Astara Rayon Məhkəməsi Qərardad — İş №2(018)-1208/2024

Azərbaycan Respublikası adından QƏRARDAD Astara rayonu İş № 2(018)-1208/2024 13.09.2024 ASTARA RAYON MƏHKƏMƏSİ Astara Rayon Məhkəməsinin hakimi İbrahimov Zamin Vəliyəddin oğlunun sədrliyi və məhkəmə iclasının katibi X2 oğlunun katibliyi ilə, İddiaçı Astara rayon X1 Hüquqi Şəxsinin Cavabdeh Pərmanqulu qızına qarşı «1111 (min yüz on bir) manat pulun ödənilməsi» tələbinə dair kiçik iddiaya dair ərizəsini və ona əlavə edilmiş sənədləri nəzərdən keçirərək, məhkəmə MÜƏYYƏN ETDİ: İddiaçı Astara rayon X1 Hüquqi Şəxsi Cavabdeh Pərmanqulu qızına qarşı «1111 (min yüz on bir) manat pulun ödənilməsi» tələbinə dair kiçik iddiaya dair ərizə ilə Astara Rayon Məhkəməsinə müraciət etmişdir. Azərbaycan Respublikası Mülki Prosessual Məcəlləsinin 284-3-cü maddəsinə əsasən ərizə məhkəməyə ümumi qaydada verilir. Həmin Məcəllənin 284-3.2-ci maddəsinə əsasən ərizədə aşağıdakılar göstərilməlidir: 284-3.2.1. ərizənin verildiyi məhkəmənin adı; 284-3.2.2. iddiaçı və cavabdehin adları, onların poçt ünvanları; 284-3.2.3. iddiaçının tələbi və onun əsaslandığı hallar; 284-3.2.4. tələbin əsaslığını təsdiq edən sənədlər; 284-3.2.5. əlavə edilən sənədlərin siyahısı. 284-3.3. Ərizə ümumi qaydada verildikdə, iddiaçı və ya onun nümayəndəsi tərəfindən imzalanır və iddiaçının əsaslandığı sənədlər ona əlavə edilir. Nümayəndə tərəfindən verilən ərizəyə onun səlahiyyətlərini təsdiq edən sənəd də əlavə edilməlidir. Həmin Məcəllənin 284-4.1-ci maddəsinə əsasən bu Məcəllənin 153.2-ci maddəsində nəzərdə tutulmuş hallar müəyyən edilmişdirsə, verilmiş tələb bu Məcəllənin 284-1-ci maddəsinə uyğun deyildirsə, verilmiş tələbi təsdiq edən sənədlər təqdim olunmamışdırsa, ərizənin əsaslandığı tələbetmə hüququ barədə mübahisə vardırsa məhkəmə kiçik iddialara dair işlərə sadələşdirilmiş qaydada baxılması ilə əlaqədar ərizənin qəbul olunmasından aşağıdakı hallarda imtina edir. Maddə 284-4. İşə baxılmasının sadələşdirilmiş qaydasının yolverilməzliyi 284-4.1. Məhkəmə kiçik iddialara dair işlərə sadələşdirilmiş qaydada baxılması ilə əlaqədar ərizənin qəbul olunmasından aşağıdakı hallarda imtina edir: 284-4.1.1. bu Məcəllənin 153.2-ci maddəsində nəzərdə tutulmuş hallar müəyyən edilmişdirsə; 284-4.1.2. verilmiş tələb bu Məcəllənin 284-1-ci maddəsinə uyğun deyildirsə; 284-4.1.3. verilmiş tələbi təsdiq edən sənədlər təqdim olunmamışdırsa. 284-4.2. Bu Məcəllənin 284-4.1-ci maddəsində nəzərdə tutulmuş hallarda məhkəmə ərizənin daxil olduğu gündən 5 (beş) iş günü müddətində onun qəbul edilməsindən imtina haqqında əsaslandırılmış qərardad çıxarır. Məhkəmə bu müddət ərzində ərizəni qəbul etməkdən imtina etməyibsə, o, qəbul edilmiş sayılır. Ərizəni qəbul etməkdən imtina barədə qərardaddan şikayət verilə bilməz. 284-4.3. Ərizənin qəbul edilməsindən imtina olunması iddiaçının həmin tələb üzrə iddia icraatı qaydasında iddia verməsinə mane olmur. Bu halda iddiaçı tərəfindən ödənilmiş dövlət rüsumu ödənilməli olan dövlət rüsumuna hesablanır. Kiçik iddiaya dair ərizədən və ona əlavə olunmuş sənədlərdən görünür ki, iddiaçı Astara rayon X1 Hüquqi Şəxsi Cavabdeh Pərmanqulu qızından klassik keysəriyyə kəsiyi əməliyyatı üçün göstərilən tibbi xidmət haqqı kimi 1111 (min yüz on bir) manat pulun ödənilməsini tələb edir. İddia ərizəsinə Astara rayon X1 Hüquqi Şəxsi ilə Cavabdeh Pərmanqulu qızı arasında bununla bağlı olan hər-hansı bir müqavilə əlavə olunmamışdır. Ona görə də məhkəmə hesab edir ki, iddiaçı Astara rayon X1 Hüquqi Şəxsinin Cavabdeh Pərmanqulu qızına qarşı «pulun ödənilməsi» tələbinə dair kiçik iddiaya dair ərizəsinin qəbul olunmasından imtina edilməli və ərizəyə əlavə olunmuş sənədlər geri qaytarılmalıdır. İddiaçıya izah edilməlidir ki, göstərilən nöqsanlar aradan qaldırıldıqdan sonra təkrarən məhkəməyə müraciət edilə bilər. Şərh olunanlara əsasən və Azərbaycan Respublikası Mülki Prosessual Məcəlləsinin 152.1, 152.1.2, 268-269, 384-3, 284-4-cü maddələrini rəhbər tutaraq, məhkəmə QƏRARA ALDİ: İddiaçı Astara rayon X1 Hüquqi Şəxsinin Cavabdeh Pərmanqulu qızına qarşı «1111 (min yüz on bir) manat pulun ödənilməsi» tələbinə dair kiçik iddiaya dair ərizəsinin qəbul olunmasından imtina edilsin və ona əlavə edilmiş sənədlər geri qaytarılsın. İddiaçıya izah edilsin ki, göstərilən nöqsanlar aradan qaldırıldıqdan sonra təkrarən aidiyyəti üzrə məhkəməyə müraciət edə bilər. Qərardaddan 10 (on) gün müddətində Astara Rayon Məhkəməsinə şikayət verilə bilər. Hakim: Zamin İbrahimov