Astara Rayon Məhkəməsi Qətnamə — İş №2(018)-286/2023

Azərbaycan Respublikası adından QƏTNAMƏ Astara rayonu İş № 2(018)-286/2023 02.03.2023 ASTARA RAYON MƏHKƏMƏSİ Astara Rayon Məhkəməsinin hakimi X1 İddiaçı ASC-nin Cavabdeh qarşı «kredit müqaviləsi üzrə pul tələbinə» kiçik iddiaya dair mülki işə sadələşdirilmiş icraat qaydasında Astara Rayon Məhkəməsinin binasında baxaraq, MÜƏYYƏN ETDİ: İddiaçı ASC-nin nümayəndəsi X2 Cavabdeh qarşı «kredit müqaviləsi üzrə pul tələbinə dair» iddia verərək, Bank VTB (Azərbaycan)» ASC ilə Cavabdeh arasında 12 aprel 2022-ci il tarixli, 336982-CNS-33948 saylı “Nağd pul kredit müqaviləsi”-nə əsasən 01 dekabr 2022-ci il tarixinə Banka borclu olduğu 3281 (üç min iki yüz səksən bir) manat, 30 (otuz) qəpik məbləğində əsas borc, 389 (üç yüz səksən doqquz) manat, 92 (doxsan iki) qəpik faiz borcu, 154 (yüz əlli dörd) manat, 85 (səksən beş) qəpik cərimə borcu olmaqla, ümumilikdə 3826 (üç min səkkiz yüz iyirmi altı) manat, 07 (yeddi) qəpik pul məbləğini və məhkəməyə müraciət etmək üçün ödənilmiş 58 (əlli səkkiz) manat, 26 (iyirmi altı) qəpik dövlət rüsumunun və ödənilmiş 40 (qırx) qəpik xidmət haqqının Cavabdeh tutularaq İddiaçı ASC-yə ödənilməsi barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən ərizə məhkəməyə daxil olduğu gündən 5 (beş) iş günü ərzində cavabdehə rəsmi qaydada bildiriş göndərilmişdir. İddia ərizəsindən görünür ki, iddiaçı ilə cavabdeh arasında 336982-CNS-33948 saylı, 12 aprel 2022 -ci il tarixli “Nağd pul krediti müqaviləsi” bağlanmış və 60 ay müddətinə illik 28,9% ödəmək şərtilə 3330 (üç min üç yüz otuz) manat məbləğində kredit borcunun qaytarılmasını cavabdeh öz üzərinə götürmüşdür. Lakin, cavabdeh müqavilə şərtlərini pozaraq dövri olaraq ödəməli olduğu kreditinin ödənilməsinə dair öhdəliyi vaxtında və lazımi qaydada icra etməmişdir. Nəticədə onun banka 3281 (üç min iki yüz səksən bir) manat, 30 (otuz) qəpik əsas məbləğ üzrə, 389 (üç yüz səksən doqquz) manat, 92 (doxsan iki) qəpik faiz üzrə, 154 (yüz əlli dörd) manat, 85 (səksən beş) qəpik cərimə borcu olmaqla, cəmi 3826 (üç min səkkiz yüz iyirmi altı) manat, 07 (yeddi) qəpik borcu yaranmışdır. Məhkəmə iddia ərizəsini, işdə olan hüquqi sənədləri tədqiq edib, toplanmış sübutların məcmusuna hüquqi qiymət verərək, belə nəticəyə gəlir ki, iddia tələbi qismən təmin olunmalıdır. Mülki işə əlavə edilmiş ödəniş tapşırığından görünür ki, İddiaçı ASC-nin adından məhkəməyə müraciət edilməsi üçün dövlət büdcəsinə 58 (əlli səkkiz) manat, 26 (iyirmi altı) qəpik dövlət rüsumu və 40 (qırx) qəpik xidmət haqqı ödənilmişdir. Mülki işə əlavə edilmiş 12 aprel 2022 -ci il tarixli 336982-CNS-33948 saylı “Nağd pul krediti müqaviləsi”-ndən görünür ki, İddiaçı ASC tərəfindən Cavabdeh 60 ay müddətinə illik 28,9% ödəmək şərtilə 3330 (üç min üç yüz otuz) manat məbləğində kredit verilmişdir. Mülki işə əlavə edilmiş arayışından görünür ki, Cavabdeh 336982-CNS-33948 saylı kredit müqaviləsi üzrə 01 dekabr 2022-ci il tarixinə 3281 (üç min iki yüz səksən bir) manat, 30 (otuz) qəpik əsas məbləğ üzrə, 389 (üç yüz səksən doqquz) manat, 92 (doxsan iki) qəpik faiz üzrə, 154 (yüz əlli dörd) manat, 85 (səksən beş) qəpik cərimə borcu olmaqla, cəmi 3826 (üç min səkkiz yüz iyirmi altı) manat, 07 (yeddi) qəpik borcu vardır. Mülki işə əlavə edilmiş 06 oktyabr 2022-ci il tarixli pretenziya məktubundan görünür ki, Cavabdeh 12 aprel 2022 -ci il tarixli, 336982-CNS-33948 saylı Nağd pul krediti müqaviləsi üzrə borcu olduğu barədə İddiaçı ASC tərəfindən bildirilmişdir. Azərbaycan Respublikası Mülki Məcəlləsinin 442-ci maddəsinə görə öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. İddia tələbini qismən təmin edən məhkəmə iş üzrə toplanmış sübutların məcmusuna qiymət verərək, habelə qanunvericilik aktlarının müddəalarına istinad edərək belə qənaətə gəlir ki, 12 aprel 2022 -ci il tarixli müqaviləsi üzrə iddiaçının iddia etdiyi 154 (yüz əlli dörd) manat, 85 (səksən beş) qəpik məbləğində dəbbə pulu azaldılaraq 14 (on dörd) manat həddində müəyyən edilməlidir. Belə ki, Azərbaycan Respublikası Mülki Məcəlləsinin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən ərizə məhkəməyə daxil oluduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284- 6.1-ci maddəsinə əsasən işə mahiyyəti üzrə baxan hakim tərəfindən iddianın tam və ya qismən və ya rədd haqqında qətnamə qəbul edilir. Azərbaycan Respublikası Mülki Prosessual Məcəlləsinin 119.1-ci maddəsinə əsasən iddia qaldırılması üçün iddiaçının ödədiyi 58 (əlli səkkiz) manat, 26 (iyirmi altı) qəpik dövlət rüsumunun onun xeyrinə cavabdehdən tutulmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 284-1, 284-5 və 284-6-cı maddələrini rəhbər tuturaq, QƏT ETDİ: İddia qismən təmin edilsin. Cavabdeh 12 aprel 2022 -ci il tarixli, 336982-CNS-33948 saylı Nağd pul kredit müqaviləsi üzrə 3281 (üç min iki yüz səksən bir) manat 30 (otuz) qəpik əsas borc, 389 (üç yüz səksən doqquz) manat 92 (doxsan iki) qəpik faiz borcu, 14 (on dörd) manat cərimə borcu, cəmi 3685 (üç min altı yüz səksən beş) manat 22 (iyirmi iki) qəpik borc və dövlət rüsumu üçün ödənilmiş 58 (əlli səkkiz) manat 26 (iyirmi altı) qəpik və xidmət haqqı olaraq ödənilmiş 40 (qırx) qəpik məbləğində pul vəsaiti tutulub İddiaçı ASC-nin xeyrinə ödənilsin. Qətnamədən 01 (bir) ay müddətində Astara Rayon Məhkəməsi vasitəsilə Şirvan Apellyasiya Məhkəməsinə apellyasiya şikayəti verilə bilər. Kiçik iddialara dair işlər üzrə sadələşdirilmiş icraat qaydasında baxılmış işlər üzrə çıxarılmış məhkəmə qətnaməsindən şikayət verilməmişdirsə, qətnamə qəbul edildiyi gündən 1 (bir) ay keçdikdən sonra qanuni qüvvəyə minir. Hakim: İlqar Məmmədov