Bakı Şəhəri Xətai Rayon Məhkəməsi Qərardad — İş №2(011)-7566/2023

Azərbaycan Respublikası adından QƏRARDAD Bakı şəhəri İş № 2(011)-7566/2023 06.10.2023 BAKI ŞƏHƏRİ XƏTAİ RAYON MƏHKƏMƏSİ Bakı şəhəri Xətai Rayon Məhkəməsinin hakimi Zamanlı Pərviz Mirsiyaf oğlu – İddiaçı Cavabdeh qarşı “alimentin məbləğinin artırılması və barışıq şərtlərinin icra edilməsi” barədə iddia ərizəsini və ona əlavə edilmiş sənədləri nəzərdən keçirərək MÜƏYYƏNETDİ: İddiaçı xx.xx.2022-ci il tarixində, MŞB/2-00349 nömrə ilə Bakı 2 saylı Mediasiya Təşkilatında cavabdehlə aralarında alimentin artırılması ilə bağlı bağlanmış barışıq sazişinin şərtlərinin icra edilməsi və ona xx.xx.2022-ci il tarixdən xx.xx.2023-cü il tarixədək ödənilməyən 193 manat alimenin birdəfəlik ödənilməsi, xx.xx.2023-cü il tarixdən, yetkinlik yaşına çatmayan 13 mart 2010-cu il təvəllüdlü X1 üçün o yetkinlik yaşına çatanadək cavabdehdən tutulan alimentin məbləği artırılaraq hər ay 220 manat sabit pul məbləğinin cavabdehdən tutularaq iddiaçıya ödənilməsi barədə, bundan əlavə mediasiya üçün ödənilmiş 50 manat pulun tutularaq ödənilməsi barədə iddia ərizəsi ilə məhkəməyə müraciət etmişdir. İddia ərizəsini və ona əlavə edilmiş sənədləri nəzərdən keçirərək məhkəmə hesab edir ki, iddia ərizəsi və ona əlavə edilmiş sənədlər geri qaytarılmalıdır. Belə ki, iddia tələbindən aşkar surətdə göründüyü kimi, iddiaçı tərəfindən barışıq sazişinin şərtlərinin icra edilməsi ilə alimentin miqdarının artırılması barədə bir-biri ilə əlaqədar olmayan tələblər cavabdehə qarşı irəli sürülmüşdür. İddiaçının hazırki tələblərinə isə bir icraatda baxıla bilməz. Azərbaycan Respublikası MPM-nin 152.1.7-ci maddəsinə əsasən, bir və ya bir neçə cavabdehə bir-biri ilə əlaqədar olmayan bir neçə tələb birləşdirildikdə hakim iddia ərizəsini və ona əlavə edilmiş sənədləri geri qaytarır. Şərh edilənlərə əsasən məhkəmə hesab edir ki, iddia ərizəsi Azərbaycan Respublikası MPM-nin tələblərinə riayət edilmədən verildiyindən və iddia tələbləri bir-biri ilə əlaqədar olmadığından iddia ərizəsi geri qaytarılmalıdır. Azərbaycan Respublikası MPM-nin 151.1-ci maddəsinə əsasən, iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Həmin Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh olunanlara əsaslanaraq və Azərbaycan Respublikası MPM-nin 152-ci maddəsini rəhbər tutaraq QƏRARAALDİ: İddiaçı Cavabdeh qarşı “alimentin məbləğinin artırılması və barışıq şərtlərinin icra edilməsi” tələbi barədə iddia ərizəsi və ona əlavə edilmiş sənədlər geri qaytarılsın. İddiaçıya izah olunsun ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan rəsmi qaydada verildikdən sonra 10 (on) gün müddətində Bakı şəhəri Xətai Rayon Məhkəməsinə şikayət verilə bilər. Hakim: Pərviz Zamanlı