Abşeron Rayon Məhkəməsi Qətnamə — İş №2(012)-1403/2022

Azərbaycan Respublikası adından QƏTNAMƏ Xırdalan şəhəri İş № 2(012)-1403/2022 03.03.2022 ABŞERON RAYON MƏHKƏMƏSİ Hakim Abbasova Məlahət Aslan qızının sədrliyi ilə, İddiaçı "xxxx" MMC-nin Cavabdeh qarşı kredit müqaviləsi üzrə mübahisələr tələbinə dair mülki işə sadələşdirilmiş icraat qaydasında 03 mart 2022-ci il tarixdə Xırdalan şəhərində məhkəmənin inzibati binasında açıq məhkəmə iclasında baxaraq, MÜƏYYƏN ETDİ: İddiaçı "xxxx" MMC Cavabdeh qarşı kredit müqaviləsi üzrə mübahisələr tələbinə dair sadələşdirilmiş icraat qaydasında iddia ərizəsi ilə məhkəməyə müraciət edərək, cavabdehdən 11.05.2019-cu il tarixli müqaviləyə əsasən Mətbəx mebeli üçün 710 manat ödənilməmiş hissə, 71 manat cərimə pulu, 26.10.2019-cu il tarixli müqaviləyə əsasən İMEİ kodu **********65177 Samsung Galaxy A10 markalı telefon, aksesuar üçün 275 manat ödənilməmiş hissə, 27 manat cərimə pulu, 04.12.2019-cu il tarixli müqaviləyə əsasən LG LED televizor üçün 523 manat ödənilməmiş hissə, 52 manat cərimə pulu, 07.03.2020-ci il tarixli müqaviləyə əsasən İMEİ Kodu **********04069 Huawei Y5 markalı telefon üçün 166.2 manat ödənilməmiş hissə, 16.8 manat cərimə pulu və 18.06.2020-ci il tarixli müqaviləyə əsasən HOFFMANN Kondisioner üçün 199,6 manat ödənilməmiş hissə, 19.4 manat cərimə pulu olmaqla, ümumilikdə 2060 manat borc və ödənilmiş dövlət rüsumuna görə 40,6 manat məbləğində pulun alınaraq "xxxx" MMC-yə ödənilməsi barədə qətnamə çıxarılmasını xahiş etmişdir. İddia ərizəsi onunla əsaslandırılmışdır ki, Cavabdeh 11.05.2019-cu il tarixli, 26.10.2019-cu il tarixli, 04.12.2019-cu il tarixli, 07.03.2020-ci il tarixli və 18.06.2020-ci il tarixli müqavilələrə əsasən Mətbəx mebeli, İMEİ Kodu **********65177 olan Samsung Galaxy A10 markalı telefon, aksesuar, LG LED televizor, İMEİ Kodu **********04069 olan Huawei Y5 markalı telefon, HOFFMANN Kondisioner almış, nəticədə 2060 manat borcu yaranmışdır. Cavabdeh müqavilənin şərtlərini pozmuş və 11.05.2019-cu il tarixli müqaviləyə əsasən alqı-satqı qiyməti 1425 manat olan Mətbəx mebeli üçün 710 manat ödənilməmiş hissə, 71 manat dəbbə pulu olmaqla cəmi 781 manat borcu yaranmışdır. 26.10.2019-cu il tarixli müqaviləyə əsasən alqı-satqı qiyməti 450 manat olan İMEİ kodu **********65177 olan Samsung Galaxy A10 markalı telefon üçün 275 manat ödənilməmiş hissə, 27 manat cərimə pulu olmaqla, cəmi 302 manat borcu yaranmışdır. 04.12.2019-cu il tarixli müqaviləyə əsasən alqı-satqı qiyməti 1100 manat olan LG LED televizor üçün 523 manat ödənilməmiş hissə, 52 manat dəbbə pulu olmaqla, cəmi 575 manat borcu yaranmışdır. 07.03.2020-ci il tarixli müqaviləyə əsasən alqı-satqı qiyməti 250,2 manat olan İMEİ Kodu **********04069 olan Huawei Y5 markalı telefon üçün 166,2 manat ödənilməmiş hissə, 16.8 manat cərimə pulu olmaqla, cəmi 183 manat borcu yaranmışdır. 18.06.2020-ci il tarixli müqaviləyə əsasən alqı-satqı qiyməti 463,6 manat olan HOFFMANN Kondisioner üçün 199.6 manat ödənilməmiş hissə, 19,4 manat cərimə pulu olmaqla, cəmi 219 manat borcu yaranmışdır. Cavabdehin 5 müqavilə üzrə ödədiyi cəmi məbləğ isə 1815 manat təşkil edir. Bunlara əsasən iddiaçı iddia tələbinin təmin edilməsini məhkəmədən xahiş etmişdir. Mülki Prosessual Məcəllənin 284-5.1-ci maddəsinə əsasən, ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. İş materiallarından görünür ki, iddia ərizəsi 19.01.2022-ci il tarixdə məhkəməyə daxil olmuş və məhkəmə Cavabdeh prosessual hüquq və vəzifələrinin izahı barədə rəsmi qaydada bildiriş göndərmişdir. Mülki Prosessual Məcəllənin 284-5.2-ci maddəsinə görə cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Məhkəmə cavabdehə qanunla müəyyən olunmuş qaydada prosessual hüquq və vəzifələrinin izah olunduğunu, iddiaya qarşı etirazının olmamasını və iddia tələbinin kiçik iddialar kateqoriyasına aid edilməklə yanaşı mübahisə doğurmayan tələb olduğunu nəzərə alaraq hesab edir ki, mülki işin iddia icraatına keçirilməklə iş üzrə əlavə araşdırma aparılmasına, ekspertiza təyin olunmasına və ya tərəflərin məhkəməyə çağırılmaqla dinlənilmələrinə lüzum yoxdur, mülki işin prosessual vəziyyəti işə sadələşdirilmiş icraat qaydasında baxılmasına mane olmur. Mülki Prosessual Məcəllənin 284-5.3-cü maddəsinə əsasən, kiçik iddialar üzrə ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Məhkəmə iş materiallarını araşdırıb hesab edir ki, ərizəyə əlavə edilmiş sənədlər iş üzrə yekun qərarın çıxarılması üçün kifayət etdiyindən sadələşdirilmiş icraat qaydasında qətnamə qəbul edilməlidir. İş materiallarında olan 11.05.2019-cu il tarixli 00657144 saylı müqavilədən görünür ki, Cavabdeh ilə "xxxx" MMC arasında müqavilə bağlanmış və Cavabdeh "xxxx" MMC-dən Mətbəx mebeli qəbul etmiş və malın qiymətini hissə-hissə olmaqla satıcıya ödəməyi öhdəsinə götürmüşdür. İş materiallarında olan 26.10.2019-cu il tarixli 01005667 saylı müqavilədən görünür ki, Cavabdeh ilə "xxxx" MMC arasında müqavilə bağlanmış və Cavabdeh "xxxx" MMC-dən İMEİ kodu **********65177 olan Samsung Galaxy A10 markalı telefon, aksesuar qəbul etmiş və malın qiymətini hissə-hissə olmaqla satıcıya ödəməyi öhdəsinə götürmüşdür. İş materiallarında olan 04.12.2019-cu il tarixli 01098431 saylı müqavilədən görünür ki, Cavabdeh ilə "xxxx" MMC arasında müqavilə bağlanmış və Cavabdeh "xxxx" MMC-dən LG LED televizor qəbul etmiş və malın qiymətini hissə-hissə olmaqla satıcıya ödəməyi öhdəsinə götürmüşdür. İş materiallarında olan 07.03.2020-ci il tarixli 20154725 saylı müqavilədən görünür ki, Cavabdeh ilə "xxxx" MMC arasında müqavilə bağlanmış və Cavabdeh "xxxx" MMC-dən İMEİ Kodu **********04069 olan Huawei Y5 markalı mobil telefon qəbul etmiş və malın qiymətini hissə-hissə olmaqla satıcıya ödəməyi öhdəsinə götürmüşdür. İş materiallarında olan 18.06.2020-cu il tarixli 20358737 saylı müqavilədən görünür ki, Cavabdeh ilə "xxxx" MMC arasında müqavilə bağlanmış və Cavabdeh "xxxx" MMC-dən HOFFMANN Kondisioner qəbul etmiş və malın qiymətini hissə-hissə olmaqla satıcıya ödəməyi öhdəsinə götürmüşdür. İş materiallarında olan 07 dekabr 2021-ci il tarixli maliyyə və ödəniş cədvəlindən görünür ki, Cavabdeh "xxxx" MMC-yə 04.09.2019-cu il tarixli müqaviləyə əsasən Mətbəx mebeli üçün 710 manat ödənilməmiş hissə, 71 manat dəbbə pulu olmaqla, ümumilikdə 781 manat borcu vardır. Həmin ödəniş cədvəlindən görünür ki, onun "xxxx" MMC-yə 26.10.2019-cu il tarixli müqaviləyə əsasən İMEİ kodu **********65177 Samsung Galaxy A100 markalı telefon, X1 Samsung Galaxy A10 Black aksesuar üçün 275 manat ödənilməmiş hissə, 27 manat cərimə pulu olmaqla, ümumilikdə 302 manat borcu vardır. Həmin ödəniş cədvəlindən görünür ki, onun "xxxx" MMC-yə 04.12.2019-cu il tarixli müqaviləyə əsasən LG LED televizor üçün 523 manat ödənilməmiş hissə, 52 manat cərimə olmaqla, cəmi 575 manat borcu vardır. Həmin ödəniş cədvəlindən görünür ki, onun "xxxx" MMC-yə 07.03.2020-ci il tarixli müqaviləyə əsasən İMEİ Kodu **********04069 olan Huawei Y5 markalı telefon üçün 166,2 ödənilməmiş hissə, 16,8 manat cərimə olmaqla, cəmi 183 manat borcu vardır. Həmin ödəniş cədvəlindən görünür ki, onun "xxxx" MMC-yə 18.06.2020-cu il tarixli müqaviləyə əsasən HOFFMANN Kondisioner üçün 199,6 manat ödənilməmiş hissə, 19,4 manat cərimə olmaqla, cəmi 219 manat borcu vardır. Cavabdehin beş müqavilə üzrə cəmi 2060 manat borcu vardır. Mülki Məcəllənin 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Mülki Məcəllənin 442-ci maddəsinə görə öhdəliyin icra edilməməsi dedikdə onun pozulması və lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlara və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Mülki Məcəllənin 443.1-ci maddəsinə əsasən öhdəliyini icra etməyən borclu kreditora dəymiş zərərin əvəzini ödəməyə borcludur. Mülki Məcəllənin 445.1-ci maddəsinə əsasən icranı gecikdirmiş borclu gecikdirmə nəticəsində vurduğu zərər ücün və gecikdirmə zamanı təsadüfən baş vermiş icra mümkünsüzlüyünün nəticələri ücün kreditor qarşısında məsuliyyət daşıyır. Mülki Məcəllənin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar ücün cavabdehdir. Mülki Məcəllənin 462.1-ci maddəsinə əsasən dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Həmin Məcəllənin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Qeyd olunanlara əsasən məhkəmə hesab edir ki, 11.05.2019-cu il tarixli müqavilə üzrə hesablanmış 71 manat, 26.10.2019-cu il tarixli müqavilə üzrə hesablanmış 27 manat, 04.12.2019-cu il tarixli müqavilə üzrə hesablanmış 52 manat, 07.03.2020-ci il tarixli müqavilə üzrə hesabanmış 16,8 manat və 18.06.2020-ci il tarixli müqavilə üzrə hesablanmış 19,4 manat cərimə pulunun məbləği azaldılmalı və müvafiq olaraq 7 manat, 2 manat, 5 manat, 1 manat və 1 manat müəyyən edilməlidir. Beləliklə, məhkəmə iş üzrə toplanmış sübutlara qiymət verərək hesab edir ki, "xxxx" MMC ilə Cavabdeh arasında müqavilə bağlanmasına baxmayaraq, Cavabdeh müqavilə ilə üzərinə düşən öhdəliyi vaxtında yerinə yetirmədiyindən və bununla da onun əmlak vəziyyətinin əhəmiyyətli dərəcədə pisləşməsi müəyyən edildiyindən, Cavabdeh 11.05.2019-cu il tarixli müqaviləyə görə 710 manat ödənilməmiş hissə, 7 manat cərimə, 26.10.2019-cu il tarixli müqaviləyə görə 275 manat ödənilməmiş hissə, 2 manat cərimə, 04.12.2019-cu il tarixli müqaviləyə görə 523 manat ödənilməmiş hissə, 5 manat cərimə, 07.03.2020-ci il tarixli müqaviləyə görə 166,2 manat ödənilməmiş hissə, 1 manat cərimə və 18.06.2020-ci il tarixli müqaviləyə görə 199,6 manat ödənilməmiş hissə, 1 manat cərimə olmaqla, cəmi 1.889,8 manat pul tutularaq "xxxx" MMC-yə ödənilməlidir. Mülki Prosessual Məcəllənin 107-ci maddəsində göstərilmişdir ki, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Mülki işin materiallarında olan ödəniş qəbzindən müəyyən edilir ki, "xxxx" MMC tərəfindən iddia ərizəsinin verilməsinə görə 40,6 manat dövlət rüsumu ödənilmişdir. Məhkəmə hesab edir ki, ödənilmiş 40,6 manat dövlət rüsumu Cavabdeh tutularaq iddiaçı "xxxx" MMC-yə ödənilməlidir. Mülki Prosessual Məcəllənin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 217.3-cü maddəsinə əsasən, qətnamə iş üzrə müəyyən edilmiş həqiqi hallara və tərəflərin qarşılıqlı münasibətinə uyğun əsaslandırılmalıdır. Həmin Məcəllənin 218.3-cü maddəsinə əsasən, hakim işdə iştirak edən şəxslərin verdiyi tələblər üzrə qətnamə çıxarır. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 216-220, 284-1 və 360-cı maddələrini rəhbər tutaraq, məhkəmə QƏT ETDİ: İddia qismən təmin edilsin. Cavabdeh 11.05.2019-cu il tarixli müqaviləyə görə 710 manat ödənilməmiş hissə, 7 manat cərimə, 26.10.2019-cu il tarixli müqaviləyə görə 275 manat ödənilməmiş hissə, 2 manat cərimə, 04.12.2019-cu il tarixli müqaviləyə görə 523 manat ödənilməmiş hissə, 5 manat cərimə, 07.03.2020-ci il tarixli müqaviləyə görə 166,2 manat ödənilməmiş hissə, 1 manat cərimə və 18.06.2020-ci il tarixli müqaviləyə görə 199,6 manat ödənilməmiş hissə, 1 manat cərimə olmaqla, cəmi 1.889,8 manat və dövlət rüsumu üçün 40,6 manat məbləğində pul vəsaiti tutularaq "xxxx" MMC-yə ödənilsin. İddia qalan hissədə təmin edilməsin. Qətnamədən rəsmi qaydada verildiyi gündən 1 (bir) ay müddətində Abşeron Rayon Məhkəməsi vasitəsi ilə Sumqayıt Apellyasiya Məhkəməsinə apellyasiya şikayəti verilə bilər. Hakim: Məlahət Abbasova