Bakı Şəhəri Suraxanı Rayon Məhkəməsi Qətnamə — İş №2(010)-6572/2021

Azərbaycan Respublikası adından QƏTNAMƏ Bakı şəhəri İş № 2(010)-6572/2021 29.12.2021 BAKI ŞƏHƏRİ SURAXANI RAYON MƏHKƏMƏSİ Bakı şəhəri Suraxanı rayon məhkəməsinin hakimi Qafarova Rübabə Nurulla qızının sədrliyi, Rəhimov Bəhlul Qılman oğlunun katibliyi ilə, İddiaçı "xxxx" Açıq Səhmdar Cəmiyyətinin Cavabdeh qarşı kiçik iddialara dair işlər üzrə sadələşdirilmiş icraat qaydasında “borc” tələbinə dair iddia ərizəsi üzrə mülki işə məhkəmə iclasında baxaraq, məhkəmə MÜƏYYƏN ETDİ: İddia tələbi Cavabdeh 29.05.2019-ci il tarixli, 100821-185734/11 nömrəli kredit müqaviləsi üzrə 1549.38 manat məbləğində əsas borc və 20.97 manat faiz borcu olmaqla, cəmi 1570.35 manat borcun, 29.05.2019-cu il tarixli 100821-185734/10 nömrəli kredit müqaviləsi üzrə 571.81 manat məbləğində əsas borc və 4.52 manat faiz borcu olmaqla, cəmi 576.33 manat borcun, hər iki müqavilə üzrə ümumilikdə 2146.68 manat borcun və 41.87 manat məbləğində dövlət rüsumunun tutularaq İddiaçı ASC-yə ödənilməsi. Hazırki iddia ərizəsinə kiçik iddialara dair işlər üzrə sadələşdirilmiş icraat qaydasında baxılması ilə bağlı məhkəmə aşağıdakıları qeyd etməyi zəruri hesab edir. Azərbaycan Respublikası Mülki Prosessual Məcəlləsi: 284-1 Mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. 284-5.1 Ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. 284-5.2 Cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. 284-5.3. Ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. 284-6.1. İşə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Məhkəmə qeyd edir ki, mülki-prosessual qanunvericiliyin tələblərinə uyğun olaraq cavabdehə poçt vasitəsi ilə “bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri məhkəməyə göndərmək” hüququ, eləcə də digər prosessual hüquq və vəzifələrin izahı haqqında bildiriş və iddia ərizəsinin surəti göndərilmiş, lakin bugünə kimi cavabdehin iddia ərizəsinə etirazı məhkəməyə daxil olmamışdır. Qeyd edilənləri, eləcə də iddiaçının təqdim etdiyi sənədlərin iş üzrə yekun qərarın çıxarılması üçün kifayət etdiyini nəzərə alaraq, məhkəmə iddiaçı "xxxx" Açıq Səhmdar Cəmiyyətinin Cavabdeh qarşı kiçik iddialara dair işlər üzrə sadələşdirilmiş icraat qaydasında “borc” tələbi üzrə ərizəsinə dair mülki işə sadələşdirilmiş icraat qaydasında baxılmasını mümkün hesab edir. İddia tələbinin dəlilləri İddiaçı ASC ilə borcalan Cavabdeh arasında bağlanmış 29.05.2019-cu il tarixli, 100821-185734/11 nömrəli güzəştli kredit müqaviləsinə əsasən borcluya 60 ay müddətinə, illik 1% dərəcəsi ilə 1577.38 (Bir min beş yüz yetmiş yeddi manat otuz səkkiz qəpik) manat məbləğində kredit verilmişdir. Eyni zamanda, İddiaçı ASC ilə borcalan Cavabdeh arasında bağlanmış 29.05.2019-cu il tarixli 100821-185734/10 nömrəli Kredit müqaviləsinə əsasən 1 faiz dərəcəsilə, 60 ay müddətinə 706.56 (Yeddi yüz altı manat əlli altı qəpik) manat məbləğində kredit verilmişdir. Borcalan əsas öhdəlikləri lazımınca icra etməmiş və kreditin təsdiq olunmuş hissə- hissə ödəmə qrafikini pozmuşdur. Cavabdehə dəfələrlə şifahi və yazılı xəbərdarlıq olunsa da, o Banka olan borcunu ödəməmişdir. 15.11.2021-ci il tarixinə cavabdehin 29.05.2019-cu il tarixli, 100821-185734/11 nömrəli kredit müqaviləsi üzrə 1549.38 manat məbləğində əsas borcu və 20.97 manat faiz borcu olmaqla, cəmi 1570.35 manat məbləğində, 29.05.2019-cu il tarixli 100821- 185734/10 nömrəli kredit müqaviləsi üzrə 571.81 manat məbləğində əsas borcu və 4.52 manat faiz borcu olmaqla, cəmi 576.33 manat məbləğində kredit borcları yaranmışdır. Güzəştli kredit müqavilələrinin şərtlərinə əsasən Borcalan müqavilə ilə müəyyən olunmuş şərtlərlə və qaydada kreditin qaytarılmasını, kredit və dəbbə pulu üzrə hesablanmış faizlərin, habelə Bankın xidmət tarifləri və şərtlərindən irəli gələn xidmət haqlarının Banka ödənilməsini öhdəsinə götürür. Eyni zamanda həmin müqaviləyə əsasən ödəniş cədvəlində müəyyən edilən hissə-hissə ödəniş (icra) müddətlərində, habelə kredit müddətində öhdəliklər vaxtında tamamən icra edilmədikdə gecikdirilmiş kredit yaranır. Belə ki, Borcalan krediti vaxtında ödəməmiş və nəticədə gecikdirilmiş kredit yaranmışdır. İş materiallarına əlavə edilmiş: 29.05.2019-ci il tarixli, 100821-185734/11 nömrəli kredit müqaviləsindən görünür ki, həmin müqaviləyə əsasən "xxxx" Açıq Səhmdar Cəmiyyətinə 60 ay müddətinə, illik 1% dərəcəsi ilə 1577,38 manat məbləğində borcunun qaytarılmasını Cavabdeh öz üzərinə götürmüşdür. 29.05.2019-cu il tarixli 100821-185734/10 nömrəli kredit müqaviləsindən görünür ki, həmin müqaviləyə əsasən "xxxx" Açıq Səhmdar Cəmiyyətinə 60 ay müddətinə, illik 1% dərəcəsi ilə 706,56 manat məbləğində borcunun qaytarılmasını Cavabdeh öz üzərinə götürmüşdür. "xxxx" Açıq Səhmdar Cəmiyyəti tərəfindən tərtib edilmiş 15.11.2021-ci il tarixli maliyyə arayışından görünür ki, borclu Cavabdeh 15 noyabr 2021-ci il tarixə Banka 1549.38 manat əsas borc və 20.97 manat faiz borcu olmaqla, cəmi 1570.35 (bir min beş yüz yetmiş manat otuz beş qəpik) manat borcu mövcuddur və kredit müqaviləsi üzrə gecikmə 504 gün təşkil edir. "xxxx" Açıq Səhmdar Cəmiyyəti tərəfindən tərtib edilmiş 15.11.2021-ci il tarixli maliyyə arayışından görünür ki, borclu Cavabdeh 15 noyabr 2021-ci il tarixə Banka 571.81 manat əsas borc və 4.52 manat faiz borcu olmaqla, cəmi 576.33 (Beş yüz yetmiş altı manat otuz üç qəpik) manat borcu mövcuddur və kredit müqaviləsi üzrə gecikmə 291 gün təşkil edir. Tətbiq olunan hüquq Azərbaycan Respublikası Mülki Məcəlləsi: 739 Borc müqaviləsinə görə iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda eyni növlü əşyalar şəklində borc verənə qaytarmağı öhdəsinə götürür. Borc müqaviləsinin predmeti hər hansı pul məbləği olduqda, o, kredit müqaviləsi adlandırılır. 442 Öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. 443.1 Öhdəliyini icra etməyən borclu kreditora dəymiş zərərin əvəzini ödəməyə borcludur. Borclunun üzərinə öhdəliyi pozmağa görə məsuliyyət qoyulmadıqda bu qayda qüvvədə olmur. 448.2 Borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır. Borclunu təqsirə görə, yəni qərəzə və ya kobud ehtiyatsızlığa görə məsuliyyətdən qabaqcadan azad etmək olmaz. Məhkəmənin mövqeyi Məhkəmə müəyyən edir ki, iddiaçı ilə cavabdeh arasında 29.05.2019-ci il tarixli, 100821-185734/11 nömrəli kredit müqaviləsi bağlanılmış və həmin müqavilə ilə cavabdeh 60 ay müddətinə, illik 1% dərəcəsi ilə 1577,38 (bir min beş yüz yetmiş yeddi manat otuz səkkiz qəpik) manat məbləğində kredit borcunun qaytarılmasını öz üzərinə götürmüşdür. İddiaçı ilə cavabdeh arasında 29.05.2019-cu il tarixli 100821-185734/10 nömrəli kredit müqaviləsi bağlanılmış və həmin müqavilə ilə cavabdeh 60 ay müddətinə, illik 1% dərəcəsi ilə 706,56 (yeddi yüz altı manat əlli altı qəpik) manat məbləğində kredit borcunun qaytarılmasını öz üzərinə götürmüşdür. Məhkəmə müəyyən edir ki, iddiaçı öz üzərinə düşən öhdəliyi vaxtında və qaydasında həyata keçirmiş, yəni kredit məbləğini cavabdehin istifadəsinə vermiş, lakin cavabdeh üzərinə düşən öhdəliyi vaxtında və lazımi qaydada həyata keçirməmişdir. Tərəflər arasında münasibətləri məhkəmədən kənar qaydada həll etmək məqsədi ilə cavabdehə dəfələrlə xəbərdarlıq edilmiş, lakin bundan sonra da cavabdeh müqavilə şərtlərini lazımınca icra etməmiş və iddiaçıya ödənilməli olan vəsaiti müqavilə ilə müəyyən edilmiş müddət ərzində qaytarmamaqla müqavilə öhdəliklərini yerinə yetirməmişdir. Məhkəmə müəyyən edir ki, cavabdehin 29.05.2019-ci il tarixli, 100821-185734/11 nömrəli kredit müqaviləsi üzrə 1549.38 (bir min beş yüz qırx doqquz manat otuz səkkiz qəpik) manat məbləğində əsas borc və 20.97 (iyirmi manat doxsan yeddi qəpik) manat faiz borcu və 29.05.2019-cu il tarixli 100821-185734/10 nömrəli kredit müqaviləsi üzrə 571.81 (beş yüz yetmiş bir manat səksən bir qəpik) manat məbləğində əsas borc və 4.52 (dörd manat əlli iki qəpik) manat faiz borcu olmaqla, hər iki müqavilə üzrə ümumilikdə 2146.68 (iki min bir yüz qırx altı manat altmış səkkiz qəpik) manat məbləğində borcu vardır. Beləliklə, məhkəmə belə nəticəyə gəlir ki, iddia tələbi təmin edilməli, Cavabdeh iddiaçı "xxxx" Açıq Səhmdar Cəmiyyətinin xeyrinə 29.05.2019-ci il tarixli, 100821- 185734/11 nömrəli kredit müqaviləsi üzrə əsas borca görə 1549.38 (bir min beş yüz qırx doqquz manat otuz səkkiz qəpik) manat məbləğində və faiz borcuna görə 20.97 (iyirmi manat doxsan yeddi qəpik) manat və 29.05.2019-cu il tarixli 100821-185734/10 nömrəli kredit müqaviləsi üzrə əsas borca görə 571.81 (beş yüz yetmiş bir manat səksən bir qəpik) manat və faiz borcuna görə 4.52 (dörd manat əlli iki qəpik) manat olmaqla, hər iki müqavilə üzrə ümumilikdə 2146.68 (iki min bir yüz qırx altı manat altmış səkkiz qəpik) manat məbləğində pul vəsaiti tutulmalıdır. Məhkəmə xərcləri “Dövlət rüsumu haqqında” Azərbaycan Respublikası Qanunu: 8.1.2. iddia qiyməti 1.000 manatdan 10.000 manatadək olduqda 30 manat + 1.000 manatdan yuxarı olan iddia qiymətinin 1 faizi dövlət rüsumu ödənilməlidir. Azərbaycan Respublikasının Mülki Prosessual Məcəlləsi: 119.1 Məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Qanunvericiliyin yuxarıda sözügedən normalarını rəhbər tutaraq məhkəmə hesab edir ki, dövlət rüsumuna görə 41,87 (qırx bir manat səksən yeddi qəpik) manat məbləğində pul vəsaiti də cavabdehdən alınaraq iddiaçının xeyrinə ödənilməlidir. Məhkəmə Azərbaycan Respublikası Mülki-Prosessual Məcəlləsinın 14.2 və 77.1-ci maddələrini nəzərə almışdır ki, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Hər bir tərəf öz tələblərinin və etirazlarının əsası kimi istinad etdiyi halları sübut etməlidir. Göstərilənlərə əsasən və AR MPM-in 216-220, 233 və 360-cı maddələrini rəhbər tutaraq məhkəmə QƏT ETDİ: İddia təmin edilsin. Cavabdeh 29.05.2019-ci il tarixli, 100821-185734/11 nömrəli kredit müqaviləsi üzrə əsas borca görə 1549.38 (bir min beş yüz qırx doqquz manat otuz səkkiz qəpik) manat məbləğində və faiz borcuna görə 20.97 (iyirmi manat doxsan yeddi qəpik) manat və 29.05.2019-cu il tarixli 100821-185734/10 nömrəli kredit müqaviləsi üzrə əsas borca görə 571.81 (beş yüz yetmiş bir manat səksən bir qəpik) manat və faiz borcuna görə 4.52 (dörd manat əlli iki qəpik) manat, hər iki müqavilə üzrə ümumilikdə 2146.68 (iki min bir yüz qırx altı manat altmış səkkiz qəpik) manat və ödənilmiş dövlət rüsumuna görə 41,87 (qırx bir manat səksən yeddi qəpik) manat məbləğində pul vəsaiti alınaraq iddiaçı "xxxx" Açıq Səhmdar Cəmiyyətinin xeyrinə ödənilsin. Qətnamədən məhkəmə qətnaməsi rəsmi qaydada verildiyi gündən 1 (bir) ay müddətində Bakı şəhəri Suraxanı Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Hakim Rübabə Qafarova