Ağdaş Rayon Məhkəməsi Qətnamə — İş №2(014)-299/2022

Azərbaycan Respublikası adından QƏTNAMƏ Ağdaş rayonu İş № 2(014)-299/2022 25.01.2022 AĞDAŞ RAYON MƏHKƏMƏSİ Hаkim Əliyev Nizam Mubariz оğlunun sədrliyi Məhkəmə iclаsının kаtibi Qarayev Orxan Sərxan oğlunun katibliyi İddiaçı iştirakı ilə, İddiaçı cаvаbdеh Cavabdeh qarşı «cinayət əməli ilə vurulmuş maddi ziyanın ödənilməsi» tələbinə dаir işə аçıq məhkəmə iclаsındа bахаrаq, MÜƏYYƏN ETDİ: İddiaçı cаvаbdеh Cavabdeh qarşı «cinayət əməli ilə vurulmuş maddi ziyanın ödənilməsi» tələbinə dair iddia ərizəsi ilə məhkəməyə müraciət edərək, Cavabdeh cəmi 3.529 manat məbləğində pulun və ödənilmiş 30 manat dövlət rüsumunun alınıb ona ödənilməsi barədə qətnamə çıxarılmasını xahiş etmişdir. İddiaçı məhkəmə iclasında iddianı müdafiə edərək izah etdi ki, Ağdaş rayon Məhkəməsinin 31 may 2021-ci il tarixli, 1(014)-33/2021 saylı hökmü ilə Cavabdeh ona və qeyrilərinə məxsus əşyaları oğurladığına görə Azərbaycan Respublikası Cinayət Məcəlləsinin 177.2.2 və 177.2.3-cü maddələri ilə təqsirli bilinərək qəti olaraq 2(iki) il 6(altı)ay 10 (on) gün müddətinə azadlıqdan məhrum etmə cəzası təyin edilməsi hökm edilmişdir. Cavabdeh ona məxsus Ağdaş rayonu, məhəllə 42 ünvanında yerləşən iki ədəd soyuducu motorun qiyməti 160 manat, bir ədəd projektorun qiyməti 15 manat, bir ədəd elektrik ötürücü kabelin qiyməti 6 manat, 1 dəst nahar servisin qiyməti 200 manat, 100 metr 20 ədəd hər birinin uzunluğu 5 metr, diametri 32 mm dəmir turbanın (balvanka) qiyməti 200 manat, 50 metr 10 ədəd hər birinin uzunluğu 5 metr, diametr 100 mm olan dəmir turbanın qiyməti 300 manat, 60 metr 15 ədəd hər birinin uzunluğu 4 metr, diametri 50 mm olan dəmir turbanın qiyməti 180 manat, 60 metr 15 ədəd hər birinin uzunluğu 4 metr, diametri 32 mm olan dəmir turbanın qiyməti 120 manat, 60 metr 15 ədəd hər birinin uzunluğu 4 metr, diametri 32 mm olan dəmir turbanın qiyməti 120 manat, 90 metr 15 ədəd hər birinin uzunluğu 6 metr, diametri 15 mm olan dəmir turbanın qiyməti 108 manat, 100 metr 25 ədəd hər birinin uzunluğu 4 metr, diametri 50 mm olan dəmir turbanın qiyməti 200 manat, 240 metr 40 ədəd hər birinin uzunluğu 6 metr, diametri 18 mm olan armaturun qiyməti 360 manat, 160 metr 40 ədəd hər birinin uzunluğu 4 metr, diametri 10 mm olan dəmir şvellerin qiyməti 1280 manat; 100 kq çəkisi, diametri 6 mm olan dəmir məftilin qiyməti 100 manat, 13.6 top hər biri 10 metr qalvanizasiya olunmuş (osinkovannıy) məftildən olan torun qiyməti 180 manatdan ibarət olan ona məxsus əşyalarını oğlurlayaraq ona cəmi 3.329 manat məbləğində əşyalarını oğurlayaraq ona maddi ziyan vurmuşdur. Buna görə də mülki Cavabdeh cəmi 3.529 manat məbləğində pul məhkəmə qaydasında alınıb ona ödənilməlidir. İddiaçı məhkəmə iclasında iddia ərizəsinə uyğun izahat verərək məhkəmədən iddianın təmin edilməsi barədə qətnamə çıxarılmasını xahiş etdi. Cavabdeh məhkəmə iclasının vaxtı və yeri haqqında lazımi qaydada xəbərdar edilməsinə baxmayaraq o, məhkəmə iclasına gəlməmiş, gəlməməsinin səbəbləri barədə də məhkəməyə məlumat verməmişdir. Məhkəmə Azərbaycan Respublikası Mülki Prosessual Məcəlləsinin 185.5-ci maddəsinə əsaslanmaqla işə cavabdehin iştirakı olmadan baxılmasını mümkün hesab edir. Məhkəmə iddiaçının izahatını dinləyib, iş mаtеriаllаrını araşdıraraq hеsаb еdir ki, iddia qismən təmin edilməlidir. İş materiallarında olan və məhkəmə iclasında tədqiq edilən Ağdaş rayon Məhkəməsinin 31.05.2021-ci il tarixli 1(014)-33/2021 saylı Hökmün surətindən məlum olur ki, Cavabdeh Azərbaycan Respublikası Cinayət Məcəlləsinin 177.2.2 və 177.2.3-cü maddələri ilə təqsirli bilinsin və 2 (iki) il 6 (altı) ay müddətinə azadlıqdan məhrum etmə cəzasına məhkum olunmuş, Ağdaş Rayon Məhkəməsinin 20.11.2018-ci il tarixli, 1(014)- 103/2018 saylı hökmünə əsasən 400 manat cərimə cəzasına məhkum olunması və həmin hökmlə təyin edilmiş cəzanın əvəz edilməsinə dair Ağdaş Rayon Məhkəməsinin 02.09.2020-ci il tarixli, 7(014)-20/2020 saylı qərarına əsasən ona təyin edilmiş 240 saat ictimai işlər cəzasının çəkilməmiş 124 saat ictimai işlər cəzası Azərbaycan Respublikası CM-in 68.1.4-cü maddəsinə əsasən ictimai işlər cəzasının 8 saatına azadlıqdan məhrum etmə cəzasının bir günü hesablanmaqla cəmi 15 (on beş) gün Azərbaycan Respublikası CM-in 67.1-ci maddəsinə əsasən hazırkı hökmlə təyin edilmiş 2 (iki) il 6 (altı) ay müddətinə azadlıqdan məhrum etmə cəzasına qismən birləşdirilməklə Cavabdeh qəti olaraq 2 (iki) il 6 (altı) ay 10 (on) gün müddətinə azadlıqdan məhrum etmə cəzası təyin edilmişdir. Eyni zamanda həmin hökmlə təqsirləndirilən şəxs Cavabdeh 2016-cı ilin sentyabr ayının əvvəllərində, yəni yetkinlik yaşına çatmadığı dövrdə ünvan 2 ünvanında yaşayan əmisi İddiaçı evinin həyətinə qanunsuz daxil olaraq, həyətdən 1 ədəd 100 manat dəyərində samovar, 2 ədəd hər biri 80 manat dəyərində soyuducu motoru, 1 ədəd 15 manat dəyərində həyəti işıqlandırmaq üçün projektor, 1 ədəd 6 manat dəyərində 30 metrlik elektrik ötürücü kabel (“переноска”) və 1 ədəd 150 manat dəyərində nahar servisini oğurlayaraq, sonuncunun cəmi 431 manat dəyərində əmlakını gizli olaraq talamışdır. Bundan sonra Cavabdeh təkrarən 2017-ci ilin avqust ayında, yəni yetkinlik yaşına çatmadığı dövrdə ünvan 2-də qeydiyyatda olan İddiaçı 42-ci məhəllədə yerləşən evinin həyətinə qanunsuz daxil olaraq, həyətdən 20 ədəd hər birinin uzunluğu 5 metr, diamertri 32 mm olan 200 manat dəyərində dəmir turbanı (“болванка”), 10 ədəd hər birinin uzunluğu 5 metr, diametri 100 mm olan 300 manat dəyərində dəmir boruları, 15 ədəd hər birinin uzunluğu 4 metr, diametri 50 mm olan 180 manat dəyərində dəmir boruları, 15 ədəd hər birinin uzunluğu 4 metr, diametri 32 mm olan 120 manat dəyərində dəmir boruları, 10 ədəd hər birinin uzunluğu 6 metr diametri 20 mm olan 90 manat dəyərində dəmir boruları, 15 ədəd hər birinin uzunluğu 6 metr diametri 15 mm olan 108 manat dəyərində dəmir boruları, 25 ədəd hər birinin uzunluğu 4 metr, diametri 50 mm olan 200 manat dəyərində dəmir künclükləri, 40 ədəd hər birinin uzunluğu 6 metr, diametri 18 mm olan 360 manat dəyərində armaturları, 40 ədəd hər birinin uzunluğu 4 metr, diametri 10 mm olan 1280 manat dəyərində dəmir şvelleri, diametri 6 mm olan 100 kq 100 manat dəyərində dəmir məftili, 6 top hər biri 100 metr qalvanizasiya olunmuş (“оцинкованный”) məftildən olan 180 manat dəyərində dəmir tordan ibarət əmlakını vahid niyyətlə oğurlayaraq, sonuncunun cəmi 3118 manat dəyərində əmlakını gizli olaraq talaması faktı öz təsdiqini tapmışdır. Azərbaycan Respublikasının Konstitusiyasının 71-ci maddəsinin 1-ci bəndinə görə, konstitusiyada təsbit edilmiş insan və vətəndaş hüquqlarını və azadlıqlarını gözləmək və qorumaq qanunvericilik, icra və məhkəmə hakimiyyəti orqanlarının borcudur. Azərbaycan Respublikasının Mülki Məcəlləsinin 21.1-ci maddəsinə əsasən zərərin əvəzinin ödənilməsini tələb etmək hüququna malik olan şəxs ona vurulmuş zərərin əvəzinin tam ödənilməsini tələb edə bilər, bu şərtlə ki, qanunda və ya müqavilədə zərərin əvəzinin daha az miqdarda ödənilməsi nəzərdə tutulmasın. Azərbaycan Respublikasının Mülki Məcəlləsinin 21.2-ci maddəsinə əsasən zərər dedikdə, hüququ pozulmuş şəxsin pozulmuş hüququnu bərpa etmək üçün çəkdiyi və ya çəkməli olduğu xərclər, əmlakından məhrum olması və ya əmlakının zədələnməsi (real zərər), habelə hüququ pozulmasaydı, həmin şəxsin adi mülki dövriyyə şəraitində əldə edəcəyi gəlirlər (əldən çıxmış fayda) başa düşülür. Azərbaycan Respublikasının Mülki Məcəlləsinin 1096.1-ci maddəsinə əssən mülki hüquq pozuntusu (delikt) hüquqla və ya qanunla müdafiə edilən başqa şəxsə (zərərçəkənə) birbaşa ziyan və ya zərər vurulmasına gətirib çıxaran təqsirli, hüquqa zidd (mülki qanunvericiliyin normalarını pozan) əməldir (hərəkət və ya hərəkətsizlikdir). Azərbaycan Respublikasının Mülki Məcəlləsinin 1096.2-ci maddəsinə əsasən delikt törətmiş şəxs mülki hüquq məsuliyyəti daşıyır. Azərbaycan Respublikasının Mülki Məcəlləsinin 1097.1-ci maddəsinə əsasən Mülki hüquq pozuntusu (delikt) nəticəsində fiziki şəxsin şəxsiyyətinə və ya əmlakına vurulmuş zərərin, habelə hüquqi şəxsin əmlakına və işgüzar nüfuzuna vurulmuş zərərin əvəzi zərərvuran tərəfindən tam həcmdə ödənilməlidir. Beləliklə məhkəmədə müəyyən olundu ki, Ağdaş rayon Məhkəməsinin 31 may 2021-ci il tarixli, 1(014)-33/2021 saylı hökmü ilə Cavabdeh ona və qeyrilərinə məxsus əşyaları oğurladığına görə Azərbaycan Respublikası Cinayət Məcəlləsinin 177.2.2 və 177.2.3-cü maddələri ilə təqsirli bilinərək qəti olaraq 2(iki) il 6(altı)ay 10 (on) gün müddətinə azadlıqdan məhrum etmə cəzasına məhkum edilmişdir. Həmin hökmlə iddiaçıya məxsus olan ümumilikdə 3549 AZN məbləığində əşyların cavabdeh tərəfindən gizli olaraq talanması öz təsdiqini tapmışdır. İddiaçı iddia ərizəsində 3529 AZN məbləğində pul tələb etsə də, iş materiallarında olan hökmün surətindən görünür ki, iddiaçıya vurulan ziyanın məbləği iddia tələbinin həcmi nəzərə alınmaqla 3479 AZN təşkil edir. Məhkəmə tоplаnmış və tədqiq оlunmuş sübutlаrа məcmu hаldа hüquqi qiymət vеrərək belə nəticəyə gəlir ki, iddia qismən təmin edilməli, Cavabdeh ziyan məbləği kimi 3479 (üç min dörd yüz yetmiş doqquz) manat məbləğində pul və 30 manat ödənilmiş dövlət rüsumu alınaraq İddiaçı verilməlidir. Аzərbаycаn Rеspublikаsı Mülki Prоsеssuаl Məcəlləsinin 14.2-ci mаddəsinin tələbinə görə, məhkəmə yаlnız tərəflərin təqdim еtdikləri sübutlаrı аrаşdırmаlı və оnlаrdаn istifаdə еtməlidir. Аzərbаycаn Rеspublikаsı Mülki Prоsеssuаl Məcəlləsinin 77.1-ci mаddəsinə əsаsən hər bir tərəf öz tələb və еtirаzlаrının əsаsı kimi istinаd еtdiyi hаllаrı sübut еtməlidir. Аzərbаycаn Rеspublikаsı Mülki Prоsеssuаl Məcəlləsinin 82.4-cü mаddəsinə əsаsən məhkəmənin qanuni qüvvəyə minmiş hökmü, habelə cinayət təqibi üzrə qüvvəyə minmiş digər qərarı mülki işə və kommersiya mübahisəsinə baxılarkən məhkəmə üçün hadisənin olub-olmaması və şəxsin həmin hadisəyə aidiyyəti hissəsində məcburidir. Azərbaycan Respublikası Mülki Prosessual Məcəlləsinin 119-cu maddəsinə əsasən cavabdehdən dövlət rüsümu tutularaq iddiaçıya qaytarılmalıdır. Məhkəmə iş üzrə sübutlara Azərbaycan Respublikasının MPM-nin 88-ci maddəsinin tələblərinə uyğun olaraq obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət vermiş, ərizədə qoyulmuş tələblər üzrə nəticəyə gələrkən isə Azərbaycan Respublikasının MPM-nin 217.4-cü maddəsində təsbit edilmiş bilavasitəlilik prinsipinə uyğun olaraq yalnız məhkəmə iclasında tədqiq olunmuş sübutlara əsaslanmışdır. Yuxarıda qeyd edilənlərə əsaəsn və Аzərbаycаn Rеspublikаsı Mülki Prоsеssuаl Məcəlləsinin 213, 216-220-ci maddələrini rəhbər tutaraq, QƏT ЕTDİ: İddia qismən təmin edilsin. Cavabdeh 3479 (üç min dörd yüz yetmiş doqquz) manat məbləğində pul və 30 manat ödənilmiş dövlət rüsumu tutularaq İddiaçı xeyrinə verilsin. İddia qalan hissədə rədd edilsin. Qətnаmədən rəsmi qаydаdа vеrildiyi gündən bir аy müddətində Ağdaş rаyоn Məhkəməsi vаsitəsi ilə Şəki Аpеllyаsiyа Məhkəməsinə (Elektron Məhkəmə İnformasiya Sistemində yaradılmış Elektron Kabinetdən istifadə edilməklə) аpеllyаsiyа şikаyəti vеrilə bilər. Məhkəmə qətnaməsindən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 ay keçdikdən sonra qanuni qüvvəyə minir. Hakim: N.M.Əliyev