Ağdaş Rayon Məhkəməsi Qərardad — İş №2(014)-791/2025

Azərbaycan Respublikası adından QƏRARDAD Ağdaş rayonu İş № 2(014)-791/2025 10.04.2025 AĞDAŞ RAYON MƏHKƏMƏSİ Ağdaş Rayon Məhkəməsi Hakim Mürsəlova Aygün Mayıl qızının sədrliyi, Məhkəmə iclas katibi Quliyeva Aidə Binyamin qızının katibliyi, İddiaçı 13 saylı X2 Mərkəzinin nümayəndəsi X1, Cavabdeh Ədilşah oğlunun iştirakları ilə, İddiaçı Cavabdeh Ədilşah oğluna qarşı “vurulmuş zərərin əvəzinin ödənilməsi və mal-qaranın meşə ərazisindən çıxarılması” tələbinə dair işə açıq məhkəmə baxışı iclasında baxaraq, MÜƏYYƏN ETDİ: İddiaçı Cavabdeh Ədilşah oğluna qarşı “vurulmuş zərərin əvəzinin ödənilməsi və mal-qaranın meşə ərazisindən çıxarılması” tələbinə dair iddia ərizəsi ilə məhkəməyə müraciət etmişdir. Məhkəmə iclasında İddiaçı nümayəndəsi X3 məhkəmə iclasında iddia tələbinə uyğun izahat verərək, iddia tələbinin təmin edilməsini, meşə fondu sahəsində özbaşına mal-qara otarması nəticəsində dövlətə dəymiş zərərin əvəzi 330 (üç yüz otuz) manat məbləğində pul vəsaiti Cavabdeh tutulub 13 saylı X2 Mərkəzinin “Kapital Bank”ın Bərdə rayon şöbəsinin AZ 62 CTRE **********000 ******* saylı hesabına ödənilməsini, Cavabdeh Ədilşah oğluna Azərbaycan Respublikası İnzibati Xətalar Məcəlləsinin 257-ci maddəsində nəzərdə tutulmuş inzibati xəta törətməsi sübuta yetirilmiş və xx.xx.2020-ci il tarixli qərarla 400 manat məbləğində inzibati cərimənin 13 saylı X2 Mərkəzinin “Kapital Bank” ın Bərdə rayon şöbəsinin AZ 62 CTRE 000 000 000 0000 ******* saylı hesabına ödənilməsinə dair qətnamə çıxarılmasını xahiş etmişdir. Məhkəmə iclasında iddiaçı 13 saylı X2 Mərkəzinin nümayəndəsi X3 iddia tələbinin həcminin azaldılması barədə ərizə ilə müraciət edərək, iddia tələbinin 400 manat məbləğində inzibati cərimənin 13 saylı X2 Mərkəzinin hesabına ödənilməsinə dair hissədə imtina etdiyini, bunu nəzərə alaraq iddia tələbinə qalan hissədə baxılmasını xahiş etmişdir. Məhkəmə iclasında iddiaçı 13 saylı X2 Mərkəzinin nümayəndəsi X3 izahatında iddia tələbini müdafiə edərək, iddianın təmin edilməsi xahiş etmişdir. Məhkəmə iclasında Cavabdeh Ədilşah oğlu iddia tələbinə etiraz edərək, hazırkı iddia tələbinə məhkəmə tərəfindən artıq baxıldığını və qətnamə qəbul edildiyini bildirərək işin icraatına xitam verilməsini məhkəmədən xahiş etdi. Məhkəməyə təqdim edilmiş və mülki işi materiallarına əlavə edilmiş Ağdaş Rayon Məhkəməsinin 27 yanvar 2021-ci il tarixli, 2(014)-155/2021 saylı qətnaməsindən görünür ki, Cavabdeh 330manat pulun tutularaq iddiaçı Azərbaycan Respublikası Ekologiya və Təbii Sərvətlər Nazirliyi yanında Meşələrin İnkişafı Xidmətinin Bərdə X2 Mərkəzinin hesabına ödənilməsi qət edilmişdir. Məhkəmə tərəfləri dinləyib, iddia ərizəsini və mülki işin materiallarına əlavə edilmiş sənədləri araşdıraraq hesab edir ki, eyni tərəflər arasında, eyni predmet barəsində və eyni əsaslar üzrə məhkəmənin qanuni qüvvəyə minmiş qətnaməsi olduğundan iş üzrə icraata xitam verilməlidir. Belə ki, göründüyü kimi hazırkı iddia tələbinə artıq Ağdaş Rayon Məhkəməsinin 27 yanvar 2021-ci il tarixli, 2(014)-155/2021 saylı qətnaməsi ilə hüquqi münasibət bildirilmişdir. Azərbaycan Respublikası Mülki Prosessual Məcəlləsinin 261.0.2-ci maddəsinin tələbinə əsasən eyni tərəflər arasında, eyni predmet barəsində və eyni əsaslar üzrə məhkəmənin qanuni qüvvəyə minmiş qətnaməsi və ya iddiaçının iddiadan imtina etməsi və ya tərəflərin barışıq sazişinin təsdiq olunması ilə əlaqədar iş üzrə icraata xitam edilməsi haqqında məhkəmənin qərardadı olarsa hakim iş üzrə icraata xitam verir. Belə olan halda məhkəmə hesab edir ki, İddiaçı Cavabdeh Ədilşah oğluna qarşı “vurulmuş zərərin əvəzinin ödənilməsi və mal-qaranın meşə ərazisindən çıxarılması” tələbi ilə bağlı mülki iş üzrə icraata xitam verilməlidir. Qeyd olunanlara əsasən və Azərbaycan Respublikası Mülki Prosessual Məcəlləsinin 261.0.2 və 263-264-cü maddələrini rəhbər tutaraq, QƏRARA ALDİ: İddiaçı Cavabdeh Ədilşah oğluna qarşı “vurulmuş zərərin əvəzinin ödənilməsi və mal-qaranın meşə ərazisindən çıxarılması” tələbi ilə bağlı mülki iş üzrə icraata xitam verilsin. Qərardaddan 10 (on) gün müddətində Ağdaş Rayon Məhkəməsinə şikayət verilə bilər. Hakim Aygün Mürsəlova