Ağcabədi Rayon Məhkəməsi Qətnamə — İş №2(017)-347/2024

Azərbaycan Respublikası adından QƏTNAMƏ Ağcabədi rayonu İş № 2(017)-347/2024 20.02.2024 AĞCABƏDİ RAYON MƏHKƏMƏSİ Hakim Nuriyev Rəşad Mövsüm oğlunun sədrliyi, İddiaçı BOKT İddiaçı cavabdehlər Cavabdeh1, Cavabdeh2 və Cavabdeh3 qarşı kredit borcunun qaytarılması tələbi barədə kiçik iddia ərizəsinə dair işə baxaraq, məhkəmə M ü ə y y ə n e t d i: İddiaçı BOKT İddiaçı cavabdehlər Cavabdeh1, Cavabdeh2 və Cavabdeh3 qarşı kiçik iddia ərizəsi ilə məhkəməyə müraciət edərək Cavabdeh1 ilə BOKT İddiaçı arasında bağlanmış 03 dekabr 2019-cu il tarixli, L-AG/0049199-F saylı kredit müqaviləsinin ləğv edilməsi, cavabdehlərdən 176,11 manat əsas borc, 4,73 manat faiz borcu, cəmi 180,84 manat borcun və 30,40 manat ödənilmiş dövlət rüsumunun müştərək qaydada alınıb iddiaçının xeyrinə ödənilməsi barədə qətnamə çıxarılmasını məhkəmədən xahiş etmişdir. İddiaçı BOKT İddiaçı ərizəni onunla əsaslandırmışdır ki, 03 dekabr 2019-cu il tarixli, L-AG/0049199-F saylı kredit müqaviləsinə əsasən Cavabdeh1 60 ay müddətinə illik 1%-lə ödəmək şərti ilə 238,88 manat məbləğində kredit verilmişdir. Tərəflər arasında bağlanmış müqavilənin 1.1-ci maddəsinə görə bu müqaviləyə görə borcverən qeyd olunan məbləğdə və faizlə krediti borcalanın mülkiyyətinə verir və borcalan isə həmin kreditdən məqsədli təyinatına uyğun istifadə etməyi və müəyyən olunmuş müddətdə onu faizi ilə birlikdə borcverənə qaytarmağı öhdəsinə götürür. Kredit öhdəliyinin təmin edilməsi məqsədi ilə iddiaçı ilə cavabdehlər Cavabdeh2 və Cavabdeh3 arasında 03 dekabr 2019cu il tarixli, AG--0009578-F və 03 dekabr 2019-cu il tarixli, AG--00016790-F saylı zaminlik müqavilələri bağlanmış və həmin müqaviləyə əsasən zaminlər kredit alanın öhdəliklərinin tam həcmdə yerinə yetirilməsinə görə məsuliyyəti tam olaraq öz üzərinə götürmüşdür. Lakin cavabdehlər kredit və zaminlik müqavilələrinin şərtlərinə əməl etməyərək öhdəliklərini tam yerinə yetirməmiş və müqavilə üzrə 62,77 manat əsas borc, 5,23 manat faiz borcu, cəmi 68 manat məbləğində ödəniş etmişdir. Hal hazırda onların iddiaçıya 176,11 manat əsas borc, 4,73 manat faiz borcu, cəmi 180,84 manat borcu yaranmışdır. Ona görə də, Cavabdeh1 ilə BOKT İddiaçı arasında bağlanmış 03 dekabr 2019-cu il tarixli, L-AG/0049199-F saylı kredit müqaviləsinin ləğv edilməsi və cavabdehlərdən 176,11 manat əsas borc, 4,73 manat faiz borcu, cəmi 180,84 manat borcun və 30,40 manat ödənilmiş dövlət rüsumunun müştərək qaydada alınıb BOKT İddiaçı xeyrinə ödənilməsi barədə qətnamə çıxarılmasını məhkəmədən xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən cavabdehlərə rəsmi qaydada bildiriş göndərilərək iddiaçının tələbinə dair əsaslandırılmış etirazlarının olduğu halda 10 iş günü müddətində öz dəlillərini və onları təsdiq edən sənədləri təqdim etməli olduqları bildirilmişdir. Lakin cavabdehlərdən ərizəyə dair etiraz daxil olmamışdır. Məhkəmə Azərbaycan Respublikası Mülki Prosessual Məcəlləsinin 284-5.3-cü maddəsinə əsasən işə iddiaçının təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmasını mümkün hesab edir. İşdə olan 03 dekabr 2019-cu il tarixli, L-AG/0049199-F saylı kredit müqaviləsindən və ona 1 saylı əlavədən görünür ki, iddiaçı BOKT İddiaçı tərəfindən Cavabdeh1 60 ay müddətinə illik 1%-lə ödəmək şərti ilə 238,88 manat məbləğində kredit verilmişdir. İşdə olan BOKT İddiaçı ilə Cavabdeh2 və Cavabdeh3 arasında bağlanmış 03 dekabr 2019-cu il tarixli, AG--0009578-F və 03 dekabr 2019-cu il tarixli, AG--00016790-F saylı zaminlik müqavilələrindən görünür ki, həmin müqavilə üzrə zaminlər Cavabdeh2, Cavabdeh3 03 dekabr 2019-cu il tarixli, L-AG/0049199-F saylı kredit müqaviləsindən irəli gələn öhdəliklərin icrası üçün iddiaçı qarşısında Cavabdeh1 ilə birgə məsuliyyət daşıyırlar və kredit müqaviləsi üzrə kreditin qaytarılması ilə bağlı Cavabdeh1nın bütün öhdəliklərini öhdəsinə götürmüşlər. İşdə olan 26 oktyabr 2022-ci il tarixli maliyyə arayışından görünür ki, 03 dekabr 2019-cu il tarixli, L-AG/0049199-F saylı kredit müqaviləsi üzrə Cavabdeh1nın BOKT İddiaçınə 176,11 manat əsas borc, 4,73 manat faiz borcu, cəmi 180,84 manat borcu vardır. Məhkəmə iş materiallarını tam, hərtərəfli və obyektiv araşdıraraq hesab edir ki, iddia təmin edilməlidir. Belə ki, Azərbaycan Respublikası Mülki Məcəlləsinin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn, pul ödəməli, xidmətlər göstərməli, əmlak verməli, iş görməli və i.a və ya müəyyən hərəkətdən çəkinməlidir, kreditorun isə borcludan vəzifəsinin icrasının tələb etmək hüququ vardır. Həmin Məcəllənin 472.2-ci maddəsinə əsasən əgər zaminlik müqaviləsində ayrı qayda nəzərdə tutulmayıbsa, faizlərin, borc tutulması üzrə məhkəmə xərclərinin və borclunun öhdəliyi icra etməməsi və ya lazımınca icra etməməsi nəticəsində kreditora dəyən digər zərərin əvəzinin ödənilməsi də daxil olmaqla, zamin kreditor qarşısında borclu ilə eyni həcmdə məsuliyyət daşıyır. Həmin Məcəllənin 739.1-ci maddəsinə əsasən borc müqaviləsinə görə iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda olan eyni növlü əşyalar şəklində borc verənə qaytarmağı öhdəsinə götürür. İş materialları araşdırılarkən müəyyən olundu ki, Cavabdeh1 ilə iddiaçı BOKT İddiaçı arasında 03 dekabr 2019-cu il tarixli, L-AG/0049199-F saylı kredit müqaviləsinə əsasən Cavabdeh1 60 ay müddətinə illik 1%-lə ödəmək şərti ilə 238,88 manat məbləğində kredit verilmişdir. Tərəflər arasında bağlanmış müqavilənin 1.1-ci maddəsinə görə bu müqaviləyə görə borcverən qeyd olunan məbləğdə və faizlə krediti borcalanın mülkiyyətinə verir və borcalan isə həmin kreditdən məqsədli təyinatına uyğun istifadə etməyi və müəyyən olunmuş müddətdə onu faizi ilə birlikdə borcverənə qaytarmağı öhdəsinə götürür. Kredit öhdəliyinin təmin edilməsi məqsədi ilə iddiaçı ilə cavabdehlər Cavabdeh2 və Cavabdeh3 arasında 03 dekabr 2019-cu il tarixli, AG--0009578-F və 03 dekabr 2019-cu il tarixli, AG--00016790-F saylı zaminlik müqavilələri bağlanmış və həmin müqaviləyə əsasən zaminlər kredit alanın öhdəliklərinin tam həcmdə yerinə yetirilməsinə görə məsuliyyəti tam olaraq öz üzərinə götürmüşdür. Lakin cavabdehlər kredit və zaminlik müqavilələrinin şərtlərinə əməl etməyərək öhdəliklərini tam yerinə yetirməmiş və müqavilə üzrə 62,77 manat əsas borc, 5,23 manat faiz borcu, cəmi 68 manat məbləğində ödəniş etmişdir. Hal hazırda onların iddiaçıya 176,11 manat əsas borc, 4,73 manat faiz borcu, cəmi 180,84 manat borcu yaranmışdır. Ona görə də, tərəflər arasında bağlanmış 03 dekabr 2019-cu il tarixli, L-AG/0049199-F saylı kredit və 03 dekabr 2019-cu il tarixli, AG-- 0009578-F və 03 dekabr 2019-cu il tarixli, AG--00016790-F saylı zaminlik müqavilələrinin ləğv edilməsi və cavabdehlərdən 176,11 manat əsas borc, 4,73 manat faiz borcu, cəmi 180,84 manat borcun borcun alınmasını tələb edir. Azərbaycan Respublikası Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Şərh olunanları nəzərə alaraq məhkəmə belə nəticəyə gəlir ki, iddia təmin edilərək iddiaçı BOKT İddiaçı ilə Cavabdeh1 arasında bağlanmış 03 dekabr 2019-cu il tarixli, L- AG/0049199-F saylı kredit müqaviləsi ləğv edilməli və cavabdehlərdən 176,11 manat əsas borc, 4,73 manat faiz borcu, cəmi 180,84 manat borc müştərək qaydada alınıb iddiaçı BOKT İddiaçı xeyrinə ödənilməlidir. İşdə olan 23 noyabr 2023-cü il tarixli mədaxil qəbzindən görünür ki, BOKT İddiaçı tərəfindən 30,40 manat dövlət rüsumu ödənilmişdir. Azərbaycan Respublikasının Mülki Prosessual Məcəlləsinin 119.1-ci maddəsinin tələbinə görə məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Göstərilən maddənin tələbinə uyğun olaraq məhkəmə hesab edir ki, məhkəmədə iddia qaldırmaq üçün ödənilmiş 30,40 manat dövlət rüsumu cavabdehlərdən müştərək qaydada alınaraq iddiaçının xeyrinə ödənilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 284-6 maddəsinə əsasən, məhkəmə Q ə t e t d i: İddia təmin edilsin. İddiaçı BOKT İddiaçı ilə Cavabdeh1 arasında bağlanmış 01 iyul 2019-cu il tarixli, L-GO-0046924-F saylı kredit müqaviləsi ləğv edilsin. Cavabdehlər Cavabdeh1, Cavabdeh2 və Cavabdeh3 176,11 manat əsas borc, 4,73 manat faiz borcu və ödənilmiş 30,40 manat dövlət rüsumu, cəmi 211 (iki yüz on bir) manat, 24 (iyirmi dörd) qəpik pul müştərək qaydada alınıb iddiaçı BOKT İddiaçınə ödənilsin. Qətnamədən bir ay müddətində Ağcabədi Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti vermək olar. Hakim: Rəşad Nuriyev