh kredit borcu Azərbaycan Respublikası Prezidentinin “Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında” Fərmanı ilə əlaqədar restrukturizasiya olunaraq borclunun banka qalan 1089.19 manat məbləğində borcu illik 1% faiz ödəmək şərtilə 60 ay müddətinə bölünmüşdür. Eyni zamanda iddiaçı “xxxxxxxx (Azərbaycan)” ASC ilə Cavabdeh arasında bağlanmış xx.xx.2019-cu il tarixli 139669-CNS-14309/2 saylı kredit müqaviləsinə əsasən Cavabdeh kredit borcu Azərbaycan Respublikası Prezidentinin “Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında” Fərmanı ilə əlaqədar restrukturizasiya olunaraq borclunun banka qalan 9278.96 manat məbləğində borcu illik 1% faiz ödəmək şərtilə 60 ay müddətinə bölünmüşdür. Hazırda Cavabdeh İddiaçı-yə 139669-CNS-14309/2 saylı, xx.xx.2019-cü il tarixli "Nağd pul krediti müqaviləsi" üzrə xx.xx.2020-ci il tarixinə əsas borc üzrə 9278.96 manat, faiz borcu üzrə 58.77 manat, cəmi 9337.73 manat borcu, İddiaçı-yə 139669-1-13269/1 saylı, xx.xx.2019-cü il tarixli "Nağd pul krediti müqaviləsi" üzrə xx.xx.2020-ci il tarixinə əsas borc üzrə 1089.19 manat, faiz borcu üzrə 6.90 manat, cəmi 1096.09 manat borcu vardır. Qeyd olunanlara əsasən məhkəmə hesab edir ki, müqavilədə nəzərdə tutulan öhdəlik lazımınca yerinə yetirilmədiyindən iddia təmin edilməli, Cavabdeh139669-CNS- 14309/2 saylı, xx.xx.2019-cü il tarixli kredit müqaviləsinə əsasən əsas borc üzrə 9278.96 manat, faiz borcu üzrə 58.77 manat, cəmi 9337.73 manat, 139669-1-13269/1 saylı, xx.xx.2019-cü il tarixli kredit müqaviləsinə əsasən əsas borc üzrə 1089.19 manat, faiz borcu üzrə 6.90 manat, cəmi 1096.09 manat və 30 (otuz) manat dövlət rüsumu tutularaq iddiaçı “xxxxxxxx (Azərbaycan)” ASC-yə ödənilməlidir. Göstərilənləri nəzərə alaraq və Azərbaycan Respublikası MPM-nin 216-220, 360-cı maddələrini rəhbər tutaraq, məhkəmə QƏT ETDİ: İddia təmin edilsin. Cavabdeh 139669-CNS-14309/2 saylı, xx.xx.2019-cü il tarixli kredit müqaviləsinə əsasən əsas borc üzrə 9278.96 manat, faiz borcu üzrə 58.77 manat, cəmi 9337.73 (doqquz min üç yüz otuz yeddi manat, yetmiş üç qəpik) manat və 139669-1-13269/1 saylı, xx.xx.2019-cü il tarixli kredit müqaviləsinə əsasən əsas borc üzrə 1089.19 manat, faiz borcu üzrə 6.90 manat, cəmi 1096.09 manat (min doxsan altı manat, doqquz qəpik) manat və 30 (otuz) manat dövlət rüsumu tutularaq iddiaçı “xxxxxxxx (Azərbaycan)” ASCnə ödənilsin. Qətnamədən rəsmi qaydada verildiyi gündən 1 (bir) ay müddətində Bakı şəhəri Suraxanı Rayon Məhkəməsi vasitəsilə Bakı Apelyasiya Məhkəməsinə apelyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 ay keçdikdən sonra qanuni qüvvəyə minir. Sədrlik edən Leyla Talıbova