Bakı Şəhəri Suraxanı Rayon Məhkəməsi Qətnamə — İş №2(010)-4322/2021

Azərbaycan Respublikası adından QƏTNAMƏ Bakı şəhəri İş № 2(010)-4322/2021 23.08.2021 BAKI ŞƏHƏRİ SURAXANI RAYON MƏHKƏMƏSİ Bakı şəhər Suraxanı rayon məhkəməsinin hakimi Qasımov Anar Adil oğlu, iddiaçı "xxxx" Məhdud Məsuliyyətli Cəmiyyətinin Cavabdeh qarşı “borcun tutulması” tələbi barədə kiçik mübahisələr üzrə iddia ərizəsinə dair mülki işə sadələşdirilmiş icraat qaydasında baxaraq, məhkəmə M Ü Ə Y Y Ə N E T D İ : İddiaçı "xxxx" Məhdud Məsuliyyətli Cəmiyyəti Cavabdeh qarşı “borcun tutulması” tələbinə dair kiçik mübahisələr üzrə iddia ərizəsi ilə məhkəməyə müraciət edərək, 22 noyabr 2018-ci il tarixli müqaviləsinə əsasən, İMEİ kodu **********93866 Samsung J2 Core markalı telefon üçün 105 manat ödənilməmiş məbləğ və 10 manat cərimə, 06 yanvar 2019-cu il tarixli müqaviləyə əsasən, İMEİ kodu **********59521 Samsung J2 markalı telefon üçün 104 manat ödənilməmiş hissə, 10 manat cərimə, 07 iyun 2019-cu il tarixli müqaviləsinə əsasən, HOFFMANN VFAC markalı kondisioner üçün 742 manat ödənilməmiş məbləğ və 74 manat cərimə, 14 yanvar 2020-ci il tarixli müqaviləsinə əsasən, X1 Black, Earphones Panasonic RP markalı qulaqlıqlar üçün 88 manat ödənilməmiş məbləğ və 8 manat cərimə, 14 yanvar 2020-ci il tarixli müqaviləsinə əsasən, İMEİ kodu **********02625 Samsung Galaxy A10, İMEİ kodu **********54586 Samsung Galaxy A10 markalı 2 ədəd telefon üçün 357.4 manat ödənilməmiş məbləğ və 35.6 manat cərimə və 30 manat ödənilmiş dövlət rüsumu olmaqla, cəmi 1564 manat məbləğində borcun Cavabdeh alınaraq iddiaçı "xxxx" MMC-yə ödənilməsi barədə qətnamə çıxarılmasını xahiş etmişdir. İddiaçı ABC Telecom” Məhdud Məsuliyyətli Cəmiyyəti iddia tələbini onunla əsaslandırmışdır ki, Cavabdeh "xxxx" MMC ilə aralarında bağlanmış 22 noyabr 2018-ci il, 06 yanvar 2019-cu il, 07 iyun 2019-cu il, 14 yanvar 2020-ci il və 14 yanvar 2020-ci il tarixli müqavilələrə əsasən, İMEİ kodu **********93866 Samsung J2 Core markalı telefon, İMEİ kodu **********59521 Samsung J2 markalı telefon, HOFFMANN VFAC markalı kondisioner, X1 Black, Earphones Panasonic RP markalı qulaqlıqlar, Samsung Galaxy A10, İMEİ kodu **********54586 Samsung Galaxy A10 markalı 2 ədəd telefon almış və nəticədə 1534 manat borc yaranmışdır. Cavabdeh müqavilənin şərtlərini pozmuş və nəticədə 22 noyabr 2018-ci il tarixli müqaviləyə əsasən, alqı-satqı qiyməti 360 manat (24 ay x 15 manat+0 manat ilkin ödəniş) olan İMEİ kodu **********93866 Samsung J2 Core markalı telefon üçün ümumilikdə, 115 manat olmaqla ondan, 105 manat ödənilməmiş hissə və 10 manat cərimə, 06 yanvar 2019-cu il tarixli müqaviləyə əsasən, alqı-satqı qiyməti 380 manat (20 ay x 19 manat+ 0 manat ilkin ödəniş) olan İMEİ kodu **********59521 Samsung J2 markalı telefon üçün ümumilikdə, 114 manat olmaqla ondan, 104 manat ödənilməmiş hissə və 10 manat cərimə, 07 iyun 2019-cu il tarixli müqaviləyə əsasən, alqı-satqı qiyməti 1272 manat (24 ay x 53 manat+ 0 manat ilkin ödəniş) olan HOFFMANN VFAC markalı kondisioner üçün ümumilikdə, 816 manat olmaqla ondan, 742 manat ödənilməmiş hissə və 74 manat cərimə, 14 yanvar 2020-ci il tarixli müqaviləyə əsasən, alqı-satqı qiyməti 99 manat (18 ay x 5.5 manat+ 0 manat ilkin ödəniş) olan X1 Black, Earphones Panasonic RP markalı qulaqlıqlar üçün ümumilikdə, 96 manat olmaqla ondan, 88 manat ödənilməmiş hissə və 8 manat cərimə, 14 yanvar 2020-ci il tarixli müqaviləyə əsasən, alqı-satqı qiyməti 428.4 manat (12 ay x 35.7 manat+ 0 manat ilkin ödəniş) olan İMEİ kodu **********02625 Samsung Galaxy A10, İMEİ kodu **********54586 Samsung Galaxy A10 markalı 2 ədəd telefon üçün ümumilikdə, 393 manat olmaqla ondan, 357.4 manat ödənilməmiş hissə və 35.6 manat cərimə, miqdarında borcu yaranmışdır. Cavabdehin cəmi ödədiyi məbləği 1143 manat təşkil etmişdir. Azərbaycan Respublikası MPM-nin 284-1-ci maddəsinə əsasən mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Həmin Məcəllənin 284-5.1-ci maddəsinə əsasən ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. Həmin Məcəllənin 284-5.2-ci maddəsinə əsasən cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Həmin Məcəllənin 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən, işə mahiyyəti üzrə baxan hakim tərəfindən iddianın təmin və ya rədd edilməsi haqqında qətnamə qəbul edilir. Məhkəmə, iddiaçı "xxxx" Məhdud Məsuliyyətli Cəmiyyətinin Cavabdeh qarşı “borcun tutulması” tələbi barədə kiçik mübahisələr üzrə iddia ərizəsinə dair mülki işə sadələşdirilmiş icraat qaydasında baxılmasını mümkün hesab etmiş və buna görə də, Mülki-Prossesual Qanunvericiliyin tələblərinə uyğun olaraq “bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri məhkəməyə göndərmək” hüququnun izah olunması barədə bildiriş müvafiq qaydada cavabdehə göndərilmişdir. Məhkəmə kiçik mübahisələr üzrə iddia ərizəsini və işin faktiki hallarını araşdırıb, işdə olan sənədləri tədqiq etməklə sübutları qiymətləndirərək hesab edir ki, aşağıda göstərilənlərə əsasən iddia təmin edilməlidir. Belə ki, iş materiallarında olan 22 noyabr 2018-ci il tarixli Alqı-satqı müqaviləsindən görünür ki, "xxxx" MMC – “satıcı”, Cavabdeh – “alıcı” olmaqla bağlanmış həmin Müqaviləyə əsasən Cavabdeh dəyəri 360 manat olan İMEİ kodu **********93866 Samsung J2 Core markalı telefon hər ay 15 manat ödəmək şərti ilə 24 ay müddətinə nisyə satılmışdır. İş materiallarında olan 06 yanvar 2019-cu il tarixli Alqı-satqı müqaviləsindən görünür ki, "xxxx" MMC – “satıcı”, Cavabdeh – “alıcı” olmaqla bağlanmış həmin Müqaviləyə əsasən Cavabdeh dəyəri 380 manat olan İMEİ kodu **********59521 Samsung J2 markalı telefon hər ay 19 manat ödəmək şərti ilə 20 ay müddətinə nisyə satılmışdır. İş materiallarında olan 07 iyun 2019-cu il tarixli Alqı-satqı müqaviləsindən görünür ki, "xxxx" MMC – “satıcı”, Cavabdeh – “alıcı” olmaqla bağlanmış həmin Müqaviləyə əsasən Cavabdeh dəyəri 1272 manat olan HOFFMANN VFAC markalı kondisioner hər ay 53 manat ödəmək şərti ilə 24 ay müddətinə nisyə satılmışdır. İş materiallarında olan 14 yanvar 2020-ci il tarixli Alqı-satqı müqaviləsindən görünür ki, "xxxx" MMC – “satıcı”, Cavabdeh – “alıcı” olmaqla bağlanmış həmin Müqaviləyə əsasən Cavabdeh dəyəri 99 manat olan X1 Black, Earphones Panasonic RP markalı qulaqlıqlar hər ay 5.5 manat ödəmək şərti ilə 18 ay müddətinə nisyə satılmışdır. İş materiallarında olan 14 yanvar 2020-ci il tarixli Alqı-satqı müqaviləsindən görünür ki, "xxxx" MMC – “satıcı”, Cavabdeh – “alıcı” olmaqla bağlanmış həmin Müqaviləyə əsasən Cavabdeh dəyəri 428.4 manat olan İMEİ kodu **********02625 Samsung Galaxy A10, İMEİ kodu **********54586 Samsung Galaxy A10 markalı 2 ədəd telefon hər ay 35.7 manat ödəmək şərti ilə 12 ay müddətinə nisyə satılmışdır. İş materiallarında olan "xxxx" MMC-i tərəfindən tərtib edilmiş 18 iyun 2021-ci il tarixli maliyyə və ödəniş cədvəldən görünür ki, “alıcı” Cavabdeh 22 noyabr 2018-ci il tarixli Alqısatqı müqaviləsi üzrə 105 manat ödənilməmiş əsas məbləğ və 10 manat cərimə, 06 yanvar 2019-cu il tarixli Alqı-satqı müqaviləsi üzrə 104 manat ödənilməmiş əsas məbləğ və 10 manat cərimə, 07 iyun 2019-cu il tarixli Alqı-satqı müqaviləsi üzrə 742 manat ödənilməmiş əsas məbləğ və 74 manat cərimə, 14 yanvar 2020-ci il tarixli Alqı-satqı müqaviləsi üzrə 88 manat ödənilməmiş əsas məbləğ və 8 manat cərimə, 14 yanvar 2020ci il tarixli Alqı-satqı müqaviləsi üzrə 357.4 manat ödənilməmiş əsas məbləğ və 35.6 manat cərimə olmaqla – cəmi 1534 manat məbləğində borcu vardır. Azərbaycan Respublikası Mülki Məcəlləsinin 600.1-ci maddəsinə əsasən, alğı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.2-ci maddəsinə əsasən, əşyaların nisyə satışı satış günü qüvvədə olmuş qiymətlər üzrə həyata keçirilir. Həmin Məcəllənin 600.4-cü maddəsinə əsasən, əşyanı təhvil almış alıcı onu alğısatqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Həmin Məcəllənin 601.1-ci maddəsinə əsasən, əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alğı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Azərbaycan Respublikası Mülki Məcəlləsinin 385.1-ci maddəsinə əsasən, öhdəliyə əsasən, bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 427.3-cü maddəsinə əsasən, əgər öhdəlik onun icrası gününü və ya icra edilməli olduğu vaxt dövrünü nəzərdə tutursa və ya müəyyənləşdirilməyə imkan verirsə, öhdəlik həmin gün və ya bu cür dövr ərzində istənilən an icra edilməlidir. Həmin Məcəllənin 442-ci maddəsinə əsasən, öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 445.1-ci maddəsinə əsasən, icranı gecikdirmiş borclu gecikdirmə nəticəsində vurduğu zərər üçün və gecikdirmə zamanı təsadüfən baş vermiş icra mümkünsüzlüyünün nəticələri üçün kreditor qarşısında məsuliyyət daşıyır. Həmin Məcəllənin 448.1-ci maddəsində göstərilir ki, əgər Mülki Məcəllə və ya müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Həmin Məcəllənin 462.1-ci maddəsinə əsasən, dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Həmin Məcəllənin 465.2-ci maddəsinə əsasən, borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödənilməsini və öhdəliyin icrasını tələb edə bilər. Azərbaycan Respublikası Mülki-Prosessual Məcəlləsinin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 217.4-cü maddəsinə əsasən, məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Beləliklə də, məhkəmə iş üzrə tədqiq edilən sübutlara qiymət verərək hesab edir ki, iddia təmin edilməklə, Cavabdeh 22 noyabr 2018-ci il tarixli Alqı-satqı müqaviləsi üzrə 105 manat ödənilməmiş əsas məbləğ və 10 manat cərimə, 06 yanvar 2019-cu il tarixli Alqısatqı müqaviləsi üzrə 104 manat ödənilməmiş əsas məbləğ və 10 manat cərimə, 07 iyun 2019-cu il tarixli Alqı-satqı müqaviləsi üzrə 742 manat ödənilməmiş əsas məbləğ və 74 manat cərimə, 14 yanvar 2020-ci il tarixli Alqı-satqı müqaviləsi üzrə 88 manat ödənilməmiş əsas məbləğ və 8 manat cərimə, 14 yanvar 2020-ci il tarixli Alqı-satqı müqaviləsi üzrə 357.4 manat ödənilməmiş əsas məbləğ və 35.6 manat cərimə olmaqla, cəmi 1534 manat məbləğində borc "xxxx" MMC-nin xeyrinə tutulmalıdır. Azərbaycan Respublikası Mülki-Prosessual Məcəlləsinın 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Ona görə də, iddiaçının iddia ərizəsi ilə məhkəməyə müraciət etdiyi zaman ödəmiş olduğu 30 (otuz) manat məbləğində dövlət rüsumu cavabdehə aid edilməlidir. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 216-220, 284-cü maddələrini rəhbər tutaraq, məhkəmə Q Ə T E T D İ : İddia təmin edilsin. Cavabdeh 22 noyabr 2018-ci il tarixli müqavilə üzrə 105 (yüz beş) manat məbləğində əsas borc və 10 (on) manat məbləğində cərimə, 06 yanvar 2019-cu il tarixli müqavilə üzrə 104 (yüz dörd) manat məbləğində əsas borc, 10 (on) manat məbləğində cərimə, 07 iyun 2019-cu il tarixli müqavilə üzrə 742 (yeddi yüz qırx iki) manat məbləğində əsas borc və 74 (yetmiş dörd) manat məbləğində cərimə, 14 yanvar 2020-ci il tarixli müqavilə üzrə 88 (səksən səkkiz) manat məbləğində əsas borc və 8 (səkkiz) manat məbləğində cərimə, 14 yanvar 2020-ci il tarixli müqavilə üzrə 357.4 (üç yüz əlli yeddi manat 40 qəpik) manat məbləğində əsas borc və 35.6 (otuz beş manat 60 qəpik) manat məbləğində cərimə və 30 (otuz) manat məbləğində ödənilmiş dövlət rüsumu olmaqla, cəmi 1564 (min beş yüz altmış dörd) manat məbləğində pul vəsaiti iddiaçı "xxxx" Məhdud Məsuliyyətli Cəmiyyətinin xeyrinə tutulsun. Qətnamə şikayət verilməmişdirsə, qəbul edildiyi gündən 1 ay keçdikdən sonra qanuni qüvvəyə minir və qətnamədən rəsmi qaydada verildiyi gündən 1 ay müddətində Bakı şəhər Suraxanı rayon məhkəməsi vasitəsi ilə Bakı Apelyasiya Məhkəməsinə apelyasiya şikayəti verilə bilər. Sədrlik edən Anar Qasımov