Ağdaş Rayon Məhkəməsi Qətnamə — İş №2(014)-198/2025

Azərbaycan Respublikası adından QƏTNAMƏ Ağdaş rayonu İş № 2(014)-198/2025 25.02.2025 AĞDAŞ RAYON MƏHKƏMƏSİ Hakim Mürsəlova Aygün Mayıl qızının sədrliyi, Məhkəmə iclas katibi X3, İddiaçı, Cavabdeh iştirakları ilə, İddiaçı Cavabdeh qarşı alimentin miqdarının artırılması tələbinə dair iddia ərizəsi üzrə mülki işə açıq məhkəmə iclasında baxaraq, MÜƏYYƏN ETDİ: İddiaçı Cavabdeh qarşı alimentin miqdarının artırılması tələbinə dair iddia ərizəsi ilə məhkəməyə müraciət edərək, Ağdaş rayon Məhkəməsinin 14 yanvar 2019-cu il tarixli 2(014)-178/2019 saylı qətnaməsi 29 may 2014-cü il tarixdə X6 yetkinlik yaşına çatanadək saxlanılması üçün cavabdehdən hər ay tutulan 120 manat alimentin miqdarı artırılaraq 300 manat miqdarında müəyyən edilməklə Cavabdeh tutularaq İddiaçı ödənilməsi və məhkəməyə müraciət etmək mediasiya sessiyasının keçirilməsi üçün ödənilmiş 50 manat pulun Cavabdeh tutularaq İddiaçı barədə qətnamə çıxarılmasını xahiş etmişdir. İddia tələbi onunla əsaslandırılmışdır ki, Cavabdeh birgə nikahlarından 29 may 2014-cü il təvəllüdlü X9 adlı övladları anadan olmuşdur. Birgə yaşadıqları dövrdə cavabdehlə ailə münasibətləri normal olmuşdur. Lakin sonralar aralarında narazılıqlar baş verdiyindən faktiki olaraq ayrı yaşayırlar və Məhkəmənin qətnaməsi ilə aralaraındakı nikah pozulmuşdur. Ağdaş Rayon Məhkəməsinin xx.xx.2019-cu il tarixli 2(014)-178/2019 saylı qətnaməsi ilə yetkinlik yaşına çatmayan hər ay 120 manat alimentin tutulması qət edilmişdir. Belə ki, uşaq böyüdüyündən onların xərcləridə artmışdır. Cavabdeh uşağın saxlanmasında əlavə olaraq maddi köməklik göstərmir. Uşağın saxlanmasında maddi çətinlik çəkir. Buna baxmayaraq cavabdeh boşandıqdan sonra alimentdən savayı uşağı ilə maraqlanmamış və heç bir maddi yardım göstərməmişdir. Onun tələbatını ödəmək üçün ona maddi dəstək olmur. Halbuki cavabdeh işləyir və yüksək gəlir əldə edir. Bu vaxt ərzində uşağın necə yaşaması və hansı maddi çətinliklərə böyüməsi barədə maraqlanmayıb. O, uşağının saxlamaq vəzifəsini yadından çıxarıb və təəssuf ki, bu məsuliyyəti hələ də dərk etməyib. Hal-hazırda uşağın bütün maddi xərclərini valideyinlərin sayəsində çəkir və onlar ailəsinin himayəsində yaşayırlar. Bütün bunlara əsasən hesab edir ki, uşaqlarının və onun diqqətəlayiq mənafeyini nəzərə alaraq, eləcə də qanunvericiliyin tələblərinə uyğun olaraq iddiaçı uşaqlarının saxlanması xərclərini ödəməlidir. Məhkəməyə müraciət etməzdən əvvəl qarşı tərəfə mediasiya prosesinin tətbiqi barədə təklif göndərilmiş, bundan sonra Mediasiya şurasına müraciət etmiş, lkain cavabdehlə mediyasiya qaydasında mübahisələrini həll edə bilməmişdirlər. Mediasiya xərci tərəfindən ödənilmişdir. Buna görə də hesab edir ki, Ağdaş rayon Məhkəməsinin xx.xx.2019-cu il tarixli 2(014)-178/2019 saylı qətnaməsi ilə xx.xx.2014-cü il tarixdə X6 yetkinlik yaşına çatana kimi saxlanması üçün cavabdehdən hər ay tutulan 120 manat alimentin miqdarı artırılaraq 300 manat miqdarında müəyyən edilməlidir. İddiaçı məhkəmə iclasında iddia tələbinə uyğun izahat verərək bildirdi ki, 120 manat aliment alır, alimentin artırılmasını istəyir. Uşaq böyüyür, xərclərini çatdıra bilmir. Övladı Nizami məktəbində oxuyur, 3 məşğələyə gedir, 3-nə birlikdə 90 manat pul verir. Cavabdeh aliment təyin olunan vaxt maşın ustasının kpməkçisi işləyirdi, hazırda Mingəçevirdə maşın sexi var maddi vəziyyəti xeyli yaxşılaşıb. Ata olaraq uşağına baxmalıdır. Cavabdeh məhkəmə iclasında iddia tələbini qəbul etməyərək bildirdi ki, Mingəçevirdə sex açdıqları düzdür, lakin o, günü 10 manata usta yanında işləyir. Evlidir, 1 uşağı var, yoldaşı 2-ci uşağa hamilədir. Yoldaşı epilepsiya xəstəsidir. Himayəsində yaşlı anası vardır. İddia tələbini qəbul etmir, ədalətli qərar verilməsini xahiş edir. Məhkəmə proses iştirakçısının izahatını dinləyib, işin materiallarını nəzərdən keçirib hesab edir ki, iddia tələbi qismən təmin edilməlidir. Belə ki, işin materiallarında olan Ağdaş rayon Yuxarı Nemətabad kənd İ.N tərəfindən verilmiş 25 aprel 2019-cu il tarixli, AZ T 093599 saylı doğum haqqında şəhadətnamədən görünür ki, X9 xx.xx.2014-cü il tarixdə Mingəçevir şəhərində doğulmuşdur. Atası Cavabdeh, anası İddiaçıdır. İşin materiallarında olan 27 sentyabr 2024-cü il tarixli MŞM/MT00523/2024 saylı ilkin mediasiya sessiyasında iştirak edilməməsi barədə arayışdan görünür ki, “alimentin miqdarının artırılması tələbi” mübahisəsi üzrə 27 sentyabr 2024-cü il tarixində saat 10:00da İddiaçı iştirak etmişdir. Cavabdeh iştirak etməmişdir. İddiaçı ilkin mediyasiya sessiyasının keçirilməsi üçün 50 manat məbləğində mediasiyaya dair xərci təkbaşına ödəmişdir. İşin materiallarında olan Ağdaş Rayon Məhkəməsinin 14 yanvar 2019-cu il tarixli 2(014)-178/2019 saylı qətnaməsinin surətindən görünür ki, iddia tələbi qismən təmin edilmiş, Ağdaş rayon məhkəməsinin 09 iyun 2015-ci il tarixli 2(014)-936/2015 saylı qətnaməsi Cavabdeh İddiaçı xeyrinə bir uşağın saxlanılması üçün tutulan alimentin miqdarı artırılması, Cavabdeh qətnamə qanuni qüvvəyə mindiyi gündən başlayaraq 29 may 2014-cü il tarixdə anadan olmuş X918 yaşına çatana qədər onun saxlanılması üçün İddiaçı xeyrinə hər ay 120 manat aliment tutulması Cavabdeh 20 manat dövlət rüsumu alınaraq dövlət büdcəsinə ödənilməsi qət edilmişdir. Elektron Məhkəmə İnformasiya Sistemindən əldə olunmuş məlumatdan görünür ki, İddiaçı "xxxx" MMC-də nümayəndə, satış/ kommersiya vəzifəsində çalışaraq 555.43 manat məbləğində əmək haqqı alır. İşin materiallarında olan “Ağdaş rayon Mərkəzi Xəstəxanası” Publik hüquqi şəxs tərəfindən verilmiş, 18 dekabr 2024-cü il tarixli 18-1-22/2-B-896-42-740/2024 saylı arayışdan görünür ki, Ağdaş rayonu Yuxarı Nemətabad kənd sakini xx.xx.2000-ci il təvəllüdlü X4 həqiqətən “Ağdaş Rayon Mərkəzi Xəstəxanası” publik hüquqi şəxsin Poliklinika şöbəsində “Epilepsiya. Xroniki sayıqlama pozuntusu” diaqnozları ilə dispanser qeydiyyatdadır. Xəstə hər ay AR Nazirlər Kabinetinin təsdiq etdiyi siyahıda olan, güzəşt hüququ olan və pulsuz reseptlər əsasında dərmanlarla təmin olunan xəstələrə, ambulator şəraitdə müalicə olunan xəstələrə dərmanların buraxılma qaydaları çərçivəsində “Ağdaş RMX” PHŞ tərəfindən dərman preparatları ilə təmin edilir. İşin materiallarında olan Ağdaş RİH-nin başçısının Yuxarı Nemətabad kənd İƏD üzrə nümayəndəliyi tərəfindən verilmiş 06 yanvar 2025-ci il tarixli 5-32-12/2-01/2025 saylı arayışdan görünür ki, Ağdaş rayon Qobuüstü kənd sakini Cavabdeh atası-X11, anası-X2, arvadı X4 və qızı-X8 adlı ailə üzvləri vardır. İşin materiallarında olan xx.xx.2024-cü il tarixli ambulator kartdan arayışın surətindən görünür ki, X1 qeyri-Hoçkin limfoma, boyun limfa düyünlərinin zədələnməsi, PKT dən sonrakı vəziyyət, Proqressivləşmə. Boyun, sol çənəaltı, sağ qalça limfa düyünlərinin zədələnməsi. Təkrar PKT-dən sonrakı vəziyyət. İİİ mərhələ diaqnozu qoyulmuşdur. Beləliklə, məhkəmə iclasında müəyyən olundu ki, iddiaçı ilə cavabdehin birgə nikah münasibətlərindən 29 may 2014-cü il təvəllüdlü X9 doğulmuş, tərəflərin nikahları pozulmuş, Ağdaş Rayon Məhkəməsinin xx.xx.2019-cu il tarixli 2(014)-178/2019 saylı qətnaməsi ilə Ağdaş rayon məhkəməsinin 09 iyun 2015-ci il tarixli 2(014)-936/2015 saylı qətnaməsi Cavabdeh İddiaçı xeyrinə bir uşağın saxlanılması üçün tutulan alimentin miqdarı artırılmış, Cavabdeh qətnamə qanuni qüvvəyə mindiyi gündən başlayaraq 29 may 2014-cü il tarixdə anadan olmuş X9 18 yaşına çatana qədər onun saxlanılması üçün İddiaçı xeyrinə hər ay 120 manat aliment tutulması qət edilmişdir. Hazırda iddiaçı Ağdaş Rayon Məhkəməsi tərəfindən təyin edilmiş alimentin miqdarının artırılaraq cavabdehdən himayəsində olan uşaq üçün 300 manat məbləğində alimentin tutulmasını tələb edir. Azərbaycan Respublikası Ailə Məcəlləsinin 75.1-ci maddəsinə əsasən valideynlər uşaqlarını saxlamağa borcludurlar. Həmin Məcəllənin 75.4-cü maddəsinə əsasən valideynlər uşaqlarını saxlamadıqda uşaqların saxlanılması üçün vəsait (aliment) valideynlərdən məhkəmə qaydasında tutulur. Həmin Məcəllənin 78.1-ci və 78.2-ci maddəsinə əsasən valideynlər arasında yetkinlik yaşına çatmayan uşaqlara aliment ödənilməsi barədə saziş yoxdursa, eləcə də aliment verməyə borclu olan valideynin qazancı (gəliri) qeyri-müntəzəm, dəyişən olarsa, ya qazancının (gəlirinin) hamısını və ya bir hissəsini həmin valideyn natura və ya xarici valyuta ilə alırsa, yaxud onun qazancı və sair gəliri yoxdursa, habelə alimentin valideynin qazancından (gəlirindən) müəyyən hissə kimi tutulması mümkün olmadığı, çətinlik törətdiyi və tərəflərdən birinin marağının əhəmiyyətli dərəcədə pozulduğu başqa hallarda, uşaqların saxlanılması üçün vəsait tutulmasını tələb edən şəxsin xahişi ilə alimentin miqdarı məhkəmə tərəfindən hər ay ödənilməli olan sabit pul məbləğində və ya eyni zamanda həm sabit pul məbləğində, həm də bu Məcəllənin 76-cı maddəsinə uyğun olaraq qazancın (gəlirin) müəyyən hissəsi kimi müəyyən edilə bilər. Sabit pul məbləğinin miqdarı məhkəmə tərəfindən tərəflərin maddi və ailə vəziyyəti, diqqətəlayiq olan digər hallar nəzərə alınmaqla uşağın əvvəlki təminatının səviyyəsinin mümkün qədər maksimal saxlanılması əsas tutularaq müəyyən edilir. Həmin Məcəllənin 76.2-ci maddəsinə əsasən alimentin miqdarı məhkəmə tərəfindən tərəflərin ailə və maddi vəziyyəti, eləcə də diqqətəlayiq olan başqa hallar nəzərə alınmaqla azaldıla və artırıla bilər. Həmin Məcəllənin 112.1-ci maddəsinə əsasən məhkəmə tərəfindən alimentin miqdarı müəyyən olunduqdan sonra tərəflərin birinin ailə və ya maddi vəziyyətində dəyişiklik olmuşsa, məhkəmə tərəflərdən istənilən birinin tələbi ilə alimentin müəyyən olunmuş miqdarını dəyişə bilər və ya aliment ödəməli olan şəxsi tərəflərin diqqətəlayiq başqa maraqlarını da nəzərə almaqla aliment ödəməkdən azad edə bilər. Həmçinin, “Nikahın pozulması, boşanmadan sonra yetkinlik yaşına çatmayan uşaqların valideynlərdən hansının yanında qalması və uşaqlar üçün valideynlərdən aliment tutulması tələbinə dair işlərə baxılarkən qanunvericiliyin məhkəmələr tərəfindən tətbiqi təcrübəsi haqqında” Azərbaycan Respublikası Ali Məhkəməsi Plenumunun xx.xx.2016-cı il tarixli, 8-2/2016 saylı qərarının 25-ci bəndində göstərilmişdir ki, alimentin miqdarının dəyişdirilməsi (artırılması və ya azaldılması) barədə tələbə baxarkən məhkəmə alimentin miqdarı müəyyən olunduqdan sonra tərəflərdən birinin ailə və ya maddi vəziyyətində hansı dəyişikliyin olduğunu müəyyən etməli və alimentin miqdarının dəyişdiriləcəyi təqdirdə bunun uşağın maddi vəziyyətinə təsirini nəzərə almalıdır. “Azərbaycan Respublikasında 2023-cü il üçün yaşayış minimumu haqqında” Azərbaycan Respublikası Qanununun 1-ci maddəsinə əsasən 2024-cü il üçün yaşayış minimumu uşaqlar üçün 235 manat məbləğində müəyyən edilmişdir. Belə olan halda məhkəmə uşağın mənafeyini, tərəflərin maddi və ailə vəziyyətlərini, uşaqla bağlı məsrəflərin artdığını nəzərə alaraq uşağın saxlanması üçün cavabdehdən uşaq üçün 120 manat miqdarında alimentin tutulmasını hazırkı dövrdə kifayət etmədiyini və qanunvericiliyin tələblərini nəzərə alaraq hesab edir ki, iddia tələbi qismən təmin edilməli və alimentin məbləği artırılaraq sonrakı artımlar nəzərə alınmaqla hər ay ölkə üzrə müəyyən olunmuş minimum əmək haqqının 0.39 misli həddində sabit pul məbləğində müəyyən edilməlidir. “Azərbaycan Respublikası Ali Məhkəməsi Plenumunun bəzi qərarlarında dəyişiklik edilməsi barədə” Azərbaycan Respublikası Ali Məhkəməsi Plenumunun “20” dekabr 2024cü il tarixli 15 nömrəli qərarının 1.2.1-ci bəndinə əlavə edilmiş 8.4-1 yarımbəndinə görə “Ailə Məcəlləsinin 110.2-ci maddəsinə əsasən alimentin indeksasiyası məqsədi üçün məhkəmə tərəfindən onun miqdarı müəyyən olunmuş minimum əmək haqqı məbləğinin müəyyən mislinə uyğun sabit pul məbləğində müəyyən edilir. İstinad edilən maddənin tələbindən göründüyü kimi məhkəmələr sabit pul məbləğində aliment təyin edərkən onun miqdarını ölkə üzrə minimum əmək haqqı məbləğinin müvafiq misli həddində müəyyən etməlidirlər (məsələn, Məhkəmə 2024-cü ildə bir uşağın saxlanmasına görə alimentin tutulması barədə iddiaya baxarkən alimenti 255 manat həddində müəyyən etmək istəyirsə, həmin il üzrə minimum əmək haqqı məbləğinin 0,74 mislində (345 x 0,74 = 255 manat) alimentin tutulması barədə qətnamə qəbul etməklə, qətnamənin nəticə hissəsini “xx.xx.xxxx tarixindən başlayaraq yetkinlik yaşına çatmayan A-nın saxlanılması üçün Bdən C-nin xeyrinə sonrakı artımlar nəzərə alınmaqla, hər ay ölkə üzrə müəyyən olunmuş minimum əmək haqqının 0,74 misli həddində sabit pul məbləğində aliment tutulsun” məzmununda ifadə etməlidir). Beləliklə, məhkəmə hesab edir ki, iddia tələbi qismən təmin edilməli, Cavabdeh ilə İddiaçı birgə nikahlarından doğulmuş 29 may 2014-cü il təvəllüdlü X6 yetkinlik yaşına çatanadək saxlanılması üçün Cavabdeh sonrakı artımlar nəzərə alınmaqla hər ay ölkə üzrə müəyyən olunmuş minimum əmək haqqının 0.39 misli həddində sabit pul məbləğində aliment alınaraq İddiaçı verilməli, miqdarı dəyişdirilmiş alimentin tutulması, bu barədə qətnamənin qanuni qüvvəyə mindiyi gündən hesablanmalı, İMS-nın keçirilməsi üçün ödənilən 50 (əlli) manat mediasiya xərci cavabdehdən tutularaq İddiaçı ödənilməli, iddia tələbi qalan hissədə təmin edilməməlidir. Bundan əlavə, Azərbaycan Respublikasının Mülki Prosessual Məcəlləsinin 107-ci maddəsinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. “Dövlət rüsumu haqqında” Azərbaycan Respublikası Qanununun 9.1.2-ci maddəsinə əsasən, aliment alınması barədə iddialar üzrə iddiaçılar dövlət rüsumu ödəməkdən azad olunurlar. Qeyd olunan Qanunun 9.4-cü maddəsinə əsasən, iddiaçı müəyyən olunmuş qaydada dövlət rüsumunu ödəməkdən azad edilmişsə, dövlət rüsumu iddianın təmin edilmiş hissəsinə münasib olaraq cavabdehdən tutularaq dövlət büdcəsinə köçürülür. Azərbaycan Respublikası Mülki Prosessual Məcəlləsinin 112.1.3-cü maddəsinə əsasən aliment alınması haqqındakı iddialarda iddianın qiyməti bir il ərzində ödəmənin məcmusu ilə müəyyən edilir. “Dövlət rüsumu haqqında” Azərbaycan Respublikası Qanununun 8.1.2-ci maddəsinə əsasən iddia qiyməti 1.000 manatdan 10.000 manatadək olduqda 30 manat, 1.000 manatdan yuxarı olan iddia qiymətinin isə 1 faizi 30 manat əlavə olunmaqla dövlət rüsumu tutulur. Məhkəmə hesab edir ki, iddiaçının ödəməkdən azad edildiyi 30 manat dövlət rüsumu cavabdehdən tutularaq dövlət büdcəsinə ödənilməlidir. Azərbaycan Respublikası Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 76.1 və 76.2-ci maddəsinə əsasən tərəflərin tələb və etirazlarını əsaslandıran halların və işi düzgün həll etmək üçün əhəmiyyətli olan başqa halların mövcud olduğunu və ya olmadığını məhkəmə müəyyən edərkən həmin Məcəllədə və başqa qanunlarda müəyyən olunmuş qaydada əldə etdiyi məlumatlar sübutlar hesab olunur. Bu məlumatlar yazılı və maddi sübutlarla, ekspertlərin rəyləri ilə, yerində müayinə keçirməklə, səs və video yazıları ilə, şahidlərin ifadələri ilə, işdə iştirak edən şəxslərin izahatları ilə müəyyən edilir. Həmin Məcəllənin 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Qeyd olunan Məcəllənin 217.3-cü maddəsinə əsasən qətnamə iş üzrə müəyyən edilmiş həqiqi hallara və tərəflərin qarşılıqlı münasibətinə uyğun əsaslandırılmalıdır. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 216-220, 227, 233 və 360-cı maddələrini rəhbər tutaraq, məhkəmə QƏT ETDİ: İddia tələbi qismən təmin edilsin. Ağdaş Rayon Məhkəməsinin xx.xx.2019-cu il tarixli 2(014)-178/2019 saylı qətnaməsi ilə müəyyən edilmiş alimentin miqdarı artırılsın. Cavabdeh ilə İddiaçı birgə nikahlarından doğulmuş 29 may 2014-cü il təvəllüdlü X6 yetkinlik yaşına çatanadək saxlanılması üçün Cavabdeh sonrakı artımlar nəzərə alınmaqla hər ay ölkə üzrə müəyyən olunmuş minimum əmək haqqının 0.39 misli həddində sabit pul məbləğində aliment alınaraq İddiaçı verilsin. Miqdarı dəyişdirilmiş alimentin tutulması, bu barədə qətnamə qanuni qüvvəyə mindiyi gündən hesablansın. İddia tələbi qalan hissədə təmin edilməsin. İMS-nın keçirilməsi üçün ödənilən 50 (əlli) manat mediasiya xərci cavabdehdən tutularaq İddiaçı ödənilsin. İddiaçının ödəməkdən azad edildiyi 30 manat dövlət rüsumu cavabdehdən tutularaq dövlət büdcəsinə ödənilsin. Qətnamədən tərəflərə rəsmi qaydada verildiyi gündən 1 (bir) ay müddətində Ağdaş Rayon Məhkəməsi vasitəsi ilə Şəki Apellyasiya Məhkəməsinin Mülki Kollegiyasına apellyasiya şikayəti verilə bilər. Qətnamədən şikayət verilmədikdə, rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Hakim Aygün Mürsəlova