Ağsu Rayon Məhkəməsi Qərardad — İş №2(016)-1032/2023

Azərbaycan Respublikası adından QƏRARDAD Ağsu rayonu İş № 2(016)-1032/2023 04.12.2023 AĞSU RAYON MƏHKƏMƏSİ X2 Natiq oğlunun sədrliyi Məmmədova Esma Kərim qızının katibliyi, İddiaçının nümayəndəsi X1, Cavabdeh5 iştirakları ilə İddiaçı Azərbaycan Beynəlxalq Bankı ASC-nın cavabdehlər Cavabdeh1, Cavabdeh2, Cavabdeh3, Cavabdeh4, Cavabdeh5 və Cavabdeh6 qarşı “ölmüş şəxsin kredit borcunun mirası qəbul etmiş vərəsələrindən tutulması” tələbinə dair iddiası üzrə mülki işə məhkəmənin inzibati binasında açıq məhkəmə iclasında baxaraq, MÜƏYYƏN ETDİ: İddiaçı Azərbaycan Beynəlxalq Bankı ASC-nın Cavabdeh1, Cavabdeh2, Cavabdeh3, Cavabdeh4, Cavabdeh5 və Cavabdeh6 qarşı “ölmüş şəxsin kredit borcunun mirası qəbul etmiş vərəsələrindən tutulması” tələbinə dair iddia ərizəsi ilə məhkəməyə müraciət etmişdir. İddiaçı ərizə ilə məhkəməyə müraciət edərək iddia ərizəsi, ona əlavə edilmiş sənədlərin və ödənilmiş dövlət rüsumunun geri qaytarılmasını xahiş etmişdir. Cavabdeh5 borcu tam ödədiklərini bildirərək iddianın geri qaytarılmasına etiraz etmədiyini bildirmişdir. Digər cavabdehlər məhkəmə iclasının vaxtı və yeri barəsində lazımı qaydada xəbərdar edilməklə məhkəmə iclasına çağırılmışlar, lakin onlar məhkəmə iclasına gəlməmişlər. Məhkəmə iş materiallarını nəzərdən keçirib, ərizəni və proses iştirakçılarının fikirlərini nəzərə alaraq hesab edir ki, iddiaçı tərəf mülki işin baxılmamış saxlanılması barədə ərizə verdiyindən, cavabdehlərdən biri isə buna etiraz etmədiyindən, digər cavabdehlər isə məhkəmə iclasına gəlmədiyindən və işə onun iştirakı olmadan mahiyyəti üzrə baxılmasının tələb edilməsinə dair məhkəməyə heç bir vəsatət təqdim etmədiklərindən, Azərbaycan Respublikasının Mülki Prosessual Məcəlləsinin (bundan sonra MPM) 259.0.11-ci maddəsinə əsasən, iddia ərizəsi baxılmamış saxlanılmalı, iddia ərizəsi, ona əlavə edilmiş sənədlər və ********** nömrəli, xx.xx.2023cü il tarixli mədaxil qəbzi ilə ödənilmiş dövlət rüsumu geri qaytarılmalıdır. Belə ki, MPM-in 259.0.11-ci maddəsinə əsasən, mülki işin baxılmamış saxlanılması barədə ərizə verildikdə və cavabdeh işin mahiyyəti üzrə həll olunmasını tələb etmədikdə, hakim ərizəni baxılmamış saxlayır. Şərh olunanlara əsaslanaraq və MPM-in 259, 263-268-ci maddələrini rəhbər tutaraq məhkəmə QƏRARA ALDİ: İddiaçı Azərbaycan Beynəlxalq Bankı ASC-nin ərizəsi təmin edilsin. İddiaçı Azərbaycan Beynəlxalq Bankı ASC-nin Cavabdeh1, Cavabdeh2, Cavabdeh3, Cavabdeh4, Cavabdeh5 və Cavabdeh6 qarşı “ölmüş şəxsin kredit borcunun mirası qəbul etmiş vərəsələrindən tutulması” tələbinə dair iddia ərizəsi baxılmamış saxlanılsın, iddia ərizəsi və ona əlavə edilmiş sənədlər, həmçinin iddiaçı tərəfindən ********** nömrəli, xx.xx.2023-cü il tarixli mədaxil qəbzi ilə ödənilmiş dövlət rüsumu geri qaytarılsın. Qərardad tərəflərə rəsmi qaydada verildikdən sonra ondan 10 (on) gün müddətində Ağsu Rayon Məhkəməsinə şikayət verilə bilər. Sədrlik edən Babək Qasımov