Ağstafa Rayon Məhkəməsi Qərardad — İş №2(015)-1108/2023

Azərbaycan Respublikası adından QƏRARDAD Ağstafa rayonu İş № 2(015)-1108/2023 26.10.2023 AĞSTAFA RAYON MƏHKƏMƏSİ X4 Abbasovun sədrliyi, Məhkəmə iclas katibi Nərmin Ruslan qızı Əfəndiyevanın katibliyi, İddiaçı 2 saylı X3 Mərkəzinin nümayəndəsi X1, Cavabdeh iştirakı ilə, İddiaçı 2 saylı X3 Mərkəzinin Cavabdeh qarşı vurulmuş zərərin əvəzinin ödənilməsi tələbinə dair mülki işə açıq məhkəmə iclasında baxaraq, Müəyyən etdi : 2 saylı X3 Mərkəzi Cavabdeh tərəfindən meşə fondu sahəsində özbaşına mal-qara otarması nəticəsində dövlətə dəymiş zərərin əvəzi 371,80 manat məbləğində pul vəsaitinin cavabdehdən tutularaq 2 saylı X3 Mərkəzinin “Kapital Bank”ın Tovuz rayon şöbəsinin AZ41NABZ******************** saylı hesabına ödənilməsi barədə qətnamə çıxarılmasını xahiş etmişdir. İş üzrə iddiaçı 2 saylı X3 Mərkəzinin nümayəndəsi X2 məhkəmə hazırlıq iclasında məhkəməyə ərizə təqdim edərək, Cavabdeh tərəfindən hesablanmış ziyan tam şəkildə ödənildiyindən iddia tələbindən imtina etdiklərini, iddiaçı 2 saylı X3 Mərkəzinin iddiadan imtinasını qəbul edib mülki iş üzrə icraata xitam verilməsini xahiş etdi. Məhkəmə iclasında Cavabdeh iddiaçıya dəymiş ziyanı tam şəkildə ödədiyindən iddiaçının iddiadan imtinasını qəbul edib mülki iş üzrə icraata xitam verilməsini xahiş etdi. İş materiallarında olan Kapital Bankın K0152012 terminal nömrəli ödəniş terminali vasitəsilə ödənilmiş xx.xx.2023-cü il tarixli 30970 nömrəli qəbzdən görünür ki, Cavabdeh tərəfindən hesab nömrəsi AZ97CTRE********************, büdcə təsnifat kodu 142330 saylı hesaba 372 manat məbləğində pul köçürülmüşdür. Məhkəmə tərəfləri dinləyib, iddiaçının ərizəsini və iş materiallarını araşdıraraq hesab edir ki, mülki iş üzrə icraata xitam verilməlidir. Belə ki, Azərbaycan Respublikası Mülki Prosessual Məcəlləsinin 261.0.4-cü maddəsinə əsasən, iddiaçı iddiadan imtina etmişsə və bu imtina məhkəmə tərəfindən qəbul olunmuşsa hakim iş üzrə icraata xitam verir. Qeyd olunanlara əsasən məhkəmə hesab edir, mülki iş üzrə iddiaçı iddiadan imtina edərək mülki iş üzrə icraata xitam verilməsini xahiş etdiyindən, cavabdeh etiraz etmədiyindən, mülki prosossesual qanunvericiliyə əsasən iddiaçı iddiadan imtina etmişsə və bu imtina məhkəmə tərəfindən qəbul olunmuşsa iş üzrə icraata xitam verilməsi mümkün olduğundan iddiaçı 2 saylı X3 Mərkəzinin Cavabdeh qarşı vurulmuş zərərin əvəzinin ödənilməsi tələbinə dair mülki iş üzrə iddiaçının iddiadan imtinası qəbul edilərək mülki iş üzrə icraata xitam verilməlidir. Qeyd edilənlərə əsasən və Azərbaycan Respublikası MPM-nın 114, 261, 263- 264 və 267-268-ci maddələrini rəhbər tutaraq, məhkəmə Qərara aldı : İddiaçı 2 saylı X3 Mərkəzinin Cavabdeh qarşı vurulmuş zərərin əvəzinin ödənilməsi tələbinə dair mülki iş üzrə iddiaçının iddiadan imtinası qəbul edilsin və mülki iş üzrə icraata xitam verilsin. Qərardad rəsmi qaydada verildikdən sonra 10 (on) gün müddətində “Elektron məhkəmə” informasiya sistemində yaradılan elektron kabinet vasitəsilə Ağstafa Rayon Məhkəməsinə şikayət verilə bilər. Hakim: Natiq Abbasov