Ağdam Rayon Məhkəməsi Qərardad — İş №2(013)-3286/2025

Azərbaycan Respublikası adından QƏRARDAD Ağdam rayonu İş № 2(013)-3286/2025 30.12.2025 AĞDAM RAYON MƏHKƏMƏSİ Hakim Bayramov Elşad Abdulla oğlunun sədrliyi, Qədimov Anar Təyyar oğlunun katibliyi, İddiaçı Cavabdeh qarşı pul tələbinə dair iddiası üzrə mülki işə açıq məhkəmə iclasında baxaraq MÜƏYYƏNETDİ: İddiaçı iddia ərizəsi ilə məhkəməyə müraciət edərək Cavabdeh 5000 manat məbləğində borc pulun və ödənilmiş 70 manat dövlət rüsumunun alınıb ona verilməsi barədə qətnamə çıxarılmasını xahiş etmişdir. İddiaçı məhkəmə iclasında iddia tələblərini müdafiə etdiyini bildirdi. Cavabdeh iddia tələblərini rədd etmişdir. Məhkəmə iclasında Cavabdeh həmçinin göstərdi ki, o, Fizuli rayonunun qeydiyyatındadır. Məhkəmə iş materiallarını nəzərdən keçirib hesab edir ki, mülki iş baxılması üçün Fizuli Rayon Məhkəməsinə göndərilməlidir. Azərbaycan Respublikası Mülki Prosessual Məcəlləsinin 167.2-ci maddəsinə görə hakim işin düzgün və vaxtında həll edilməsinə yönələn digər hərəkətləri etməlidir. Elektron Portal məlumatlarına baxılarkən müəyyən edilmişdir ki, Cavabdeh Ağdam Rayonunda anadan olmuş, hazırda isə Fizuli Rayonunun Gecəgözlü Ərazi Dairəsinin Üçüncü Mahmudlu Kəndinin qeydiyyatındadır. Qeyd olunan Məcəllənin 35.1-ci maddəsinə görə qanunla başqa hal nəzərdə tutulmamışdırsa iddia cavabdehin rəsmi qeydə alındığı yerin məhkəməsinə verilir. Sözügedən Məcəllənin 44.2.2-ci maddəsinə görə iş məhkəmədə baxıldığı zaman onun aidiyyət qaydalarının pozulması ilə icraata qəbul edilməsi aşkar olarsa məhkəmə işi başqa məhkəmədə baxılmağa verir. Göründüyü kimi iddia cavabdehin rəsmi qeydiyyatda olduğu yerin məhkəməsinə verilməmişdir. Hazırda işə baxan məhkəmə hesab edir ki, iddia tələbinin belə vəziyyətdə baxılması MPM-nin aidiyyətlə bağlı tələblərinin pozulması ilə nəticələnə bilər. Belə vəziyyətdə məhkəmə hesab edir ki, iş aidiyyəti üzrə cavabdehin rəsmi qeydiyyatda olduğu Fizuli Rayon Məhkəməsinə göndərilməlidir. Qeyd olunanalara əsasən və Azərbaycan Respublikası MPM-nin 33-45, 263-269-cu maddələrinin tələblərini rəhbər tutaraq məhkəmə QƏRARAALDİ: İddiaçı Cavabdeh qarşı pul tələbinə dair iddiası üzrə hazırda açılmış mülki iş aidiyyəti üzrə Fizuli Rayon Məhkəməsinə göndərilsin. Qərardaddan 10 /on/ gün müddətində onu qəbul etmiş məhkəməyə şikayət verilə bilər. Sədrlik edən : E.Bayramov