Bakı Şəhəri Suraxanı Rayon Məhkəməsi Qətnamə — İş №2(010)-4729/2021

Azərbaycan Respublikası adından QƏTNAMƏ Bakı şəhəri İş № 2(010)-4729/2021 06.09.2021 BAKI ŞƏHƏRİ SURAXANI RAYON MƏHKƏMƏSİ Bakı şəhəri Suraxanı Rayon Məhkəməsinin hakimi Miriyeva Səlimə Miri qızı İddiaçı "xxxx" Məhdud Məsuliyyətli Cəmiyyətinin Cavabdeh qarşı “borcun tutulması” tələbinə dair kiçik iddialar üzrə sadələşdirilmiş icraat qaydasında ərizəsi üzrə mülki işi materiallarını araşdıraraq, MÜƏYYƏN ETDİ: İddiaçı "xxxx" Məhdud Məsuliyyətli Cəmiyyəti (bundan sonra "xxxx" MMC) Cavabdeh qarşı “borcun tutulması” tələbinə dair kiçik iddialar üzrə sadələşdirilmiş icraat qaydasında ərizə ilə Bakı şəhəri Suraxanı Rayon Məhkəməsinə müraciət edərək məhkəmədən 08.08.2019-cu il tarixli müqaviləyə əsasən Hoffmann Led markalı televizor, İMEİ kodu **********42935 X2 7 markalı telefon, İMEİ kodu **********76998 Samsung Galaxy A80 markalı telefon üçün 1278 manat ödənilməmiş hissə, 127 manat cərimə; 20.09.2019-cu il tarixli müqaviləyə əsasən Hoffmann TS-50 Space markalı musiqi mərkəzi, Hoffmann TS- 90 Titan markalı musiqi mərkəzi üçün 156 manat ödənilməmiş hissə, 15 manat cərimə; 28.10.2019-cu il tarixli müqaviləyə əsasən, Hoffmann TS-50 Space markalı musiqi mərkəzi, X1 EO markalı qulaqlıq üçün 225 manat ödənilməmiş hissə, 22 manat cərimə, 14.11.2018-ci il tarixli müqaviləyə əsasən, İMEİ kodu **********55176 X2 5 markalı telefon, İMEİ kodu **********10700 X2 4 pro markalı telefon üçün 34 manat ödənilməmiş hissə, 3 manat cərimə olmaqla, ümumilikdə 1860 manat borc, 30 manat ödənilmiş dövlət rüsumunun Cavabdeh alınaraq "xxxx" MMC-yə ödənilməsi barədə qətnamə çıxarılmasını xahiş etmişdir. İddia tələbi onunla əsaslandırılmışdır ki, Cavabdeh ilə "xxxx" MMC arasında bağlanmış 08.08.2019-cu il tarixli, 20.09.2019-cu il tarixli, 28.10.2019-cu il tarixli və 14.11.2018-ci il tarixli müqavilələrə əsasən Hoffmann Led markalı televizor, İMEİ kodu **********42935 X2 7 markalı telefon, İMEİ kodu **********76998 Samsung Galaxy A80 markalı telefon, Hoffmann TS-50 Space markalı musiqi mərkəzi, Hoffmann TS-90 Titan markalı musiqi mərkəzi, Hoffmann TS-50 Space markalı musiqi mərkəzi, X1 EO markalı qulaqlıq, İMEİ kodu **********55176 X2 5 markalı telefon, İMEİ kodu **********10700 X2 4 pro markalı telefon almış və nəticədə 1860 manat borc yaranmışdır. Cavabdeh müqavilənin şərtlərini pozmuş və nəticədə 08.08.2019-cu il tarixli müqaviləyə əsasən, alğısatqı qiyməti 3636 manat, Hoffmann Led markalı televizor, İMEİ kodu **********42935 X2 7 markalı telefon, İMEİ kodu **********76998 Samsung Galaxy A80 markalı telefon üçün 1405 manat olmaqla, ondan 1278 manat ödənilməmiş hissə, müştəriyə güzəşt olunaraq 127 manat cərimə; 20.09.2019-cu il tarixli müqaviləyə əsasən, alğı-satqı qiyməti 576 manat, Hoffmann TS-50 Space markalı musiqi mərkəzi, Hoffmann TS-90 Titan markalı musiqi mərkəzi üçün 171 manat olmaqla, ondan 156 manat ödənilməmiş hissə, müştəriyə güzəşt olunaraq 15 manat cərimə, 28.10.2019-cu il tarixli müqaviləyə əsasən, alğı-satqı qiyməti 270 manat, Hoffmann TS-50 Space markalı musiqi mərkəzi, X1 EO markalı qulaqlıq üçün 247 manat olmaqla, ondan 225 manat ödənilməmiş hissə, müştəriyə güzəşt olunaraq 22 manat cərimə, 14.11.2018-ci il tarixli müqaviləyə əsasən, alğı-satqı qiyməti 972 manat, İMEİ kodu **********55176 X2 5 markalı telefon, İMEİ kodu **********10700 X2 4 pro markalı telefon üçün 37 manat olmaqla, ondan 34 manat ödənilməmiş hissə, müştəriyə güzəşt olunaraq 3 manat cərimə miqdarında borc yaranmışdır. Cavabdehin 08.08.2019-cu il tarixli müqavilə üzrə cəmi ödədiyi məbləğ 648 manat, məhsulun qaytarıldıqdan sonra qoyulan qiyməti 1710 manat, ümumilikdə 2358 manat təşkil edir. Cavabdehin 20.09.2019-cu il tarixli müqavilə üzrə cəmi ödədiyi məbləğ 60 manat, məhsulun qaytarıldıqdan sonra qoyulan qiyməti 360 manat, ümumilikdə 420 manat təşkil edir. Digər müqavilələr üzrə cəmi ödədiyi məbləğ isə 983 manat təşkil edir. Ödəniş cədvəlinin ikinci bəndinə əsasən ödənişlərdə gecikmələr aşkarlanıbsa müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödənilir. Azərbaycan Respublikası Mülki Prosessual Məcəlləsinin 284-1-ci maddəsinə əsasən, mülki işlər üzrə iddianın qiyməti iki manatdan, iqtisadi mübahisələrə dair işlər üzrə iddianın qiyməti on min manatdan az iddialar (kiçik iddialar) üzrə işlərə bu fəslə uyğun olaraq sadələşdirilmiş qaydasında baxılmasına yol verilir. Həmin Məcəllənin 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Məhkəmə qanunvericiliyinin tələbini əsas götürərək işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmasını mümkün hesab etmişdir. Məhkəmə iş materiallarını araşdıraraq hesab edir ki, aşağıdakılara əsasən iddia təmin edilməlidir. Belə ki, iş materiallarında olan: "xxxx" MMC ilə Cavabdeh arasında bağlanan 08.08.2019-cu il tarixli müqaviləyə əsasən, "xxxx" MMC müqavilədə göstərilən malı müştəriyə müqavilədə göstərilən şərtlərlə verir, müştəri isə malı müqavilədə göstərilən şərtlərlə qəbul edir. 08.08.2019-cu il tarixli ödəniş cədvəlindən görünür ki, ödəniləcək məbləğin 21.09.2019 – 21.02.2021-ci il tarixləri arasında hər ay 202 manat olmaqla ödənilməsi tərəflər arasında razılaşdırılmışdır. 08.08.2019-cu il tarixli bildiriş və həmin tarixli əşyaların təhvil-təslim aktından görünür ki, Cavabdeh müqavilənin şərtləri ilə tanış olmuş, ona müqavilənin şərtləri pozulduğu təqdirdə baş verəcəklər barədə məlumat verilmiş, həmçinin müqavilədə göstərilən əşyaları tam qüsursuz təhvil almış, bu barədə bildirişə və akta imza etmişdir. "xxxx" MMC ilə Cavabdeh arasında bağlanan 20.09.2019-cu il tarixli müqaviləyə əsasən, "xxxx" MMC müqavilədə göstərilən malı müştəriyə müqavilədə göstərilən şərtlərlə verir, müştəri isə malı müqavilədə göstərilən şərtlərlə qəbul edir. 20.09.2019-cu il tarixli ödəniş cədvəlindən görünür ki, ödəniləcək məbləğin 20.10.2019 – 20.03.2021-ci il tarixləri arasında hər ay 32 manat olmaqla ödənilməsi tərəflər arasında razılaşdırılmışdır. 20.09.2019-cu il tarixli bildiriş və həmin tarixli əşyaların təhvil-təslim aktından görünür ki, Cavabdeh müqavilənin şərtləri ilə tanış olmuş, ona müqavilənin şərtləri pozulduğu təqdirdə baş verəcəklər barədə məlumat verilmiş, həmçinin müqavilədə göstərilən əşyaları tam qüsursuz təhvil almış, bu barədə bildirişə və akta imza etmişdir. "xxxx" MMC ilə Cavabdeh arasında bağlanan 28.10.2019-cu il tarixli müqaviləyə əsasən, "xxxx" MMC müqavilədə göstərilən malı müştəriyə müqavilədə göstərilən şərtlərlə verir, müştəri isə malı müqavilədə göstərilən şərtlərlə qəbul edir. 28.10.2019-cu il tarixli ödəniş cədvəlindən görünür ki, ödəniləcək məbləğin 30.11.2019 – 30.04.2021-ci il tarixləri arasında hər ay 15 manat olmaqla ödənilməsi tərəflər arasında razılaşdırılmışdır. 28.10.2019-cu il tarixli bildiriş və həmin tarixli əşyaların təhvil-təslim aktından görünür ki, Cavabdeh müqavilənin şərtləri ilə tanış olmuş, ona müqavilənin şərtləri pozulduğu təqdirdə baş verəcəklər barədə məlumat verilmiş, həmçinin müqavilədə göstərilən əşyaları tam qüsursuz təhvil almış, bu barədə bildirişə və akta imza etmişdir. "xxxx" MMC ilə Cavabdeh arasında bağlanan 14.11.2018-ci il tarixli müqaviləyə əsasən, "xxxx" MMC müqavilədə göstərilən malı müştəriyə müqavilədə göstərilən şərtlərlə verir, müştəri isə malı müqavilədə göstərilən şərtlərlə qəbul edir. 14.11.2018-ci il tarixli ödəniş cədvəlindən görünür ki, ödəniləcək məbləğin 16.12.2018 – 16.05.2020-ci il tarixləri arasında hər ay 54 manat olmaqla ödənilməsi tərəflər arasında razılaşdırılmışdır. 14.11.2018-ci il tarixli bildiriş və həmin tarixli əşyaların təhvil-təslim aktından görünür ki, Cavabdeh müqavilənin şərtləri ilə tanış olmuş, ona müqavilənin şərtləri pozulduğu təqdirdə baş verəcəklər barədə məlumat verilmiş, həmçinin müqavilədə göstərilən əşyaları tam qüsursuz təhvil almış, bu barədə bildirişə və akta imza etmişdir. 27.07.2021-ci il tarixli maliyyə və ödəniş cədvəlindən görünür ki, Cavabdeh dörd müqavilə üzrə borcundan cəmi 3761 manat ödəmiş, 1693 manat əsas borca görə ödənilməmiş məbləğ, 167 manat cərimə olmaqla, cəmi 1860 manat məbləğində borcu qalmışdır. 08.08.2019-cu il tarixli müqavilə üzrə əsas borc 648+1710 (məhsul qaytarıldıqdan sonra qoyulan qiymət)=2358 manat, 20.09.2019-cu il tarixli müqavilə üzrə 60+360 (məhsul qaytarıldıqdan sonra qoyulan qiymət)=420 manat şəklində hesablanmışdır. 19.02.2021-ci il tarixli xəbərdarlıqdan görünür ki, Cavabdeh "xxxx" MMC-yə olan borcu və borcun ödənməyəcəyi təqdirdə məhkəməyə müraciət ediləcəyi barədə xəbərdar edilmişdir. Müvafiq xəbərdarlığın qəbul edilməsi barədə poçt xəbərnaməsi iş materiallarına əlavə edilmişdir. Azərbaycan Respublikasının Mülki Məcəlləsinin: 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və s. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. 386.1-ci maddəsinə əsasən, öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır. 390.1-ci maddəsinin məzmununa görə, fiziki və hüquqi şəxslər müqavilə əsasında öz hüquq və vəzifələrinin, həmçinin müqavilənin qanuna zidd olmayan istənilən şərtinin müəyyən edilməsində sərbəstdirlər. 405.1-ci maddəsinə əsasən, tərəflər müqavilənin bütün şərtləri barəsində tələb olunan formada razılığa gəldikdə müqavilə bağlanmış sayılır. 567-ci maddəsinə əsasən, alğı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. 601.1-ci maddəsinə əsasən, əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alğı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. 601.2-ci maddəsinə əsasən, hissə-hissə ödəmə şərti ilə malın nisyə satılması haqqında müqaviləyə bu Məcəllənin 600.2-600.5-ci maddələrində nəzərdə tutulan qaydalar tətbiq edilir. 600.4-cü maddəsinə əsasən, əşyanı təhvil almış alıcı onu alğı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Məhkəmə hesab edir ki, mülki qanunvericiliyin yuxarıda şərh olunmuş normaları baxımından cavabdehin hərəkətləri öhdəliyin lazımınca icra edilməməsi kimi qiymətləndirilməlidir. Belə ki, iddiaçı ilə aralarında bağlanmış alğı-satqı müqaviləsinə dair üzərinə düşən öhdəlikləri yerinə yetirmədiyi üçün cavabdeh iddiaçı qarşısında məsuliyyət daşıyır və qeyd edilən maddi hüquq normalarına əsasən iddiaçının cavabdehə qarşı həmin müqavilə üzrə borcun tutulması tələbi əsaslıdır. Belə ki, iddiaçı bağlanmış alğı-satqı müqavilələrinə dair üzərinə düşən öhdəliyi yerinə yetirərək müqavilədə göstərilən malları borcluya vermişdir. Borclu isə alğı-satqı müqavilələri üzrə üzərinə götürdüyü öhdəliyə uyğun olaraq ödəniş etməli olduğu halda bunu etməmişdir. Odur ki, cavabdehdən dörd alğı-satqı müqaviləsi üzrə ödənilməmiş cəmi 1230 manat məbləğində pul tutularaq iddiaçıya verilməlidir. Bu hissədə məhkəmə qeyd etməyi zəruri hesab edir ki, Cavabdeh 08.08.2019-cu il tarixli müqavilə üzrə aldığı üç maldan birini, 20.09.2019-cu il tarixli müqavilə üzrə aldığı iki maldan birini qaytarmış, bu mallar qaytarıldıqdan sonra qiymətləndirilərək həmin məbləğ müvafiq müqavilələrin hər biri üzrə ümumi borcdan çıxılmışdır. Nəzərə alınmalıdır ki, malın qaytarılması cavabdehi mala görə ödəniş etməkdən azad etmir. Belə ki, cavabdeh bu malları almış və bir ay istifadə etdikdən sonra geri qaytarmış, beləliklə, malların ilkin satış qiymətini aşağı salmışdır. Malı qaytarıldıqdan sonra qəbul edən iddiaçı da malı qiymətləndirib borcdan çıxmışdır. Qalan məbləği – yəni malın satış qiymətinin itirilmiş hissəsini cavabdeh ödəməyə borcludur. Tərəflər arasında bağlanmış müqavilənin 3.10-cu maddəsində də bu nəzərdə tutulmuşdur. Həmin maddəyə əsasən Müştəri "xxxx" MMC-nin razılığı ilə müvafiq çatdırılma, quraşdırılma, daşınma, sökülmə xərclərini qarşıladığı halda Malı geri qaytara bilər. Bu zaman Mal "xxxx" MMC-nin özü və ya onun müəyyənləşdirdiyi subyekt tərəfindən birtərəfli qaydada qiymətləndirilir və qiymətləndirmə nəticəsində müəyyən edilmiş məbləğ Müştərinin ümumi borcundan çıxılır. Göründüyü kimi, Cavabdeh iddiaçı "xxxx" MMC-dən aldığı (sonradan qaytardıqları da daxil olmaqla) malların dəyərini (qaytarıldıqdan sonra qalıq dəyərini) lazımınca ödəmədiyindən iddiaçı qarşısında öhdəliklərini icra etməmiş hesab edilməlidir. Azərbaycan Respublikası Mülki Məcəlləsinin 442 və 448.1-ci maddələrinə əsasən, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlara və ya öhdəliyin məzmunu ilə müəyyənləşdirilmiş diqər şərtləri pozmaqla icra edilməsi) başa düşülür; əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Həmin Məcəllənin 443.1-ci maddəsinə əsasən öhdəliyini icra etməyən borclu kreditora dəymiş zərərin əvəzini ödəməyə borcludur. Eyni zamanda işdən görünür ki, iddiaçı cavabdehdən öhdəliyin vaxtında və lazımınca icra edilməməsinə görə cərimə (dəbbə) tutulmasını xahiş etmişdir. Dəbbə puluna görə cavabdehin məsuliyyətli olub-olmaması məsələsi ilə bağlı qeyd olunmalıdır ki, Mülki Məcəllənin 462.1-ci maddəsinə müvafiq olaraq, dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Maddənin məzmunundan göründüyü kimi, dəbbə pulu öhdəliyin icrasının təmini üsulu olmaqla yanaşı, həm də borclunun öz öhdəliyini icra etməməsi və ya lazımınca icra etməməsinə görə tərəflərin müəyyən etdiyi məsuliyyət növüdür. Lakin nəzərə alınmalıdır ki, məsuliyyətin bir növü olaraq dəbbə pulunun ödənilməsini kreditor yalnız borclunun təqsiri olduğu təqdirdə tələb edə bilər. Mülki Məcəllənin 462.2-ci maddəsinə əsasən, əgər borclu öhdəliyin icra edilməməsi və ya lazımınca icra edilməməsi üçün məsuliyyət daşımırsa, kreditor dəbbə pulunun ödənilməsini tələb edə bilməz. Beləliklə, öhdəliyin icra edilməməsi və ya lazımınca icra edilməməsində borclunun təqsiri olduğu halda kreditor dəbbə pulunun ödənilməsi ilə bağlı tələbi bu hərəkətləri törətmiş şəxsə qarşı irəli sürə bilər. İşdən göründüyü kimi, iddiаçı cаvаbdehdən dörd alğı satqı müqaviləsi üzrə cəmi 167 manat cərimə ödənilməsini tələb edir. Məhkəmə hesab edir ki, həmin məbləğ hazırki vəziyyətdə işin hаllаrınа uyğundur və bu səbəbdən iddia cərimə ilə bağlı hissədə əsaslıdır. Məhkəmə bu cür nəticəyə gələrkən onu da nəzərə alır ki, alınmış məhsulun geri qaytarılması cavabdehi yalnız məhsulun qaytarılan vaxta olan satış qiymətini ödəməkdən azad etdiyindən və cavabdeh qalıq borcu ödəməyə borclu olduğundan bu öhdəliyin lazımınca icra edilməməsinə görə bütün məsuliyyəti cavabdeh daşıyır, yəni, borc vaxtında ödənilmirsə, buna görə təqsirli olan cavabdehdir. Odur ki, geri qaytarılmış mallara görə də cavabdehdən cərimə tutulmalıdır. Azərbaycan Respublikasının Mülki Prosessual Məcəlləsinin: 284-2-ci maddəsinə əsasən kiçik iddialara dair işlərdə ərizə bu Məcəllənin 4-cü fəslində müəyyən edilmiş ümumi aidiyyət qaydalarına əsasən verilir. 284-5.1-ci maddəsinə əsasən ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. 284-5.2-ci maddəsinə əsasən cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. 284-6.1-ci maddəsinin tələbinə görə işə mahiyyəti üzrə baxan hakim tərəfindən iddianın təmin və ya rədd edilməsi haqqında qətnamə qəbul edilir. 284-6.2-ci maddəsinə əsasən məhkəmə qətnaməsindən bu Məcəllə ilə nəzərdə tutulmuş qaydada apellyasiya şikayəti verilə bilər. 284-6.3-cü maddəsinin tələbinə görə kiçik iddialara dair işlər üzrə sadələşdirilmiş icraat qaydasında baxılmış işlər üzrə çıxarılmış məhkəmə qətnaməsindən şikayət verilməmişdirsə, qətnamə qəbul edildiyi gündən 1 (bir) ay keçdikdən sonra qanuni qüvvəyə minir. Göstərilənlərə əsasən məhkəmə hesab edir ki, tərəflərin mübahisəli hüquq münasibətləri üzrə iddia tələbi qanuni və əsaslı olduğundan iddia təmin edilməli, dörd alğısatqı müqaviləsi üzrə cəmi 1693 manat məbləğində əsas borc və 167 manat cərimə olmaqla, cəmi 1860 manat məbləğində pul Cavabdeh iddiaçı "xxxx" MMC-nin xeyrinə tutulmalıdır. Bundan başqa, Azərbaycan Respublikası Mülki Prosessual Məcəlləsinin 107-ci maddəsinə əsasən məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Azərbaycan Respublikasının MPM-in 119.1-ci maddəsinin tələblərinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. "Dövlət Rüsumu" haqqında Azərbaycan Respublikası Qanunun 8.1.2-ci maddəsinə əsasən məhkəməyə verilən iddialar üzrə iddia qiyməti 500 manatdan çox olduqda 30 manat dövlət rüsumu ödənilməlidir. İş materiallarında olan qəbzdən görünür ki, iddiaçı qanunla nəzərdə tutulmuş dövlət rüsumunu düzgün ödəmişdir. Belə olan halda məhkəmə hesab edir ki, iddia təmin edildiyindən iddiaçı tərəfindən ödənilmiş 30 manat dövlət rüsumu da cavabdehdən tutularaq iddiaçının xeyrinə verilməlidir. Beləliklə, yuxarıda qeyd edilənlərə əsasən, məhkəmə hesab edir ki, iddia təmin edilməli, dörd alğı-satqı müqaviləsi üzrə cəmi 1693 manat məbləğində əsas borc və 167 manat cərimə olmaqla, cəmi 1860 manat məbləğində pul Cavabdeh iddiaçı "xxxx" MMCnin xeyrinə tutulmalıdır. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 216-220 və 222-ci, 284-1-284-6, 357 və 360-cı maddələrini rəhbər tutaraq, məhkəmə QƏT ETDİ: İddia təmin edilsin. Cavabdeh 1693 manat əsas borc, 167 manat cərimə olmaqla, cəmi 1860 (min səkkiz yüz almış) manat və ödənilmiş 30 (otuz) manat dövlət rüsumu iddiaçı "xxxx" Məhdud Məsuliyyətli Cəmiyyətinin xeyrinə tutulsun. Qətnamədən rəsmi qaydada verildiyi gündən bir ay müddətində Bakı şəhəri Suraxanı Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Hakim Səlimə Miriyeva