Bakı Şəhəri Suraxanı Rayon Məhkəməsi Qərardad — İş №2(010)-94/2021

Azərbaycan Respublikası adından QƏRARDAD Bakı şəhəri İş № 2(010)-94/2021 11.08.2021 BAKI ŞƏHƏRİ SURAXANI RAYON MƏHKƏMƏSİ Hakim Talıbova Leyla Oruc qızının sədrliyi, Mahmudov Ruslan Elxan oğlunun katibliyi ilə İddiaçı Cavabdeh MMC-yə qarşı “sahiblik və istifadə hüquqlarının tanınması və mənzilin təhvil verilməsi” tələbinə dair iddiası üzrə mülki işə açıq məhkəmə iclasında baxaraq, MÜƏYYƏN ETDİ: İddiaçı iddia ərizəsi ilə məhkəməyə müraciət edərək onun (iddiaçının) Cavabdeh MMC ilə arasında bağlanmış 27.11.2012-ci il tarixli 80 saylı müqavilə və 27.11.2012-ci il tarixli maliyyə arayışı əsasında ona məxsus olan Bakı şəhəri, Gəncə prospekti 29/35 “A” ünvanında 12 mərtəbəli yaşayış binasının 2-ci blok, 5-ci mərtəbəsində ümumi sahəsi 75.46 kv.m olan, izolə olunmuş 2 otaqdan ibarət tam təmirli 118 saylı mənzilinə istifadə və sahiblik hüquqlarının tanınması və həmin mənzilin ona təhvil verilməsi öhdəliyinin Cavabdeh MMC-nin üzərinə qoyulması barədə qətnamə çıxarılmasını xahiş etmişdir. Mülki iş üzrə məhkəmə iclaslarının yeri və vaxtı barədə tərəflərə lazımi qaydada məlumat verilməsinə baxmayaraq, iddiaçı və cavabdehin nümayəndəsi məhkəmə iclasına gəlməmişlər və işə tərəflərin iştirakı olmadan baxılması barədə xahişlə məhkəməyə müraciət etməmişlər. Azərbaycan Respublikası MPM-nin 259.0.6.-ci maddəsinə əsasən işə onların iştirakı olmadan baxılmağı xahiş etməmiş tərəflər məhkəməyə gəlmədikdə məhkəmə ərizəni baxılmamış saxlayır. Qeyd olunanlara əsasən məhkəmə hesab edir ki, İddiaçı Cavabdeh MMC-yə qarşı “sahiblik və istifadə hüquqlarının tanınması və mənzilin təhvil verilməsi” tələbinə dair mülki iş tərəflər məhkəmə iclasına gəlmədiklərinə və işə onların iştirakları olmadan baxılması barədə xahişlə məhkəməyə müraciət etmədiklərinə görə baxılmamış saxlanılmalıdır. Qeyd olunanları və Azərbaycan Respublikası MPM-nin 259-260, 263-264-cü maddələrini rəhbər tutaraq, məhkəmə QƏRARA ALDİ: İddiaçı Cavabdeh MMC-yə qarşı “sahiblik və istifadə hüquqlarının tanınması və mənzilin təhvil verilməsi” tələbinə dair iddia ərizəsi baxılmamış saxlanılsın. Qərardaddan 10 (on) gün müddətində Bakı şəhəri Suraxanı Rayon Məhkəməsinə şikayət verilə bilər. Sədrlik edən Leyla Talıbova