Ağcabədi Rayon Məhkəməsi Qətnamə — İş №2(017)-1958/2023

Azərbaycan Respublikası adından QƏTNAMƏ Ağcabədi rayonu İş № 2(017)-1958/2023 04.10.2023 AĞCABƏDİ RAYON MƏHKƏMƏSİ Hakim Nuriyev Rəşad Mövsüm oğlunun sədrliyi, İddiaçı "xxxx" X3 Səhmdar Cəmiyyətinin cavabdehlər Cavabdeh1 və Cavabdeh2 qarşı borcun qaytarılması tələbi barədə kiçik iddia ərizəsinə dair işə baxaraq, məhkəmə M ü ə y y ə n e t d i: İddiaçı "xxxx" X3 Səhmdar Cəmiyyəti cavabdehlər Cavabdeh1 və Cavabdeh2 qarşı kiçik iddia ərizəsi ilə məhkəməyə müraciət edərək tərəflər arasında bağlanmış 19 avqust 2021-ci tarixli, 5128sBRD/21 saylı kredit və 18 fevral 2022-ci il tarixli, 5128sBRD/21 saylı zaminlik müqavilələri üzrə cavabdehlərdən 1171,64 manat əsas borc, 152,24 manat faiz borcu, 123,59 manat cərimə olmaqla, cəmi 1447,47 manat borcun, 34,88 manat ödənilmiş dövlət rüsumunun müştərək qaydada alınıb iddiaçının xeyrinə ödənilməsi barədə qətnamə çıxarılmasını məhkəmədən xahiş etmişdir. İddiaçı "xxxx" X3 Səhmdar Cəmiyyəti ərizəni onunla əsaslandırmışdır ki, 19 avqust 2021-ci tarixli, 5128sBRD/21 saylı kredit müqaviləsinə əsasən Cavabdeh1 120 ay müddətinə illik 35%-lə ödəmək şərti ilə 20000 manat məbləğində kredit verilmişdir. Tərəflər arasında bağlanmış müqavilənin 1.1-ci maddəsinə görə bu müqaviləyə görə borcverən qeyd olunan məbləğdə və faizlə krediti borcalanın mülkiyyətinə verir və borcalan isə həmin kreditdən məqsədli təyinatına uyğun istifadə etməyi və müəyyən olunmuş müddətdə onu faizi ilə birlikdə borcverənə qaytarmağı öhdəsinə götürür. Kredit öhdəliyinin təmin edilməsi məqsədi ilə iddiaçı ilə Cavabdeh2 arasında 18 fevral 2022-ci il tarixli, 5128sBRD/21 saylı zaminlik müqaviləsi bağlanmış və həmin müqaviləyə əsasən zamin kredit alanın öhdəliklərinin tam həcmdə yerinə yetirilməsinə görə məsuliyyəti tam olaraq öz üzərinə götürmüşdür. Lakin cavabdeh kredit və zaminlik müqavilələrinin şərtlərinə əməl etməyərək öhdəliklərini tam yerinə yetirməmişdir. Hal hazırda onların iddiaçıya 71,64 manat əsas borc, 152,24 manat faiz borcu, 123,59 manat cərimə olmaqla, cəmi 1447,47 manat borcu yaranmışdır. Ona görə də, tərəflər arasında bağlanmış 19 avqust 2021-ci tarixli, 5128sBRD/21 saylı kredit və 18 fevral 2022-ci il tarixli, 5128sBRD/21 saylı zaminlik müqavilələri üzrə cavabdehlərdən 1171,64 manat əsas borc, 152,24 manat faiz borcu, 123,59 manat cərimə olmaqla, cəmi 1447,47 manat borcun, 34,88 manat ödənilmiş dövlət rüsumunun müştərək qaydada alınıb "xxxx" X3 Səhmdar Cəmiyyətinin xeyrinə ödənilməsi barədə qətnamə çıxarılmasını məhkəmədən xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən cavabdehlərə rəsmi qaydada bildiriş göndərilərək iddiaçının tələbinə dair əsaslandırılmış etirazlarının olduğu halda 10 iş günü müddətində öz dəlillərini və onları təsdiq edən sənədləri təqdim etməli olduqları bildirilmişdir. Lakin cavabdehlərdən ərizəyə dair etiraz daxil olmamışdır. Məhkəmə Azərbaycan Respublikası Mülki Prosessual Məcəlləsinin 284-5.3-cü maddəsinə əsasən işə iddiaçının təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmasını mümkün hesab edir. İşdə olan 19 avqust 2021-ci tarixli, 5128sBRD/21 saylı kredit müqaviləsindən və ona 1 saylı əlavədən görünür ki, iddiaçı "xxxx" X3 Səhmdar Cəmiyyəti tərəfindən Cavabdeh1 120 ay müddətinə illik 35%-lə ödəmək şərti ilə 20000 manat məbləğində kredit verilmişdir. İşdə olan 18 fevral 2022-ci il tarixli, 5128sBRD/21 saylı zaminlik müqaviləsindən görünür ki, həmin müqavilə üzrə zamin Cavabdeh2 19 avqust 2021-ci tarixli, 5128sBRD/21 saylı kredit müqaviləsindən irəli gələn öhdəliklərin icrası üçün iddiaçı qarşısında Cavabdeh1 ilə birgə məsuliyyət daşıyır və kredit müqaviləsi üzrə kreditin qaytarılması ilə bağlı Cavabdeh1 bütün öhdəliklərini öhdəsinə götürmüşdür. İşdə olan 31 iyul 2023-cü il tarixli maliyyə arayışından görünür ki, 19 avqust 2021ci tarixli, 5128sBRD/21 saylı kredit müqaviləsi üzrə Cavabdeh1nın "xxxx" X3 Səhmdar Cəmiyyətinə 1171,64 manat əsas borc, 152,24 manat faiz borcu, 123,59 manat cərimə olmaqla, cəmi 1447,47 manat borcu vardır. Məhkəmə iş materiallarını tam, hərtərəfli və obyektiv araşdıraraq hesab edir ki, iddia qismən təmin edilməlidir. Belə ki, Azərbaycan Respublikası Mülki Məcəlləsinin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn, pul ödəməli, xidmətlər göstərməli, əmlak verməli, iş görməli və i.a və ya müəyyən hərəkətdən çəkinməlidir, kreditorun isə borcludan vəzifəsinin icrasının tələb etmək hüququ vardır. Həmin Məcəllənin 472.2-ci maddəsinə əsasən əgər zaminlik müqaviləsində ayrı qayda nəzərdə tutulmayıbsa, faizlərin, borc tutulması üzrə məhkəmə xərclərinin və borclunun öhdəliyi icra etməməsi və ya lazımınca icra etməməsi nəticəsində kreditora dəyən digər zərərin əvəzinin ödənilməsi də daxil olmaqla, zamin kreditor qarşısında borclu ilə eyni həcmdə məsuliyyət daşıyır. Həmin Məcəllənin 739.1-ci maddəsinə əsasən borc müqaviləsinə görə iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda olan eyni növlü əşyalar şəklində borc verənə qaytarmağı öhdəsinə götürür. İş materialları araşdırılarkən müəyyən olundu ki, cavabdeh X2 ilə iddiaçı "xxxx" X3 Səhmdar Cəmiyyətinin arasında 19 avqust 2021-ci tarixli, 5128sBRD/21 saylı kredit müqaviləsinə əsasən cavabdeh X1 Cavabdeh1 120 ay müddətinə illik 35%-lə ödəmək şərti ilə 20000 manat məbləğində kredit verilmişdir. Tərəflər arasında bağlanmış müqavilənin 1.1-ci maddəsinə görə bu müqaviləyə görə borcverən qeyd olunan məbləğdə və faizlə krediti borcalanın mülkiyyətinə verir və borcalan isə həmin kreditdən məqsədli təyinatına uyğun istifadə etməyi və müəyyən olunmuş müddətdə onu faizi ilə birlikdə borcverənə qaytarmağı öhdəsinə götürür. Kredit öhdəliyinin təmin edilməsi məqsədi ilə iddiaçı ilə Cavabdeh2 arasında 18 fevral 2022-ci il tarixli, 5128sBRD/21 saylı zaminlik müqaviləsi bağlanmış və həmin müqaviləyə əsasən zamin kredit alanın öhdəliklərinin tam həcmdə yerinə yetirilməsinə görə məsuliyyəti tam olaraq öz üzərinə götürmüşdür. Lakin cavabdeh kredit və zaminlik müqavilələrinin şərtlərinə əməl etməyərək öhdəliklərini tam yerinə yetirməmişdir. Hal hazırda onların iddiaçıya 71,64 manat əsas borc, 152,24 manat faiz borcu, 123,59 manat cərimə olmaqla, cəmi 1447,47 manat borcu yaranmışdır. Ona görə də, tərəflər arasında bağlanmış 19 avqust 2021-ci tarixli, 5128sBRD/21 saylı kredit və 18 fevral 2022-ci il tarixli, 5128sBRD/21 saylı zaminlik müqavilələri üzrə cavabdehlərdən 1171,64 manat əsas borc, 152,24 manat faiz borcu, 123,59 manat cərimə olmaqla, cəmi 1447,47 manat borcun borcun alınmasını tələb edir. Azərbaycan Respublikası Mülki Məcəlləsinin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək cərimə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Məhkəmə cavabdehlərdən 19 avqust 2021-ci tarixli, 5128sBRD/21 nömrəli müqavilə üzrə tələb olunan 123,59 manat məbləğində dəbbə pulunun (cərimənin) tənasübsüz surətdə yüksək olduğunu nəzərə alaraq hesab edir ki, dəbbə pulunun miqdarı 23 manatadək azaldılmalıdır. Azərbaycan Respublikası Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Şərh olunanları nəzərə alaraq məhkəmə belə nəticəyə gəlir ki, iddia qismən təmin edilərək iddiaçı "xxxx" X3 Səhmdar Cəmiyyəti ilə Cavabdeh1 arasında bağlanmış 19 avqust 2021-ci tarixli, 5128sBRD/21 saylı kredit müqaviləsi, iddiaçı "xxxx" X3 Səhmdar Cəmiyyəti ilə Cavabdeh2 arasında 18 fevral 2022-ci il tarixli, 5128sBRD/21 zaminlik müqavilələrinə əsasən cavabdehlərdən 1171,64 manat əsas borc, 152,24 manat faiz borcu, 23 manat cərimə olmaqla, cəmi 1346,88 manat borc müştərək qaydada alınıb iddiaçı "xxxx" X3 Səhmdar Cəmiyyətinin xeyrinə ödənilməlidir. İşdə olan 31 iyul 2023-cü il tarixli mədaxil qəbzindən görünür ki, "xxxx" X3 Səhmdar Cəmiyyəti tərəfindən 34,88 manat dövlət rüsumu ödənilmişdir. Azərbaycan Respublikasının Mülki Prosessual Məcəlləsinin 119.1-ci maddəsinin tələbinə görə məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Göstərilən maddənin tələbinə uyğun olaraq məhkəmə hesab edir ki, məhkəmədə iddia qaldırmaq üçün ödənilmiş 34,88 manat dövlət rüsumu cavabdehlərdən müştərək qaydada alınaraq iddiaçının xeyrinə ödənilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 284-6 maddəsinə əsasən, məhkəmə Q ə t e t d i: İddia qismən təmin edilsin. Cavabdehlər Cavabdeh1 və Cavabdeh2 1171,64 manat əsas borc, 152,24 manat faiz borcu, 23 manat cərimə və ödənilmiş 34,88 manat dövlət rüsumu, cəmi 1381 (bir min üç yüz səksən bir) manat 76 (yetmiş altı) qəpik pul müştərək qaydada alınıb iddiaçı "xxxx" X3 Səhmdar Cəmiyyətinə ödənilsin. Qətnamədən bir ay müddətində Ağcabədi Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti vermək olar. Hakim: Rəşad Nuriyev