Ağcabədi Rayon Məhkəməsi Qətnamə — İş №2(017)-557/2023

Azərbaycan Respublikası adından QƏTNAMƏ Ağcabədi rayonu İş № 2(017)-557/2023 27.03.2023 AĞCABƏDİ RAYON MƏHKƏMƏSİ Ağcabədi Rayon Məhkəməsinin hakimi Quliyev Etibar Bəhrəm oğlunun sədrliyi, məhkəmə iclasının katibi Paşayev Şamxal Yəhya oğlunun katibliyi ilə, İddiaçı BOKT İddiaçı cavabdehlər Mamudov Xudayyət Ağalar oğluna, Cavabdeh2 və Cavabdeh3 qarşı «kredit borcunun ödənilməsi» tələbi barədə kiçik iddiaya dair mülki işə sadələşdirilmiş icraat qaydasında Ağcabədi Rayon Məhkəməsinin binasında baxaraq, məhkəmə MÜƏYYƏN ETDİ: İddiaçı BOKT İddiaçı cavabdehlər Mamudov Xudayyət Ağalar oğluna, Cavabdeh2 və Cavabdeh3 qarşı «kredit borcunun ödənilməsi» barədə iddia verərək, kredit və zaminlik müqaviləsinin ləğv edilməsini, cavabdehlər Mamudov Xudayyət Ağalar oğlundan, Cavabdeh2 və Cavabdeh3 1284,36 manat əsas, 23,15 manat faiz və 35 manat dövlət rüsumunun alınıb BOKT İddiaçınə ödənilməsi barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən ərizə məhkəməyə daxil olduğu gündən 5 (beş) iş günü ərzində cavabdehə rəsmi qaydada bildiriş göndərilmişdir. İddia ərizəsindən görünür ki, BOKT İddiaçı ilə cavabdeh Mamudov Xudayyət Ağalar oğlu arasında 11 iyun 2019-cu il tarixdə kredit müqaviləsi imzalanmışdır. Həmin müqaviləyə uyğun olaraq tərəflər arasında razılaşma imzalanmış və cavabdehə 60 ay müddətinə illik 1% olmaqla 1672,84 manat kredit verilmişdir. Cavabdeh2 və Cavabdeh3 həmin sazişə uyğun olaraq zamin kimi üzərinə məsuliyyət götürmüşdür. Lakin, cavabdeh Mamudov Xudayyət Ağalar oğlu kredit borcunu banka ödəməkdən yayınmış, beləliklə də onun 1284,36 manat əsas, 23,15 manat faiz borcu yaranmışdır. Ona görə də həmin məbləğin, habelə 35 manat ödənilmiş dövlət rüsumunun alınıb onlara verilməsi barədə qətnamə çıxarılmasını məhkəmədən xahiş etmişdir. Məhkəmə iddia ərizəsini, işdə olan hüquqi sənədləri tədqiq edib, toplanmış sübutların məcmusuna hüquqi qiymət verərək, belə nəticəyə gəlir ki, iddia tələbi təmin olunmalıdır. İş materiallarında olan BOKT İddiaçı ilə Mamudov Xudayyət Ağalar oğlu arasında bağlanmış 11 iyun 2019-cu il tarixli kredit müqaviləsindən görünür ki, bankla cavabdeh Mamudov Xudayyət Ağalar oğlu arasında 1672,84 manat məbləğində kredit müqaviləsi bağlanılmış, həmin məbləğ Mamudov Xudayyət Ağalar oğluna verilmiş və zaminlər Cavabdeh2 və Cavabdeh3 həmin sazişə uyğun olaraq zamin kimi üzərinə məsuliyyət götürmüşdür. İş materiallarında olan BOKT İddiaçı tərəfindən verilmiş maliyyə arayışından görünür ki, Mamudov Xudayyət Ağalar oğlunun banka 1284,36 manat əsas, 23,15 manat faiz borcu vardır. Mülki işin materiallarına əlavə edilmiş ödəniş tapşırığından görünür ki, iddiaçı BOKT İddiaçı məhkəməyə müraciət etməsi üçün dövlət büdcəsinə 35 manat dövlət rüsumu ödəmişdir. Azərbaycan Respublikası Mülki Məcəlləsinin 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə görə öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Qeyd olunan Məcəllənin 472.1-ci maddəsinə əsasən borclu zaminliklə təmin edilmiş öhdəliyi icra etmədikdə və ya lazımınca icra etmədikdə, əgər bu Məcəllədə və ya zaminlik müqaviləsində zaminin subsidiar məsuliyyəti nəzərdə tutulmayıbsa, zamin və borclu kreditor qarşısında birgə məsuliyyət daşıyırlar. İş üzrə tərəfin təqdim etdiyi sənədlər yekun qərarın çıxarılması üçün kifayət etdiyi üçün məhkəmə hesab edir ki, iddia təmin olunmalı, kredit və zaminlik müqaviləsi ləğv edilərək tərəflər arasında bağlanmış kredit və zaminlik razılaşmasına əsasən iddiaçı banka olan borc cavabdehlərdən alınaraq iddiaçı banka ödənilməlidir. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən ərizə məhkəməyə daxil oluduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın təmin və ya rədd edilməsi haqqında qətnamə qəbul edilir. Azərbaycan Respublikası Mülki Prosessual Məcəlləsinin 119.1-ci maddəsinə əsasən iddia qaldırılması üçün iddiaçının ödədiyi 35 manat dövlət rüsumu da onun xeyrinə cavabdehdən tutulmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 284-1, 284-5 və 284-6-cı maddələrini rəhbər tuturaq, məhkəmə QƏT ETDİ: İddia təmin edilsin. BOKT İddiaçı ilə cavabdeh Mamudov Xudayyət Ağalar oğlu, Cavabdeh2 və Cavabdeh3 arasında bağlanmış 11 iyun 2019-cu il tarixli kredit və zaminlik müqaviləsi ləğv edilsin. Həmin müqavilə üzrə cavabdehlər Mamudov Xudayyət Ağalar oğlundan, Cavabdeh2 və Cavabdeh3 müştərək qaydada 1284,36 manat əsas, 23,15 manat faiz borcu və 35 manat məbləğində ödənilmiş dövlət rüsumu tutularaq BOKT İddiaçınə ödənilsin. Qətnamədən 01 (bir) ay müddətində Ağcabədi Rayon Məhkəməsi vasitəsilə Şirvan Apellyasiya Məhkəməsinin Mülki Kollegiyasına apellyasiya şikayəti verilə bilər. Qətnamə qəbul edildiyi gündən 01 (bir) ay keçdikdən sonra qanuni qüvvəyə minir. Hakim Etibar Quliyev