Abşeron Rayon Məhkəməsi Qətnamə — İş №2(012)-6110/2021

Azərbaycan Respublikası adından QƏTNAMƏ Xırdalan şəhəri İş № 2(012)-6110/2021 29.11.2021 ABŞERON RAYON MƏHKƏMƏSİ Hakim Məmmədov Elman Tofiq oğlunun sədrliyi, Mirzəzadə Şəbnəm Çingiz qızının katibliyi, İddiaçı, Cavabdeh iştirakı ilə, İddiaçı Cavabdeh qarşı “pul” tələbinə dair iddia ərizəsi üzrə mülki işə Abşeron rayon məhkəməsinin inzibati binasında açıq məhkəmə iclasında baxaraq, məhkəmə müəyyən etdi: İddiaçı iddia ərizəsi ilə məhkəməyə müraciət edərək, Cavabdeh ona ödənilməli olan 11000 manat məbləğinində olan pul vəsaitini və ödədiyi dövlət rüsumunun ondan alınaraq ona ödənilməsinə dair qətnamə qəbul edilməsini xahiş etmişdir. İddiaçı iddia tələbini müdafiə edərək izahatında bildirdi ki, o, uzun müddətdir ki, Bakı şəhəri Binəqədi rayonu 28-may qəsəbəsində yaşayır. Yaşadığı müddət ərzində daima bütün qonşularla, eləcə də Cavabdeh ailəsi ilə münasibəti normal olmuşdur. Bu səbəbdən 2020-ci ilin sentyabr ayında Cavabdeh onlara gələrək ailəsində olan problemdən danışaraq, qızı X1 qaldığını, çox çətinliklər çəkdiyini, mənzil almaq istədiyini və bu səbəbdən bəyəndiyi mənzili almağa 11000 manat pulunun çatmadığını bildirərək ondan köməklik etməyini xahiş etmişdir. Bütün bu sadalanan halları və onunla cavabeh arasında olan razılaşmanı nəzərə alaraq 20 oktyabr 2020-ci il tarixində ailələrinin iştirakı ilə Cavabdeh 11000 manat məbləğində pulu nağd şəkildə vermişdir. Lakin aralarında olan razılaşmaya baxmayaraq cavabdeh şəxs ona ödənilməli olan məbləği hal-hazırki, günə qədər ona ödəməmişdir. Bütün bu kimi hallara baxmayaraq 21 yanvar 2021 ci il tarixində cavabdeh şəxsə rəsmi şəkildə pretenziya qaydasında məktub göndərərək aldığı pulu ona ödəməsini xahiş etsə də, yenə də müxtəlif bəhanələr irəli sürərək ona pulu ödəməkdən yayınmışdır. Qeyd olunanlara əsasən o, iddia tələbinin təmin edilməsini məhkəmədən xahiş etdi. Cavabdeh məhkəmə iclasında izahatında və məhkəməyə ünvanladığı ərizədə bildirdi ki, İddiaçı həqiqətən də ona 11000 manat borc pul vermişdir. O, borcdan 500 manat məbləği iddiaçıya qaytarmışdır. Hazırda İddiaçı 10500 manat borcu vardır. Həmin pul ilə Abşeron rayonu, Hökməli qəsəbəsində 12 sot torpaq sahəsi almışdır. Torpağı sata bilmədiyi üçün borcu ödəyə bilməmişdir. Məhkəmə tərəfləri dinləyib, iş materiallarını araşdırıb, mümkün və mötəbər sübutların məcmusuna hüquqi qiymət verərək belə nəticəyə gəlir ki, iddia qismən təmin edilməlidir. Belə ki, işin mübahisə edilməyən hallarından məlum olur ki, Cavabdeh İddiaçı 11000 manat məbləğində pul almışdır. Daha sonra isə cavabdeh 500 manat məbləğində pulu iddiaçıya qaytarmışdır və hazırda iddiaçıy 10500 manat məbləğində borcu qalmışdır. Həmçinin Cavabdeh məhkəmə iclasında məhkəməyə təqdim etdiyi ərizədə İddiaçı hazırda 10500 manat məbləğində borcunun qaldığını etiraf etmişdir. Belə olan halda məhkəmə hesab edir ki, 10500 manat məbləğində pul Cavabdeh tutularaq, İddiaçı ödənilməlidir. Azərbaycan Respublikası Mülki Məcəlləsinin 385.1-ci maddəsinə əsasən öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Azərbaycan Respublikası Mülki Məcəlləsinin 386.1-ci maddəsinə əsasən öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır. Azərbaycan Respublikası Mülki Məcəlləsinin 425.1-ci maddəsinə əsasən öz hüquqlarını həyata keçirərkən və vəzifələrini icra edərkən tərəflərdən hər biri vicdanlılığın tələb etdiyi tərzdə, yəni şərtləşdirilmiş vaxtda və yerdə lazımi şəkildə, öhdəliyin şərtlərinə və bu Məcəllənin tələblərinə müvafiq surətdə, belə şərtlər və tələblər olmadıqda isə işgüzar adətlərə və ya adətən irəli sürülən digər tələblərə müvafiq surətdə hərəkət etməlidirlər. Azərbaycan Respublikası Mülki Məcəlləsinin 442-ci maddəsinə əsasən öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 739.1-ci maddəsinə əsasən, borc müqaviləsinə görə, iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyət və miqdarda olan eyni növlü əşyalar şəklində borc verənə qaytarmağı öhdəsinə götürür. Azərbaycan Respublikası Mülki Prosessual Məcəlləsinin 119-cu maddəsinə görə məhkəmə hesab edir ki, iddiaçı tərəfindən məhkəməyə müraciət etmək üçün dövlət rüsumu olaraq ödənilmiş 30 manat cavabdehdən tutulub iddiaçıya verilməlidir. Azərbaycan Respublikası Mülki Prosessual Məcəlləsinin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Azərbaycan Respublikası Mülki Prosessual Məcəlləsinin 77.1-ci maddəsinə əsasən, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Azərbaycan Respublikası Mülki Prosessual Məcəlləsinin 217.4-cü maddəsinə əsasən, məhkəmə (hakim) öz qətnaməsini yalnız məhkəmə iclasında təqdim olunmuş sübutlarla əsaslandırır. Qeyd edilənlərə əsasən və Azərbaycan Respublikası Mülki Prosessual Məcəlləsinin 216-220ci maddələrini rəhbər tutaraq, məhkəmə qət etdi: İddia qismən təmin edilsin. Cavabdeh 10500 manat məbləğində pul və 30 manat məbləğində dövlət rüsumu tutulub İddiaçı ödənilsin. Qətnamə rəsmi qaydada verildiyi gündən 1 (bir) ay müddətində Abşeron rayon Məhkəməsi vasitəsi ilə Azərbaycan Respublikası Sumqayıt Apelyasiya Məhkəməsinə apelyasiya şikayəti verilə bilər. Hakim: Elman Məmmədov