Ağdam Rayon Məhkəməsi Qətnamə — İş №2(013)-978/2024

Azərbaycan Respublikası adından QƏTNAMƏ Ağdam rayonu İş № 2(013)-978/2024 19.04.2024 AĞDAM RAYON MƏHKƏMƏSİ Bayramov Elşad Abdulla oğlunun sədrliyi Qədimov Anar Təyyar oğlunun katibliyi ilə, Cavabdeh iştirakı ilə, "xxxx" X2 Səhmdar Cəmiyyətinin Cavabdeh qarşı borc tələbinə dair ərizəsi üzrə mülki işə açıq məhkəmə iclasında baxaraq MÜƏYYƏNETDİ: İddiaçı "xxxx" KB ASC Cavabdeh qarşı borc tələbinə dair iddia ərizəsi ilə məhkəməyə müraciət edərək cavabdehdən 6772,16 AZN əsas, 1211,53 AZN faiz, 221,1 AZN cərimə, 0 AZN komisyon haqqı borcu olmaqla, cəmi 8204,79 AZN pul vəsaitinin və dövlət rüsumu kimi ödənilmiş 102,05 AZN məbləğin tutularaq ASC-nin xeyrinə ödənilməsi barədə qətnamə qəbul edilməsini xahiş etmişdir. İddia tələbləri "xxxx" KB ASC tərəfindən belə əsaslandırılmışdır ki, ASC ilə Cavabdeh arasında bağlanmış xx.xx.2023-cü il tarixli ərizəsi və onun ayrılmaz tərkib hissəsi olan X1 əsasən ona istehlak məqsədləri üçün 36 ay müddətinə, illik 26 % dərəcəsi ilə 7200 AZN məbləğində kredit xətti açılmış, Ümumi Oferta müqaviləsinin 5.7.15-ci bəndinə əsasən bu müqavilə üzrə kreditn limitini heç bir sənədləşmə aparılmadan birtərəfli qaydada artırmaq hüququna malikdir. Tərəflər arasında bağlanmış X1 görə borcverən yuxarıda qeyd olunan məbləğdə və faizlə borcalana kredit xətti ayırır və ssuda hesabı açır, borcalan isə həmin kreditdən məqsədli təyinatına uyğun istifadə etməyi və müəyyən olmuş müddətdə onu faizi ilə birlikdə borcverənə qaytarmağı öhdəsinə götürmüş, lakin cavabdeh müqavilənin bu şərtini pozaraq dövri olaraq ödəməli olduğu kreditin ödənilməsinə dair öhdəliyi vaxtında və lazımi qaydada icra etməmişdir. Nəticədə cavabdehin xx.xx.2024-cü il tarixə ASC-yə 6772,16 AZN əsas, 1211,53 AZN faiz, 221,1 AZN cərimə borcu olmaqla cəmi 8204,79 manat borcu yaranmışdır. Tərəflər arasında yaranmış mübahisənin məhkəmədənkənar qaydada həll edilməsi barədə danışıqlar aparılmış, lakin bu danışıqlar (pretenziya qaydasında həll olunma) heç bir fayda verməmişdir. "xxxx" KB ASC öz tələbinin məhkəmə yolu ilə həll edilməsi üçün məhkəməyə ərizə ilə müraciət edərək bu hüququndan istifadə etmək qərarına gəlmişdir. Odur ki, iddia tələbinin təmin edilməsi xahiş olunur. Məhkəmə iclasının vaxtı və yeri barədə xəbərdar edilməsinə baxmayaraq iddiaçı "xxxx" KB ASC məhkəməyə nümayəndə göndərməmiş, ərizə ünvanlayaraq işə onların nümayəndəsinin iştirak olmadan baxılmasını və tələblərinin təmin edilməsini xahiş etmişdir. Məhkəmə işin baxılmasını mümkün bilmişdir. Məhkəmə iclasında Cavabdeh iddia tələblərini qəbul etdi. Ancaq göstərdi ki, kredit götürərkən 670 manat sosial yardım almışdır, həmin məbləğlə borcunu ödəyəcəyini düşünmüşdür. Hazırda isə həmin yardım kəsilmişdir. Bankdan götürdüyü məbləğdən cəmi 3-4 ay ödəniş etmiş, sonra isə ödəmək imkanı olmamışdır. 2-ci Qarabağ Müharibəsində iştirak edib, 3 övladları var, arvadı işləmir, uşaqların tərbiyyəsi ilə məşğuldur. Hazırda müharibə veteranı kimi 80 manat təqaüd alır, 33 manat isə çörək pulu alır ki, həmin məbləğlə də ailəsini çətinliklə dolandırır. Hazırda işsizdir, dəfələrlə işsiz kimi qeydiyyata durub, lakin ona iş verilmir. Bu səbəbdən də borclarını ödəyə bilmir. Ona görə də hazırda məhkəmədən ona köməklik edilməsini xahiş edir. Məhkəmə iş materiallarını araşdırıb və Cavabdeh dinləyib və məhkəmə iclasında qeyd etdiklərini araşdıraraq hesab edir ki, iddia tələbi qismən təmin edilməlidir, tələbin rədd edilməsi və ya qismən təmin edilməsi üçün əsas yoxdur, cavabdeh iddia təlblərinin təmin edilməməsi üçün yalnız maddi vəziyyətinin çətin olmasını bildirir. İş materiallarında olan Cavabdeh ilə ASC arasında bağlanmış xx.xx.2023-cü il tarixli, № 53nkMNGb/23 saylı kredit müqaviləsindən görünür ki, cavabdehə 7200 manat məbləğində kredit xətti açılmışdır. İddiaçı "xxxx" KB ASC-nin xx.xx.2024-cü il tarixli maliyyə arayışından görünür ki, Cavabdeh ASCyə 6772,16 AZN əsas, 1211,53 AZN faiz, 221,1 AZN cərimə, 0 AZN komisyon haqqı borcu olmaqla, cəmi 8204,79 manat kredit borcu yaranmışdır. AZE ******** saylı Şəxsiyyət Vəsiqəsindən və iş materiallarından görünür ki, Cavabdeh 1990-cı il təvəllüdlüdür, Ağdam Rayon Boyəhmədli kəndinin qeydiyyatındadır. Azərbaycan Respublikası Mülki Məcəlləsinin 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Qeyd olunan Məcəllənin 739.1-ci maddəsinin tələblərinə görə borc müqaviləsinə görə iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda eyni növlü əşyalar şəklində borc verənə qaytarmağı öhdəsinə götürür. Məcəllənin 739.2-ci maddəsinə görə borc müqaviləsinin predmeti hər hansı pul məbləği olduqda, o, kredit müqaviləsi adlandırılır. Həmin Məcəllənin 449.1-ci maddəsinə əsasən özgəsinin pul vəsaitini qanunsuz saxlamaqla, onu qaytarmaqdan boyun qaçırmaqla, onun ödənilməsinin digər şəkildə gecikdirməklə və ya başqa şəxsin hesabına pul vəsaitini əsassız əldə etməklə və ya toplamaqla ondan faydalanmağa görə həmin vəsaitin məbləğindən faizlər ödənilməlidir. Mülki Məcəllənin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Məhkəmə cavabdeh tərəfin xahişini, onun müharibə əlili olmasını, cərimə məbləği ilə bağlı göstərdiklərini nəzərə alaraq hesab edir ki, iddia ilə tələb olunan 221.1 manat məbləğində cərimə pulu hissəsində tələb qismən təmin edilməli, həmin məbləğ 5 manata endirilməlidir. Azərbaycan Respublikası Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsində göstərilir ki, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Qeyd olunan Məcəllənin 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Beləliklə məhkəmə hesab edir ki, iddia təmin edilməli, Cavabdeh 6772,16 AZN əsas, 1211,53 AZN faiz, 5 AZN cərimə borcu olmaqla, cəmi 7988.69 manat məbləgində pul tutularaq iddiaçı ASCnin xeyrinə ödənilməli, həmçinin MPM-nin 119.1-ci maddəsinə əsasən iddiaçının dövlət rüsumu kimi ödədiyi 102,05 manat da cavabdehdən onun xeyrinə tutulmalıdır. Göstərilənlərə əsasən və Azərbaycan Respublikası MPM-nin 216-237-ci maddələrinin tələblərini rəhbər tutaraq məhkəmə QƏTETDİ: İddia qismən təmin edilsin. Cavabdeh - 6772,16 AZN əsas, 1211,53 AZN faiz, 5 AZN cərimə olmaqla, cəmi 7988.69 (yeddi min doqquz yüz səksən səkkiz manat altmış doqquz qəpik) manat və dövlət rüsumu kimi ödənilmiş 102,05 (bir yüz iki manat beş qəpik) manat tutularaq iddiaçı "xxxx" KB ASC-nin xeyrinə ödənilsin. Tələbin qalan hissəsi təmin edilməsin. Qətnamədən 1 (bir) ay müddətində Ağdam Rayon Məhkəməsi vasitəsi ilə Azərbaycan Respublikası Gəncə Apellyasiya Məhkəməsinə apellyasiya şikayəti verilə bilər. Sədrlik edən hakim : E.Bayramov