Azərbaycan Respublikası adından QƏRARDAD Bakı şəhəri İş № 2(010)-4376/2023 09.10.2023 BAKI ŞƏHƏRİ SURAXANI RAYON MƏHKƏMƏSİ Hakim Miriyeva Səlimə Miri qızının sədrliyi, X1 iclas kаtibliyi, İddiaçı və Cavabdeh iştirakları ilə, İddiaçı Cavabdeh qarşı (üçüncü şəxs Bakı şəhəri 6 saylı notariat ofisinə) “müqavilənin ləğvi və pul” tələbinə dair mülki işə açıq məhkəmə iclasında bаxаrаq, məhkəmə M Ü Ə Y Y Ə N E T D İ: İddiaçı Cavabdeh qarşı “müqavilənin ləğvi və pul” tələbinə dair iddia ərizəsi ilə Bakı şəhəri Suraxanı Rayon Məhkəməsinə müraciət edərək, məhkəmədən xx.xx.2017-ci il tarixli alqı-satqı müqaviləsinin ləğv edilməsi və cavabdehə ödənilmiş 30000 manat məbləğində pul vəsaitinin cavabdehdən alınaraq ona ödənilməsi barədə qətnamə qəbul edilməsini xahiş etmişdir. Məhkəmə iclasında İddiaçı və Cavabdeh məhkəməyə barışıq sazişi təqdim edərək, sazişin təsdiq edilməsini, iş üzrə icraata xitam verilməsini xahiş etdi. Məhkəmə təqdim edilmiş barışıq sazişini iş materialları ilə əlaqəli şəkildə nəzərdən keçirərək hesab edir ki, barışıq sazişi təsdiq edilməli və iş üzrə icraata xitam verilməlidir. Belə ki, məhkəməyə təqdim edilmiş və tərəflərin (İddiaçı və Cavabdeh) imzaları ilə təsdiq edilmiş xx.xx.2023-cü il tarixli barışıq sazişindən görünür ki, tərəflər aşağıdakı şərtlərlə barışıq sazişi bağlamışlar: “1. Tərəflər - İddiaçı və Cavabdeh razılaşırlar ki, Bakı şəhəri 6 saylı notariat kontorunda İddiaçı vərəsəsi olduğu mərhum əri X2 ilə Cavabdeh arasında Bakı şəhəri, Xətai rayonu, Əhmədli qəsəbəsi, Q.Məmmədov küçəsi, 2944-cü məhəllə, “Avtoserviz və Ticarət” müəssisəsinin 7 nömrəli dayanacağına dair bağlanmış 19 iyul 2017-ci il tarixli, AN- İ N ******* saylı alqı-satqı müqaviləsi ləğv edilsin.
2. Tərəflər - İddiaçı və Cavabdeh razılaşırlar ki, 19 iyul 2017-ci il tarixli, AN-İ N ******* saylı alqı-satqı müqaviləsi əsasında Bakı şəhəri, Xətai rayonu, Əhmədli qəsəbəsi, Q.Məmmədov küçəsi, 2944-cü məhəllə, “Avtoserviz və Ticarət” müəssisəsinin 7 nömrəli dayanacağının alınması ilə bağlı İddiaçı ilə birgə nikah dövründə Zayəddin Abbasov tərəfindən Cavabdeh ödənilmiş 30000 manat pul vəsaiti mərhum Zayəddin Abbasovun vərəsəsi, İddiaçı Cavabdeh tərəfindən ödənilir.
3. Cavabdeh öhdəsinə götürür ki, alqı-satqı müqaviləsi əsasında ona ödənilmiş 30000 manat pul vəsaitinin ödənişini Barışıq sazişi təsdiq edildiyi gündən 2 (iki) ay müddətində icra edəcəkdir”. Məhkəmə hesab edir ki, tərəflər arasında yuxarıda qeyd edilmiş şərtlərlə bağlanmış barışıq sazişi təsdiq edilməlidir. Belə ki, məhkəmə tərəfindən iş üzrə tərəflərə barışıq sazişinin hüquqi nəticələri izah edilmişdir. Tərəflər sazişin istəklərinə uyğun olduğunu, onların iradələrini ifadə etdiyini və heç bir hüquqlarını pozmadığını qeyd etmişdir. Həmçinin müəyyən edilmişdir ki, tərəflər artıq öz aralarında mövcud mübahisəni barışıq sazişi bağlamaqla həll etdiklərindən işə məhkəmədə mahiyyəti üzrə baxılmasına ehtiyac yoxdur. Beləliklə, barışıq sazişi hər iki tərəfin arzusuna uyğun olub onların iradələrini ifadə edir və həmin saziş hər hansı fiziki və ya hüquqi şəxsin hüquqlarını pozmur. Mövcud iddia tələbi iş üzrə tərəflər olan şəxslərin hüquq və vəzifələri ilə əlaqədardır, habelə barışıq sazişinin nəticələri tərəflərə aydındır və onlar barışıq sazişinin nəticələri ilə razıdırlar. Azərbaycan Respublikasının Mülki Prosessal Məcəlləsi. Maddə 107. Məhkəmə xərclərinin tərkibi. Məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Maddə 114. Dövlət rüsumunun qaytarılması. 114.1. Ödənilmiş dövlət rüsumu aşağıdakı hallarda qaytarılır: 114.1.4. bu Məcəllə ilə nəzərdə tutulmuş əsaslarla iş üzrə icraata xitam verilərsə. Maddə 191. İddiaçının iddiadan imtina etməsi, cavabdehin iddianı etiraf etməsi və tərəflərin barışıq sazişi. 191.1. İddiaçının iddiadan imtina etməsi, iddia tələbinin dəyişdirilməsi, cavabdehin iddianı etiraf etməsi, mübahisənin mediasiya vasitəsilə həllinə dair tərəflərin razılığı və ya tərəflərin barışıq sazişi şərtləri məhkəmə iclasının protokoluna yazılır və protokolu müvafiq surətdə iddiaçı, cavabdeh və ya hər iki tərəf imzalayır. İddiadan imtina etmə, iddianın dəyişdirilməsi, cavabdehin iddianı etiraf etməsi, mübahisənin mediasiya vasitəsilə həllinə dair tərəflərin razılığı və ya tərəflərin barışıq sazişi, bu hərəkətlərin nəticəsi aydın surətdə şərh olunan, məhkəməyə göndərilən yazılı ərizələrdə də ifadə oluna bilər. 191.2. Hakim iddiaçının iddiadan imtina etməsini, cavabdehin iddianı etiraf etməsini və tərəflərin barışıq sazişini təsdiq edənə qədər onlara müvafiq prosessual hərəkətlərin nəticələrini izah edir. İddiaçı iddiadan imtina etdikdə və bu, məhkəmə tərəfindən təsdiq edildikdə və ya tərəflərin barışıq sazişini təsdiq etdikdə məhkəmə bu barədə qərardad çıxararaq, bu qərardadla eyni zamanda iş üzrə icraata xitam verir. Tərəflərin məhkəmə tərəfindən təsdiq edilən barışıq sazişinin şərtləri qərardadda göstərilməlidir. Maddə 261. İcraata xitam verilmə əsasları. 261.0. Hakim iş üzrə icraata aşağıdakı hallarda xitam verir: 261.0.5. tərəflər barışıq sazişi bağlamışlarsa və bu saziş məhkəmə tərəfindən təsdiq edilmişsə. Maddə 262. İcraata xitam verilmə qaydası və nəticələri. 262.1. İş üzrə icraata xitam verilməsi barədə məhkəmə qərardad çıxarır. 262.2. Məhkəmənin qərardadında işdə iştirak edən şəxslər arasında məhkəmə xərclərinin bölüşdürülməsi, büdcədən dövlət rüsumunun qaytarılması haqqında məsələlər həll edilə bilər. 262.4. İşin icraatına xitam verildikdə, eyni tərəflər arasında, eyni predmet haqqında və eyni əsaslar üzrə mübahisə barəsində məhkəməyə müraciət edilməsinə yol verilmir. 262.5. İş üzrə icraata xitam verilməsi haqqında məhkəmənin qərardadından şikayət verilə bilər. Beləliklə, yuxarıda qeyd edilənlərə əsasən məhkəmə hesab edir ki, tərəflər arasında bağlanmış barışıq sazişi məhkəmə tərəfindən təsdiq edilərək iş üzrə icraata xitam verilməlidir. Məhkəmə, həmçinin qeyd edir ki, barışıq sazişində məhkəmə xərclərinin ödənilməsi məsələsi həll edilməmişdir. Belə olan halda məhkəmə xərcləri ilə bağlı məsələ Azərbaycan Respublikasının Mülki Prosessal Məcəlləsinin 114.1.4-cü maddəsinə uyğun olaraq həll edilməli, iddia ərizəsi ilə məhkəməyə müraciət edilərkən iddiaçı tərəfindən ödənilmiş 189 manat məbləğində dövlət rüsumu dövlət büdcəsindən iddiaçıya qaytarılmalıdır. Şərh olunanlara əsasən və Azərbaycan Respublikasının Mülki Prosessual Məcəlləsinin 261-262-ci və 263-269-cü maddələrini rəhbər tutaraq, məhkəmə Q Ə R A R A A L D I:
İddiaçı Cavabdeh qarşı “müqavilənin ləğvi və pul” tələbinə dair iş üzrə İddiaçı və Cavabdeh arasında aşağıdakı şərtlərlə bağlanılmış 09 oktyabr 2023-cü il tarixli barışıq sazişi təsdiq edilsin:
1. Tərəflər - İddiaçı və Cavabdeh razılaşırlar ki, Bakı şəhəri 6 saylı notariat kontorunda İddiaçı vərəsəsi olduğu mərhum əri X2 ilə Cavabdeh arasında Bakı şəhəri, Xətai rayonu, Əhmədli qəsəbəsi, Q.Məmmədov küçəsi, 2944-cü məhəllə, “Avtoserviz və Ticarət” müəssisəsinin 7 nömrəli dayanacağına dair bağlanmış 19 iyul 2017-ci il tarixli, AN- İ N ******* saylı alqı-satqı müqaviləsi ləğv edilsin.
2. Tərəflər - İddiaçı və Cavabdeh razılaşırlar ki, 19 iyul 2017-ci il tarixli, AN-İ N ******* saylı alqı-satqı müqaviləsi əsasında Bakı şəhəri, Xətai rayonu, Əhmədli qəsəbəsi, Q.Məmmədov küçəsi, 2944-cü məhəllə, “Avtoserviz və Ticarət” müəssisəsinin 7 nömrəli dayanacağının alınması ilə bağlı İddiaçı ilə birgə nikah dövründə Zayəddin Abbasov tərəfindən Cavabdeh ödənilmiş 30000 manat pul vəsaiti mərhum Zayəddin Abbasovun vərəsəsi, İddiaçı Cavabdeh tərəfindən ödənilir.
3. Cavabdeh öhdəsinə götürür ki, alqı-satqı müqaviləsi əsasında ona ödənilmiş 30000 manat pul vəsaitinin ödənişini Barışıq sazişi təsdiq edildiyi gündən 2 (iki) ay müddətində icra edəcəkdir”. İddiaçı Cavabdeh qarşı “müqavilənin ləğvi və pul” tələbinə dair iş üzrə icraata xitam verilsin. Ödənilmiş 189 (yüz səksən doqquz) manat məbləğində dövlət rüsumu (tarixi: xx.xx.2023, qəbz nömrəsi: 28656) dövlət büdcəsindən İddiaçı qaytarılsın. Tərəflərə izah edilsin ki, işin icraatına xitam verildikdə, eyni tərəflər arasında, eyni predmet haqqında və eyni əsaslar üzrə mübahisə barəsində məhkəməyə müraciət edilməsinə yol verilmir. Qərardaddan rəsmi qaydada verildikdən sonra 10 (on) gün müddətində Bakı şəhəri Suraxanı Rayon Məhkəməsinə şikayət verilə bilər.
Sədrlik edən Səlimə Miriyeva